ព័ត៌មានអន្ដរជាតិ

អ៊ុយក្រែន៖ រុស្ស៊ី ទទួលបានមីស៊ីលប៉ាលិស្ទិករយៈចម្ងាយខ្លី១០០គ្រាប់ពីកូរ៉េខាងជើង

បានផុស

២ ខែ មុន

នៅ

ថ្ងៃអង្គារ ២៦ វិច្ឆិកា ២០២៤

ដោយ

Chheang

ទីភ្នាក់ងារចារកម្មយោធារបស់ប្រទេសអ៊ុយក្រែន បានឲ្យដឹងកាលពីថ្ងៃចន្ទថា កូរ៉េខាងជើងបានផ្តល់មីស៊ីលប៉ាលិស្ទិកប្រហែល ១០០គ្រាប់ដល់រុស្ស៊ី ហើយថែមទាំងបានបញ្ជូនបុគ្គលិកយោធារបស់ខ្លួន ដើម្បីជួយប្រតិបត្តិការ និងថែទាំគ្រាប់មីស៊ីលទាំងនោះផងដែរ។

ការតាំងបង្ហាញមីស៊ីលរបស់កូរ៉េខាងជើង (រូបភាព៖ KCNA)

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទីភ្នាក់ងារស៊ើបការណ៍សម្ងាត់ នៃក្រសួងការពារជាតិអ៊ុយក្រែន បាននិយាយថា មីស៊ីលដែលកូរ៉េខាងជើងផ្គត់ផ្គង់ ជាប្រភេទមីស៊ីលរយៈចម្ងាយខ្លី KN-23 និង KN-24 ហើយមានសមត្ថភាពអាចបំពាក់ក្បាលគ្រាប់នុយក្លេអ៊ែរ។

អាជ្ញាធរអ៊ុយក្រែន បានបញ្ជាក់ថា រុស្ស៊ីបានប្រើមីស៊ីលទាំងនោះក្នុងការវាយប្រហារលើអ៊ុយក្រែន តាំងពីចុងឆ្នាំ២០២៣មកម៉្លេះ។

ឈ្មោះមីស៊ីលទាំងនោះ ត្រូវកូរ៉េខាងជើងឲ្យឈ្មោះផ្លូវការថា Hwasong-11Ga និង Hwasong-11Na។ បើតាមទីភ្នាក់ងារស៊ើបការណ៍យោធាអ៊ុយក្រែន នៅក្នុងគ្រាប់មីស៊ីលរបស់កូរ៉េខាងជើង ត្រូវគេរកឃើញថាមានគ្រឿងបង្គំបរទេសជាច្រើន ដែលមកពីប្រទេសចិន សហរដ្ឋអាមេរិក ជប៉ុន អង់គ្លេស និងស្វីស៕

ដោយ៖ ឈាង