ព័ត៌មានអន្ដរជាតិ

ទឹកជំនន់វាយលុករដ្ឋGujaratនៅឥណ្ឌាសម្លាប់មនុស្សរាប់សិបនាក់

បានផុស

២ years មុន

នៅ

ថ្ងៃព្រហស្បតិ៍ ២៩ សីហា ២០២៤

ដោយ

ទឹកជំនន់នៅរដ្ឋភាគខាងលិចប្រទេសឥណ្ឌាបានសម្លាប់មនុស្សយ៉ាងហោចណាស់២៨នាក់គិតត្រឹមថ្ងៃទី២៩ខែសីហានេះ ចំពេលមានភ្លៀងធ្លាក់ខ្លាំង និងទឹកជំនន់វាយលុករដ្ឋ Gujarat របស់ប្រទេសឥណ្ឌាក្នុងរយៈពេលប៉ុន្មានថ្ងៃកន្លងមកនេះ។ យោងការចេញផ្សាយរបស់សារព័ត៌មាន Daily Sabah។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នាយកដ្ឋានឧតុនិយមឥណ្ឌា បានព្រមានថា នឹងមានភ្លៀងធ្លាក់ខ្លាំងបន្ថែមទៀតនៅក្នុងរដ្ឋឆ្នេរភាគខាងលិចប្រទេសឥណ្ឌា ខណៈមានការបាក់ច្រាំងទន្លេ ហើយមនុស្សជាង ៣ម៉ឺននាក់ ត្រូវជម្លៀសចេញពីផ្ទះរបស់ពួកគេ ប៉ុន្តែបើយោងតាមកាសែត Indian Express មនុស្ស៣៥នាក់បានស្លាប់នៅទូទាំងរដ្ឋ។

មនុស្សប្រហែល១៨៥៦នាក់ត្រូវបានជួយសង្គ្រោះ និងកងទ័ពត្រូវបានដាក់ពង្រាយសម្រាប់ប្រតិបត្តិការសង្គ្រោះខណៈទីក្រុង Vadodara គឺជាទីក្រុងដែលរងផលប៉ះពាល់ខ្លាំងជាងគេ។បណ្ដាញអគ្គិសនីក៏បានរងផលប៉ះពាល់យ៉ាងធ្ងន់ធ្ងរ ដោយភូមិប្រមាណ១,០០០បានដាច់ចរន្តអគ្គិសនី។ ចំណែករដ្ឋ Tripura ភាគឦសាននៃប្រទេសឥណ្ឌាក៏បានរងគ្រោះដោយទឹកជំនន់ និងបំណាក់ដីកាលពីសប្តាហ៍មុន ដោយមនុស្សជាង ២០នាក់បានស្លាប់។

ការព្យាករណ៍បានឲ្យដឹងថានៅក្នុងស្រុក Bharuch, Kutch និង Saurashtra របស់រដ្ឋ Gujarat នឹងមានភ្លៀងធ្លាក់ខ្លាំង ជាមួយផ្គរ រន្ទះ ដែលបានជះឥទ្ធិពលដល់ឆ្នេរសមុទ្រភាគខាងត្បូងនៃប្រទេសប៉ាគីស្ថានដែលនៅជិតខាង ដោយទីក្រុង Karachi ដ៏ធំបំផុតរបស់ប៉ាគីស្ថានដោយទឹកជំនន់បានសម្លាប់មនុស្សយ៉ាងហោចណាស់៤០នាក់ក្នុងរយៈពេលដូចគ្នានេះ និងមានអ្នកស្រុកជិត ៣០ម៉ឺននាក់កំពុងភៀសខ្លួននៅក្នុងជម្រកសង្គ្រោះបន្ទាន់។

ជាមួយគ្នានេះមន្ត្រីនៅក្នុងខេត្ត Sindh ភាគខាងត្បូងនៃប្រទេសប៉ាគីស្ថានបានចេញសេចក្ដីព្រមានអំពីភ្លៀងធ្លាក់ខ្លាំង និងក៏បានព្រមានអំពីទឹកជំនន់ភ្លាមៗនៅក្នុងស្រុកចំនួនពីរនៃខេត្ត Sindh ដែលទើបតែងើបឡើងវិញពីទឹកជំនន់នៅឆ្នាំ ២០២២ ដែលបានជន់លិចទឹកដីដ៏ធំរបស់ប្រទេស។

គួរបញ្ជាក់ថាភ្លៀងបណ្តាលឱ្យមានការបំផ្លិចបំផ្លាញយ៉ាងធ្ងន់ធ្ងរជារៀងរាល់ឆ្នាំ ខណៈអ្នកជំនាញនិយាយថា ការប្រែប្រួលអាកាសធាតុកំពុងបង្កើនឥទ្ធិពល និង ភាពញឹកញាប់និងកាន់តែអាក្រក់ទៅៗ៕