ព័ត៌មានអន្ដរជាតិ
លោក Lai៖ ចិនគ្មានសិទ្ធិចេញមុខតំណាងតៃវ៉ាន់ តែអាចសហការគ្នាបាន
លោក Lai Ching-te មេដឹកនាំតៃវ៉ាន់ បានប្រកាសនៅថ្ងៃទី១០ខែតុលាថា ចិនគ្មានសិទ្ធិធ្វើជាអ្នកតំណាងឲ្យតៃវ៉ាន់នោះឡើយ តែបើចង់សហការគ្នាដោះស្រាយលើបញ្ហាប្រឈមជាសកលនាពេលបច្ចុប្បន្ន នោះវានឹងអាចទៅរួច។
លោក Lai បាននិយាយថា៖ «នៅលើកោះនេះ ប្រជាធិបតេយ្យ និងសេរីភាពកំពុងរីកលូតលាស់ និងចម្រុងចម្រើន។ ប្រជាជននៃសាធារណរដ្ឋប្រជាមានិតចិន គ្មានសិទ្ធិអ្វីមកតំណាងឲ្យតៃវ៉ាន់ទេ»។ មេដឹកនាំរូបនេះ បានបន្តទៀតថា រដ្ឋាភិបាលក្រុងតៃប៉ិ នៅតែរក្សាជំហរយ៉ាងម៉ឺងម៉ាត់នូវការប្ដេជ្ញាចិត្តដើម្បីការពារអធិបតេយ្យភាពទឹកដី រក្សាសន្តិភាពនៅច្រកសមុទ្រតៃវ៉ាន់ និងស្វែងរកកិច្ចចរចាដែលស្មើភាពនិងថ្លៃថ្នូរ។
ទន្ទឹមនោះដែរ លោក Lai បានសង្កត់ធ្ងន់ថា តៃវ៉ាន់ផ្ដល់ជូននូវការសហការគ្នាជាមួយនឹងចិន ក្នុងការដោះស្រាយបញ្ហាប្រឈមជាសកល ដោយរៀបរាប់ថា៖ «យើងមានឆន្ទៈធ្វើការជាមួយចិន ដោះស្រាយការបម្រែបម្រួលអាកាសធាតុ ប្រយុទ្ធប្រឆាំងជំងឺឆ្លង និងរក្សាសន្ដិសុខក្នុងតំបន់ដើម្បីទទួលបានសន្តិភាព និងភាពរីកចម្រើនរួមគ្នាសម្រាប់សុខមាលភាពនៃប្រជាជនទាំងសងខាងនៃច្រកសមុទ្រតៃវ៉ាន់»។
លើសពីនេះទៀត លោក Lai ក៏បានបង្ហាញក្ដីសង្ឃឹមដែរថា ចិននឹងអាចបំពេញតាមការរំពឹងរបស់សហគមន៍អន្តរជាតិ ហើយប្រើប្រាស់ឥទ្ធិពលរបស់ខ្លួនធ្វើការជាមួយបណ្ដាប្រទេសដទៃទៀត ដើម្បីបិទបញ្ចប់សង្គ្រាមឈ្លានពានរុស្ស៊ីនៅអ៊ុយក្រែន និងជម្លោះនៅមជ្ឈិមបូព៌ា។
រដ្ឋាភិបាលក្រុងប៉េកាំង មិនបានឆ្លើយតបទៅនឹងការលើកឡើងរបស់លោក Lai នោះឡើយ។
សូមរំឭកជាថ្មី រដ្ឋាភិបាលក្រុងប៉េកាំង បានប្រកាសថា តៃវ៉ាន់ជាទឹកដីរបស់ចិនតាំងពីបុរាណកាលមក និងតែងចាត់ទុកតៃវ៉ាន់ជាអធិបតេយ្យភាពរបស់ខ្លួន ហើយក៏មិនបដិសេធក្នុងការប្រើប្រាស់កម្លាំងយោធាដើម្បីយកកោះនេះឲ្យស្ថិតក្រោមការគ្រប់គ្រងរបស់ខ្លួនឡើយ។ រដ្ឋាភិបាលតៃវ៉ាន់បានច្រានចោលការអះអាងទាំងនោះ ដោយនិយាយថាមានតែប្រជាជនតៃវ៉ាន់ទេដែលអាចសម្រេចអនាគតរបស់ពួកគេ។
រាជវង្ស Qing នៃប្រទេសចិន បានចុះហត្ថលេខាប្រគល់កោះតៃវ៉ាន់ទៅប្រទេសជប៉ុននៅក្នុងឆ្នាំ១៨៩៥ ក្រោមសន្ធិសញ្ញាមួយ ហើយនៅឆ្នាំ១៩៤៥ នៅចុងបញ្ចប់នៃសង្គ្រាមលោកលើកទី២ កោះនេះត្រូវបានប្រគល់ទៅឲ្យរដ្ឋាភិបាលសាធារណរដ្ឋចិន។ នៅ៤ឆ្នាំបន្ទាប់ក្រោយចាញ់សង្គ្រាមស៊ីវិលជាមួយបក្សកុម្មុយនិស្តរបស់លោក ម៉ៅ សេទុង រដ្ឋាភិបាលសាធារណរដ្ឋចិនបានរត់ភៀសខ្លួនទៅគ្រប់គ្រងនៅកោះតៃវ៉ាន់មកទល់នឹងសព្វថ្ងៃនេះ៕
