ព័ត៌មានអន្ដរជាតិ
ផ្លូវរថភ្លើងល្បឿនលឿនរបស់ថៃតភ្ជាប់ទៅចិន នឹងដំណើរការនៅឆ្នាំ២០៣០
យោងតាមសេចក្តីប្រកាសរបស់រដ្ឋាភិបាលថៃនៅថ្ងៃទី២៩ខែមករាឆ្នាំ២០២៥ ខ្សែរថភ្លើងល្បឿនលឿនប្រវែង ៦០៩គីឡូម៉ែត្ររបស់ខ្លួនដែលតភ្ជាប់ទៅកាន់ប្រទេសចិនឆ្លងកាត់តាមឡាវ ឥឡូវនេះត្រូវបានគេរំពឹងថានឹងចាប់ផ្តើមដំណើរការនៅឆ្នាំ២០៣០ខាងមុខ ពោលគឺយឺតជាងការគ្រោងទុកដំបូងជិតមួយទសវត្សរ៍។
អ្នកនាំពាក្យរដ្ឋាភិបាលលោក Jirayu Houngsub បានឲ្យដឹងថា ជាងមួយភាគបីនៃការសាងសង់ ត្រូវបានបញ្ចប់ដែលតភ្ជាប់ពីទីក្រុងបាងកកទៅកាន់ទីក្រុងនគររាជសីមា ដែលមានចម្ងាយប្រហែល ២២០គីឡូម៉ែត្រ ហើយខ្សែទាំងមូលទៅកាន់ទីក្រុង Nong Khai នៅព្រំដែនជាមួយប្រទេសឡាវនឹងរួចរាល់នៅឆ្នាំ២០៣០។
ខ្សែរថភ្លើង ដែលមានតម្លៃ ៦ពាន់លានដុល្លារ ហើយប្រវែង ១ ០០០គីឡូម៉ែត្រពីរដ្ឋធានីវៀងចន្ទន៍ប្រទេសឡាវទៅកាន់ទីក្រុងគុនមីងភាគនិរតីនៃប្រទេសចិន បានចាប់ផ្តើមដំណើរការនៅឆ្នាំ២០២១ ដែលជាការបណ្ដាក់ទុនរួម ក្នុងនោះ ៧០%គ្រប់គ្រងដោយទីក្រុងប៉េកាំង។ ខ្សែរថភ្លើងនោះនឹងតភ្ជាប់ជាមួយនឹងទីក្រុង Nong Khai របស់ថៃតាមរយៈទីក្រុងវៀងចន្ទន៍ដែលមានចម្ងាយប្រហែល ២៥គីឡូម៉ែត្រ។
លោក Jirayu បាននិយាយថា នេះគឺជាឱកាសសម្រាប់ថៃក្នុងការតភ្ជាប់ទៅនឹងសេដ្ឋកិច្ចពិភពលោក ដោយបន្ថែមថា វានឹងនាំថៃឲ្យកាន់តែខិតជិតទៅនឹងគោលដៅរបស់ខ្លួនក្នុងការក្លាយជាមជ្ឈមណ្ឌលដឹកជញ្ជូន។
ការប្រកាសនេះ ធ្វើឡើងមួយឆ្នាំបន្ទាប់ពីចិនបានជំរុញឲ្យថៃមានដំណើរការលឿនជាងមុនលើគម្រោងផ្លូវដែក។
ការពិភាក្សាលើផ្លូវដែកបានចាប់ផ្តើមជិតពីរទសវត្សរ៍មុន ហើយថៃ និងចិនបានចុះហត្ថលេខាលើកិច្ចព្រមព្រៀងលើការសាងសង់ក្នុងឆ្នាំ២០១៧ ជាមួយនឹងផែនការចាប់ផ្តើមប្រតិបត្តិការនៅឆ្នាំ២០២១។ ប៉ុន្តែការសាងសង់បានជួបការពន្យារពេលដោយសារការខ្វែងគំនិតគ្នាលើការផ្តល់ហិរញ្ញប្បទាន ការរចនា និងការរំខានពីជំងឺរាតត្បាតកូវីដ១៩។
