ព័ត៌មានអន្ដរជាតិ

ក្រោយរុស្ស៊ីព្រមាន កូរ៉េខាងត្បូងស្វាគមន៍រដ្ឋមន្ត្រីការពារជាតិអ៊ុយក្រែន

បានផុស

២ years មុន

នៅ

ថ្ងៃពុធ ២៧ វិច្ឆិកា ២០២៤

ដោយ

រដ្ឋមន្ត្រីការពារជាតិអ៊ុយក្រែន លោក Rusterm Umerov និងគណៈប្រតីភូរបស់លោក បានទៅដល់់ទីក្រុងសេអ៊ូលនៃសាធារណៈរដ្ឋកូរ៉េខាងត្បូង ដើម្បីពិភាក្សាជំនួយយោធាសម្រាប់អ៊ុយក្រែន បន្ទាប់ពីប្រធានាធិបតីកូរ៉េខាងត្បូងក្នុងមួយរយៈចុងក្រោយនេះបានបង្ហាញបំណងបញ្ជូនជំនួយសព្វាវុធដល់អ៊ុយក្រែន បន្ទាប់ពីបងប្អូនសត្រូវ កូរ៉េខាងជើងបញ្ជូនកងកម្លាំងយោធាប្រមាណ១០០០០នាក់ទៅជួយរុស្ស៊ី។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សេចក្តីរាយការណ៍ របស់សារព័ត៌មានអ៊ុយក្រែន Kyiv Post បានឲ្យដឹងថា គណៈប្រតិភអ៊ុយក្រែនគ្រោងជួបពិភាក្សាជាមួយ ទីប្រឹក្សាសន្តិសុខជាតិរបស់កូរ៉េខាងត្បូង លោក Shin Won-sikនិង ប្រធានាធិបតីកូរ៉េខាងត្បូង លោក Yoon Suk-yeol ដើម្បីពិភាក្សាសំណើរជាតិស្តែង របស់អ៊ុយក្រែន រួមទាំងប្រព័ន្ធមីស៊ីលការពារដែនអាកាស និងប្រព័ន្ធកាំភ្លើងផ្លោង។

កាល៣ថ្ងៃមុន អនុរដ្ឋមន្ត្រីការបរទេសរុស្ស៊ីលោក Andrey Rudenko បានចេញការព្រមានដល់កូរ៉េខាងត្បូងប្រឆាំងនឹងការផ្គត់ផ្គង់ជំនួយដ៍សាហាវដល់អ៊ុយក្រែនដោយនិយាយថា វិធានការនេះនឹង “បំផ្លាញទំនាក់ទំនង” រវាងប្រទេសទាំងពីរយ៉ាងពេញលេញ។

លោក Rudenko បានប្រាប់ទីភ្នាក់ងារសារព័ត៌មានរដ្ឋ TASS កាលពីថ្ងៃអាទិត្យថា៖«ទីក្រុងសេអ៊ូលត្រូវតែដឹងថា ការប្រើប្រាស់អាវុធរបស់កូរ៉េខាងត្បូងដែលអាចសម្លាប់ពលរដ្ឋរុស្ស៊ីបាននឹងបំផ្លាញទំនាក់ទំនងរវាងប្រទេសរបស់យើងទាំងស្រុង។ ប្រាកដណាស់ យើងនឹងឆ្លើយតបតាមគ្រប់មធ្យោបាយដែលយើងយល់ថាចាំបាច់។ វាមិនទំនងថា វានឹងពង្រឹងសន្តិសុខនៃសាធារណរដ្ឋកូរ៉េខ្លួនឯងនោះទេ»។

ធានាធិបតីអ៊ុយក្រែន លោក វ៉ុលឌីមៀ ហ្សេលេនស្គី បាននិយាយនៅថ្ងៃចន្ទថា ប្រទេសរុស្ស៊ីបានប្រើប្រាស់យន្តហោះគ្មានមនុស្សបើក (ដ្រូន) ម៉ាក Shahed ៥០០គ្រឿងក្នុងសប្តាហ៍កន្លងទៅដើម្បីបាញ់ទៅលើទឹកដីអ៊ុយក្រែន។ ដូ្រន Shahed ត្រូវបានផ្តល់ដោយប្រទេសអ៊ីរ៉ង់សម្រាប់សង្គ្រាមនៅអ៊ុយក្រែន។ លើសពីនេះ រុស្ស៊ីបានបង្កើតរោងចក្រចំនួន២ ដើម្បីផលិតដ្រូនប្រភេទនេះសម្រាប់សង្គ្រាម។

មិនត្រឹមទទួលបានការផ្គត់ផ្គង់សម្ភារៈយោធាពីសម្ព័ន្ធមិត្តអ៊ីរ៉ង់នោះទេ រុស្ស៊ីក៏ទទួលបានការផ្គត់ផ្គង់យោធាពីកូរ៉េខាងជើរប្រមាណ១០០០០នាក់សម្រាប់សង្គ្រាមនៅអ៊ុយក្រែនផងដែរ។ កាលពីថ្ងៃចន្ទនោះដែរ មេដឹកនាំអ៊ុយក្រែនបានអះអាងថា យោធាអ៊ុយក្រែន បានប្រើប្រាស់មីស៊ីលចម្ងាយឆ្ងាយរបស់អង់គ្លេសបាញ់លើមូលដ្ឋានយោធានៅក្នុងប្រទេសរុស្ស៊ីដោយសម្លាប់ទាហានកូរ៉េខាងជើងប្រមាណ៥០០នាក់ និងមេបញ្ជាការរុស្ស៊ីផងដែរ។

ព័ត៌មានពីភាគីរុស្ស៊ីវិញ បង្ហាញថា យោធារុស្ស៊ី បានដណ្តើមកាន់កាប់ភូមិមួយចំនួននៅក្នុងប្រទេសអ៊ុយក្រែនក្នុងរយៈពេលប្រយុទ្ធចុងក្រោយនេះ៕

ដោយ រ៉ាន់ រើយ