ដោយ៖ ឈាង
ចុចអាន៖ ចិន ថា មេដឹកនាំតៃវ៉ាន់ មានចេតនាអាក្រក់និយាយនាំភ្លើង
រយៈពេល១០ឆ្នាំ សម្តេចតេជោ និងភរិយា សង់ផ្ទះជិត១០០០ខ្នង ជូនអតីតយុទ្ធជនក្នុងខេត្តពោធិ៍សាត់
ក្រសួងការងារពង្រឹងវិធានការអធិការកិច្ចការងារលើ សហគ្រាស គ្រឹះស្ថាន ដើម្បីធានាបាននូវអនុវត្តការបើកផ្តល់ប្រាក់ឈ្នួល និងអត្ថប្រយោជន៍សម្រាប់កម្មករនិយោជិត
សន្ទស្សន៍ទំនុកចិត្តឧស្សាហកម្មថៃ ធ្លាក់ចុះក្នុងខែធ្នូ ដោយកម្សោយតម្រូវការក្នុងស្រុក
ស្នងការរាជធានី៖ កំណាត់ផ្លូវ៦០ម៉ែត្រនឹងត្រូវចាប់ល្បឿនកំណត់ពីពេលនេះតទៅ
តើរាជរដ្ឋាភិបាលកម្ពុជាបានគិតគូ និងដាក់ចេញវិធានការអ្វីខ្លះលើបញ្ហាកសិផល ពិសេសតម្លៃស្រូវ?
ពលរដ្ឋភ្ញាក់ផ្អើលពេលឃើញសត្វក្រពើងាប់ច្រើនក្បាលអណ្ដែតក្នុងស្ទឹងសង្កែ
បុរសម្នាក់ សង្ស័យបើកម៉ូតូលឿន ជ្រុលបុករថយន្តបត់ឆ្លងផ្លូវ ស្លាប់ភ្លាមៗ នៅផ្លូវ ៦០ ម៉ែត្រ
ថាក់ស៊ីន៖ ក្រុមឆបោកអនឡាញប្រើ AI ត្រាប់សំឡេង លោក ដូណាល់ ត្រាំ ឲ្យកូនស្រីលោកវេរលុយទៅហុងកុង
អ្នកឧកញ៉ា សំអាង វឌ្ឍនៈ ឧបត្ថម្ភ១០០លានរៀល ធ្វើឲ្យលោក ធន់ សុភា រំភើបនិយាយមិនចង់ចេញ
មិនដល់មួយខែផង ភ្នំភ្លើង Ibu នៅឥណ្ឌូណេស៊ី ផ្ទុះជាង ១ ០០០ដងហើយ
-
ចរាចរណ៍១ សប្តាហ៍ agoជិះម៉ូតូបញ្ច្រាសផ្លូវ បុកម៉ូតូមួយគ្រឿងទៀតស្លាប់ម្នាក់ និងរបួសធ្ងន់ស្រាល៣នាក់
-
ចរាចរណ៍១ សប្តាហ៍ agoយុវជនម្នាក់ ចេញពីធ្វើការត្រលប់ទៅកន្លែងស្នាក់នៅវិញ ជួបគ្រោះថ្នាក់ចរាចរណ៍ ដួលបោកក្បាលស្លាប់លើស្ពានព្រែកព្នៅ
-
ព័ត៌មានអន្ដរជាតិ៣ ថ្ងៃ agoទើបធូរពីភ្លើងឆេះព្រៃបានបន្តិច រដ្ឋកាលីហ្វ័រញ៉ា ស្រាប់តែជួបគ្រោះធម្មជាតិថ្មីទៀត
-
ព័ត៌មានជាតិ៦ ថ្ងៃ agoជនជាតិភាគតិចម្នាក់នៅខេត្តមណ្ឌលគិរីចូលដាក់អន្ទាក់មាន់នៅក្នុងព្រៃ ត្រូវហ្វូងសត្វដំរីព្រៃជាន់ស្លាប់
-
សន្តិសុខសង្គម៤ ម៉ោង agoពលរដ្ឋភ្ញាក់ផ្អើលពេលឃើញសត្វក្រពើងាប់ច្រើនក្បាលអណ្ដែតក្នុងស្ទឹងសង្កែ
-
កីឡា៤ ថ្ងៃ agoភរិយាលោក អេ ភូថង បដិសេធទាំងស្រុងរឿងចង់ប្រជែងប្រធានសហព័ន្ធគុនខ្មែរ
-
ចរាចរណ៍១០ ម៉ោង agoបុរសម្នាក់ សង្ស័យបើកម៉ូតូលឿន ជ្រុលបុករថយន្តបត់ឆ្លងផ្លូវ ស្លាប់ភ្លាមៗ នៅផ្លូវ ៦០ ម៉ែត្រ
-
ព័ត៌មានជាតិ៣ ថ្ងៃ agoលោក លី រតនរស្មី ត្រូវបានបញ្ឈប់ពីមន្ត្រីបក្សប្រជាជនតាំងពីខែមីនា ឆ្នាំ២០២៤