ព័ត៌មានអន្ដរជាតិ
មេដឹកនាំបារាំង៖ ពូទីន មិនចង់បានសន្តិភាពទេ ទើបវាយប្រហារកាន់តែខ្លាំងលើអ៊ុយក្រែន
លោក Emmanuel Macron ប្រធានាធិបតីបារាំង បានលើកឡើងថា មេដឹកនាំរុស្ស៊ី លោក វ៉្លាឌឺមៀរ ពូទីន មិនចង់បានសន្ដិភាព និងមិនបានត្រៀមខ្លួនសម្រាប់កិច្ចចរចានោះទេ ហើយថែមទាំងបង្កើនសកម្មភាពយោធារបស់ខ្លួនថែមទៀតផង ដោយបើកការវាយប្រហារដែនអាកាសទ្រង់ទ្រាយដ៏ធំមួយកាលពីថ្ងៃអាទិត្យទៅលើហេដ្ឋារចនាសម្ព័ន្ធសាធារណៈរបស់អ៊ុយក្រែន។
លោក Macron បាននិយាយថា៖ «ខ្ញុំជឿថា វាបង្ហាញយ៉ាងច្បាស់ដែលគោលបំណងរបស់លោកប្រធានាធិបតី ពូទីន គឺបង្កើនការប្រយុទ្ធ»។ លោកបន្ថែមថា អាទិភាពសម្រាប់ប្រទេសបារាំងគឺ «បំពាក់ គាំទ្រ និងជួយអ៊ុយក្រែនឲ្យទប់ទល់» ដោយសង្កត់ធ្ងន់ថា កាតព្វកិច្ចគ្រប់គ្នានៅពេលនេះគឺជំរុញឲ្យរុស្ស៊ីបញ្ឈប់ការប្រយុទ្ធ ហើយងាកទៅរកតុចរចា និងគោរពតាមច្បាប់អន្តរជាតិ។
ប្រធានាធិបតីបារាំង បានបន្តថា សម្ព័ន្ធមិត្តរបស់អ៊ុយក្រែន «ត្រូវតែរួបរួមគ្នា នៅលើរបៀបវារៈសម្រាប់សន្តិភាពពិតប្រាកដ ដោយមានន័យថា សន្តិភាពមិនសំដៅលើ ការចុះចាញ់របស់អ៊ុយក្រែននោះឡើយ»។
សូមបញ្ជាក់ថា កាលពីព្រឹកថ្ងៃទី១៧ខែវិច្ឆិកា រុស្ស៊ីបានបើកការវាយប្រហារតាមដែនអាកាសដ៏ធំបំផុតក្នុងរយៈពេលជិត៣ខែកន្លងមកនេះទៅលើអ៊ុយក្រែន។ បើតាមមន្ត្រីអ៊ុយក្រែន រុស្ស៊ីបានប្រើមីស៊ីលចំនួន ១២០គ្រាប់ និងដ្រូនចំនួន ៩០គ្រឿង សម្រាប់ការវាយប្រហាររបស់ខ្លួនលើគោលដៅហេដ្ឋរចនាសម្ព័ន្ធសំខាន់ៗរបស់អ៊ុយក្រែន៕
ដោយ៖ ឈាង
-
សន្តិសុខសង្គម៣ ថ្ងៃ agoទុរេនរាប់តោននៅផ្សារភូពុយ អនុញ្ញាតឱ្យបន្តលក់ ក្រោយមន្ត្រីជំនាញប្រមូលសំណាក និងសាកសួរប្រភពនាំចូល
-
ព័ត៌មានជាតិ១ សប្តាហ៍ agoសមត្ថកិច្ចឃាត់ខ្លួនជនសង្ស័យជនជាតិថៃ២នាក់និងខ្មែរម្នាក់ ករណីជួញដូរសារធាតុញៀន
-
សេដ្ឋកិច្ច១៩ ម៉ោង agoរដ្ឋាភិបាលហាមឃាត់ក្រុមហ៊ុនផលិតស្រា និងភេសជ្ជៈផ្ដល់រង្វាន់តាមក្រវិលកំប៉ុង ចាប់ពីដើមខែតុលា ឆ្នាំនេះ
-
ព័ត៌មានអន្ដរជាតិ១ សប្តាហ៍ agoតំណាងអាមេរិកនិងអ៊ីរ៉ង់ ប៉ះសម្តីគ្នាយ៉ាងខ្លាំងនៅសន្និសីទនុយក្លេអ៊ែរ របស់អង្គការសហប្រជាជាតិ
-
ព័ត៌មានជាតិ៦ ថ្ងៃ agoស្ថានទូតអូស្ត្រាលីប្រចាំកម្ពុជាឆ្លើយតបនឹងហេតុការណ៍ទាហានថៃផ្ទុះអាវុធកាលពីថ្ងៃទី២៩ ខែមេសា
-
ព័ត៌មានជាតិ៧ ថ្ងៃ agoទាហានថៃបាញ់កាំភ្លើង៩គ្រាប់ មុខអនុព័ន្ធយោធាអាម៉េរិក ចិន រុស្ស៊ី ជប៉ុន ដែលចុះសង្កេតការណ៍នៅអូរស្មាច់
-
ព័ត៌មានអន្ដរជាតិ៥ ថ្ងៃ agoរដ្ឋបាលលោក ត្រាំ បកស្រាយថា «សង្គ្រាមចប់ហើយ» ដើម្បីគេចពីការសុំច្បាប់សភា
-
ព័ត៌មានជាតិ៦ ថ្ងៃ agoកុលបុត្រកុលធីតា ៣២៨រូប ចូលរួមពិធីបួសនៅវត្តព្រះឥន្ទទេព ដើម្បីតបស្នងសងគុណ និងអបអរសាទរវិសាខបូជា