ព័ត៌មានអន្ដរជាតិ
រលកទី២ នៃកូវីដ ១៩ ជំរុញឲ្យប្រជាជាតិធំៗនៅអឺរ៉ុប ប្រកាសអាសន្នជាថ្មី
ស្របពេលពិភពលោកកំពុងតាមដានស្ថានការណ៍បោះឆ្នោតប្រធានាធិបតីនៅអាមេរិក ចក្រភពអង់គ្លេសឯណេះវិញ នៅថ្ងៃព្រហស្បត្តិ៍នេះ បានសម្រេចបិទប្រទេសជាថ្មី ដូចគ្នាទៅនឹងបណ្តាប្រជាជាតិផ្សេងទៀតនៅអឺរ៉ុប ដោយសារការរាតត្បាតជំងឺកូវីដ ១៩ រលកទី២ កាន់តែកើនខ្លាំង និងមានករណីស្លាប់យ៉ាងច្រើនទូទាំងទ្វីបអឺរ៉ុបតែម្តង។
ការរឹតបន្តឹងបិទប្រទេសរបស់អង់គ្លេស ធ្វើក្រោយប្រជាជាតិធំៗផ្សេងទៀត រាប់ទាំងបារាំង អាល្លឺម៉ង់ និងអ៊ីតាលី កាលពីចុងសប្តាហ៍មុន បានប្រកាសជាតំបន់ក្រហម (តំបន់គ្រោះថ្នាក់នៃជំងឺកូវីដ ១៩) ខណៈចាប់ពីយប់រំលងអធ្រាតថ្ងៃព្រហស្បត្តិ៍នេះ គ្រប់ភោជនីយដ្ឋាន បារ និងអាជីវកម្មមិនចាំបាច់ ទូទាំងចក្រភពអង់គ្លេស ត្រូវបិទទ្វាររហូតដល់ថ្ងៃ ២ ធ្នូ ឆ្នាំ២០២០។
ថ្លែងក្នុងអង្គប្រជុំសភា លោកនាយករដ្ឋមន្ត្រី Boris Johnson បាននិយាយថា លោកកំពុងតទល់ជាមួយទិន្និន័យរបស់សេវាសុខភាពជាតិអង់គ្លេស NHS ដែលទំនងខុសពីតួលេខពិតនៃកើនឡើងអត្រាឆ្លងកូវីដ ១៩។ លោកថា រលកទី២ អាចកាន់តែខ្លាំង ពិសេសអំឡុងនិទាឃរដូវ ដោយចំនួនអ្នកជំងឺកូវីដ ១៩ កំពុងកើនខ្លាំងតាមបណ្តាមន្ទីរពេទ្យធំៗជាច្រើន គឺខ្ពស់ជាអត្រាអ្នកជំងឺកាលពីរលកទី១ ទៅទៀត។
កាលពីថ្ងៃពុធ អង់គ្លេសរកឃើញអ្នកឆ្លងថ្មី ២៥ ១៧៧នាក់ ស្លាប់ ៤៩២នាក់ ខណៈកំណើនអ្នកចូលព្យាបាលកមាន ១២ ៣២០នាក់។
ជាមួយគ្នានេះ តួលេខឆ្លងថ្មីទូទាំងតំបន់អឺរ៉ុប កើនដល់ ២២% ខណៈតួលេខស្លាប់ កើន ៤៣% ត្រឹមរយៈពេល ៧ថ្ងៃចុងក្រោយ។ នេះបើយោងតាមរបាយការណ៍អង្គការសុខភាពពិភពលោក៕
ប្រែសម្រួល៖ សុភា
ប្រភព៖ CNN
អត្ថបទក្តៅ៖
-
ព័ត៌មានជាតិ៦ ថ្ងៃ agoពិធី “រៀបមង្គលការលេង” មួយគូ នៅវត្តបឹងត្រាវ ប្រមូលថវិកាសាងសង់វត្ត អបអរបុណ្យចូលឆ្នាំខ្មែរ
-
ព័ត៌មានជាតិ៤ ថ្ងៃ ago៦ថ្ងៃក្នុងព្រឹត្តិការណ៍ «នគរសង្ក្រាន្ត» មន្ទីរសុខាភិបាលរាជធានីភ្នំពេញ បានពិនិត្យ និងព្យាបាលជូនពលរដ្ឋជាង២ពាន់នាក់
-
ព័ត៌មានជាតិ៦ ថ្ងៃ agoកម្ពុជារឹតបន្តឹង និងទប់ស្កាត់សំណល់អេឡិចត្រូនិក ខណៈអាស៊ីអាគ្នេយ៍កំពុងក្លាយជាគោលដៅថ្មី
-
ព័ត៌មានអន្ដរជាតិ២ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានជាតិ១ សប្តាហ៍ ago៣ ថ្ងៃចូលឆ្នាំថ្មី ខេត្តក្រចេះទទួលទេសចរមកកម្សាន្តប្រមាណ ៦៩ ៩៦២ នាក់ ខណៈព្រែកកាំពីជាគោលដៅទាក់ទាញបំផុត
-
ព័ត៌មានអន្ដរជាតិ១ សប្តាហ៍ agoវិនិយោគិនបរទេសដកខ្លួនពីទីផ្សារថៃ ខណៈវិបត្តិថាមពលគំរាមកំហែងសេដ្ឋកិច្ច
-
ព័ត៌មានជាតិ៦ ថ្ងៃ agoបដិសេធមិនឱ្យ សម រង្ស៊ី ចូលរួមការជួបជុំសមាគមខ្មែរនៅប៉ារីស គឺដើម្បីបញ្ចៀសការភ្ជាប់ជាមួយបុគ្គលនេះកំពុងជាប់ទោស
-
សន្តិសុខសង្គម៧ ម៉ោង agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