ព័ត៌មានអន្ដរជាតិ
ចិន ធ្វើសមយុទ្ធក្នុងតំបន់ចំនួន៩ ព័ទ្ធជុំវិញកោះតៃវ៉ាន់
នៅថ្ងៃទី១៤ខែតុលា យោធាចិន បានចាប់ផ្ដើមសមយុទ្ធថ្មីមួយចុងក្រោយនៅជុំវិញតៃវ៉ាន់ ហើយប្រាប់ថា វាគឺជាការព្រមានដ៏ធំមួយចំពោះសកម្មភាពផ្ដាច់ខ្លួននិយមរបស់ដែនកោះមួយនេះ។
បើតាមសេចក្ដីថ្លែងការណ៍របស់យោធាចិននៅម៉ោង៥ព្រឹកថ្ងៃចន្ទ សមយុទ្ធលើកនេះ មានឈ្មោះថា «Joint Sword-2024B» ហើយរៀបចំនៅតំបន់ចំនួន៩ ហ៊ុមព័ទ្ធតៃវ៉ាន់ ដោយ២ទីតាំងនៅឆ្នេរភាគខាងកើតតៃវ៉ាន់ ៣ទីតាំងនៅឆ្នេរភាគខាងលិច ១ទីតាំងនៅភាគខាងជើង និង៣ទីតាំងនៅតំបន់កោះដែលតៃវ៉ាន់គ្រប់គ្រងហើយស្ថិតនៅក្បែរប្រទេសចិន។
ក្នុងសេចក្ដីថ្លែងការណ៍ដដែល បានរៀបរាប់ទៀតថា៖ «សមយុទ្ធនេះក៏ដើរតួជាការព្រមានយ៉ាងម៉ឺងម៉ាត់ចំពោះទង្វើផ្តាច់ខ្លួនរបស់កងកម្លាំងឯករាជ្យតៃវ៉ាន់។ វាគឺជាប្រតិបត្តិការស្របច្បាប់ និងចាំបាច់សម្រាប់ការពារអធិបតេយ្យភាពរដ្ឋ និងឯកភាពជាតិ»។
រដ្ឋាភិបាលតៃវ៉ាន់ បាននិយាយថា សមយុទ្ធចុងក្រោយរបស់ចិននៅជុំវិញកោះ និងការប្រើប្រាស់កងកម្លាំងរបស់ខ្លួនគឺជា «ការញុះញង់ដោយចេតនា» ដែលបំផ្លាញយ៉ាងធ្ងន់ធ្ងរដល់សន្តិភាព និងស្ថិរភាពក្នុងតំបន់។
សមយុទ្ធរបស់ប្រទេសចិន បានកើតឡើងប៉ុន្មានថ្ងៃបន្ទាប់ពីរដ្ឋមន្ត្រីការបរទេសសហរដ្ឋអាមេរិក លោក Antony Blinken បានព្រមានទីក្រុងប៉េកាំង ប្រឆាំងនឹងការចាត់វិធានការឆ្លើយតបទៅនឹងសុន្ទរកថារបស់ប្រធានាធិបតីតៃវ៉ាន់ លោក Lai Ching-te ក្នុងអំឡុងពេលប្រារព្ធទិវាជាតិកាលពីថ្ងៃទី១០ខែតុលា។
លោក Lai ដែលចូលកាន់តំណែងកាលពីខែឧសភា បានអះអាងខ្លាំងជាងលោកស្រី Tsai Ing-wen ដែលជាអតីតប្រធានាធិបតីមុនទៅទៀត ក្នុងការប្ដេជ្ញាការពារអធិបតេយ្យភាពតៃវ៉ាន់ ដោយធ្វើឲ្យទីក្រុងប៉េកាំងខឹងសម្បារជាខ្លាំង ហើយហៅលោកថាជា «ជនផ្ដាច់ខ្លួននិយម»៕
ដោយ៖ ឈាង
ចុចអាន៖ លោក Lai ប្រកាសថា ចិនគ្មានសិទ្ធិចេញមុខតំណាងតៃវ៉ាន់ តែអាចសហការគ្នាបាន
-
ព័ត៌មានជាតិ៦ ថ្ងៃ ago៦ថ្ងៃក្នុងព្រឹត្តិការណ៍ «នគរសង្ក្រាន្ត» មន្ទីរសុខាភិបាលរាជធានីភ្នំពេញ បានពិនិត្យ និងព្យាបាលជូនពលរដ្ឋជាង២ពាន់នាក់
-
ព័ត៌មានអន្ដរជាតិ៣ ថ្ងៃ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
ព័ត៌មានអន្ដរជាតិ៤ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានអន្ដរជាតិ៤ ថ្ងៃ agoវិមានក្រឹមឡាំង៖ ពូទីន ត្រៀមជួបហ្សេលេនស្គី ទាល់តែមានការចុះហត្ថលេខាលើកិច្ចព្រមព្រៀងសន្តិភាព
-
ព័ត៌មានជាតិ១ សប្តាហ៍ agoបដិសេធមិនឱ្យ សម រង្ស៊ី ចូលរួមការជួបជុំសមាគមខ្មែរនៅប៉ារីស គឺដើម្បីបញ្ចៀសការភ្ជាប់ជាមួយបុគ្គលនេះកំពុងជាប់ទោស
-
សន្តិសុខសង្គម២ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ
-
ព័ត៌មានជាតិ៦ ថ្ងៃ agoមន្រ្តីបរិស្ថានស្នើពលរដ្ឋកុំបរិភោគត្រីងាប់ និងផ្អាកប្រើប្រាស់ទឹកព្រែកត្រែង នៅស្រុករតនៈមណ្ឌល ខេត្តបាត់ដំបង
-
ព័ត៌មានអន្ដរជាតិ១៨ ម៉ោង agoចាប់ខ្លួនបានហើយ! ខ្មាន់កាំភ្លើង ដែលប៉ុនប៉ងបាញ់ប្រហារលោក ត្រាំ នៅសេតវិមាន