ព័ត៌មានអន្ដរជាតិ

បៃដិនប្រកាសផ្តល់ជំនួយយោធាតម្លៃ៨ពាន់លានដុល្លារទៀតដល់អ៊ុយក្រែន មុនចប់អាណត្តិ

បានផុស

២ years មុន

នៅ

ថ្ងៃព្រហស្បតិ៍ ២៦ កញ្ញា ២០២៤

ដោយ

ប្រធានាធិបតីសហរដ្ឋអាមេរិក លោក ចូ បៃដិន ដែលជិតផុតអាណត្តិ បានប្រកាសកញ្ចប់ជំនួយយោធាដល់ប្រទេសអ៊ុយក្រែនដែលមានតម្លៃ៨ពាន់លានដុល្លារនៅថ្ងៃព្រហស្បតិ៍នេះ ស្របដំណើររបស់ប្រធានាធិបតីអ៊ុយក្រែន លោក វ៉ុលឌីមៀ ហ្សេលេនស្គី បំពេញទស្សនកិច្ចនិងបង្ហាញផែនការជ័យជម្នះរបស់ខ្លួន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កញ្ចប់ជំនួយយោធាថ្មីនេះនឹងរួមបញ្ចូលនូវការផ្តល់ដល់អ៊ុយក្រេននៅរថយៈចម្ងាយមធ្យម ដែលអាចបាញ់បានចម្ងាយ១៣០គីឡូម៉ែត្រ ដែលនឹងសម្រួលដល់អ៊ុយក្រែនក្នុងការប្រយុទ្ធជាមួយកងទ័ពរុស្ស៊ី បង្កើនប្រព័ន្ធសុវត្ថិភាពប្រសើរជាងមុន។

ប្រធានាធិបតី អ៊ុយក្រែន លោក វ៉ុលឌីមៀ ហ្សេលេនស្គី បានទទូចម្តងហើយម្តងទៀតដោយស្នើប្រើប្រាស់អាវុធរយៈចម្ងាយឆ្ងាយសម្រាប់ការបាញ់ចូលទឹកដីរុស្ស៊ីដើម្បីរារាំងការវាយលុករបស់កងទ័ពរុស្ស៊ីចូលទឹកដីអ៊ុយក្រែន ប៉ុន្តែសម្ព័ន្ធបស្ចឹមប្រទេស មានអាល្លឺម៉ង់ជាដើមបានបដិសេធការផ្តល់ឱ្យ និងផ្តល់ជម្រើសបែបនេះ ដោយបារម្ភពីការប្រឈមដោយផ្ទាល់ជាមួយមហាអំណាចនុយក្លេអ៊ែរុស្ស៊ី។

មេដឹកនាំអ៊ុយក្រែនជួយធ្វើបទបង្ហាញដល់តំណាងបក្សទាំងពីររបស់សហរដ្ឋអាមេរិក។

ផែនការជ័យជម្នះរបស់ប្រទេសអ៊ុយក្រែន ផ្តោតលើការធានាសន្តិសុខពីបស្ចឹមប្រទេសសម្រាប់អ៊ុយក្រែនគឺ ស្រដៀងគ្នាទៅនឹងកតិកាសញ្ញាការពារទៅវិញទៅមកនៅពេលចូលរួមណាតូ។ ការទទួលជំនួយហិរញ្ញវត្ថុអន្តរជាតិសម្រាប់ការស្តារសេដ្ឋកិច្ច; ការផ្តល់អាវុធទំនើបពីលោកខាងលិច; ការបន្តនៃប្រតិបត្តិការកងកម្លាំងប្រដាប់អាវុធអ៊ុយក្រែននៅក្នុងតំបន់ Kursk នៃទឹកដីរុស្ស៊ី៕

ដោយ រ៉ាន់ រើយ