ផែនការនេះគឺជាផ្នែកមួយនៃគំនិតផ្តួចផ្តើមពាណិជ្ជកម្មខ្សែក្រវាត់ និងផ្លូវប្រកបដោយមហិច្ឆិតារបស់ប្រធានាធិបតីចិន ស៊ី ជីនពីង ដែលរួមមានផែនការសម្រាប់ផ្លូវចំនួនបីដែលមានប្រភពចេញពីទីក្រុងគុនមីង ដែលឆ្លងកាត់ប្រទេសមីយ៉ាន់ម៉ា ថៃ និងវៀតណាម។
វៀតណាមគ្រោងនឹងសាងសង់ខ្សែរថភ្លើងល្បឿនលឿនប្រវែង ១ ៥៤១គីឡូម៉ែត្រ តភ្ជាប់ទីក្រុងធំជាងគេចំនួនពីររបស់ខ្លួនគឺទីក្រុងហាណូយ និងទីក្រុងហូជីមិញ ក្នុងតម្លៃជាង ៦៧ពាន់លានដុល្លារអាមេរិក ដែលកំណត់គោលដៅចាប់ផ្តើមប្រតិបត្តិការនៅឆ្នាំ២០៣៥។ វៀតណាមក៏គ្រោងនឹងចំណាយទឹកប្រាក់ចំនួន ៧,២ពាន់លានដុល្លារផងដែរលើគម្រោងផ្លូវដែកពីព្រំដែនរបស់ខ្លួនជាមួយខេត្តយូណានរបស់ចិនទៅកាន់ទីក្រុងហាណូយ ទីក្រុងកំពង់ផែ Haiphong និងទីក្រុង Ha Long៕
ដោយ៖ ឈាង
-
ព័ត៌មានអន្ដរជាតិ៦ ថ្ងៃ agoអាល្លឺម៉ង់ ក្តៅខ្លាំង ដល់ថ្នាក់រលាយផ្លូវរថភ្លើងអគ្គិសនី និងប្រេះហើប ផ្លូវល្បឿនលឿន
-
សន្តិសុខសង្គម១ សប្តាហ៍ agoចាប់ខ្លួនម្ចាស់ហាង «កាកាសាឡន ក្រោយវាយធ្វើបាប និងគំរាមកាត់ម្រាមដៃជើង លើស្រ្តីមេម៉ាយបម្រើក្នុងផ្ទះ
-
កីឡា៦ ថ្ងៃ agoលោក ពេជ្រ សុផាន់ រំលឹកគុណរបស់លោក អេ ភូថង ដែលធ្លាប់ជួយខ្លួនអំឡុងឆ្នាំ២០១៤ ធ្លាក់ដល់ទាល់ច្រកអស់ផ្លូវដើរ
-
ព័ត៌មានអន្ដរជាតិ៧ ថ្ងៃ agoផ្ទុះផង បាញ់ផង ដុតផង! ភាគខាងត្បូងថៃ កំពុងចលាចល និង វឹកវរខ្លាំង
-
ព័ត៌មានជាតិ៥ ថ្ងៃ agoដើម្បីបញ្ចៀសការកកស្ទះ អាជ្ញាធរខណ្ឌពោធិ៍សែនជ័យ និងក្រុមហ៊ុនកាណាស៊ីធី ចុះរុះរើរបងពង្រីកផ្លូវបន្ថែម
-
ព័ត៌មានជាតិ៤ ថ្ងៃ agoឱកាសសិស្សនិស្សិត! អាហារូបករណ៍ទេពកោសល្យឌីជីថលតេជោ ៦០០កន្លែង កំពុងបើកទទួលពាក្យ
-
ព័ត៌មានអន្ដរជាតិ១ សប្តាហ៍ agoផ្ទុះគ្រាប់បែក នៅថៃ របួសទេសចរម៉ាឡេស៊ី ២នាក់
-
កីឡា៦ ថ្ងៃ agoតំបន់ប្រយុទ្ធបារាំងកំពុងពេញសាច់ល្អ ខណៈ Mbappé តាមស្មើគ្រាប់បាល់ Messi