ព័ត៌មានអន្ដរជាតិ
BRICS បង្វែរជំហរបង្កើតរូបិយប័ណ្ណរួម ក្រោយដូណាល់ ត្រាំ កាន់អំណាច
ប្រទេសសមាជិកសមាគម BRICS បានទម្លាក់បំណងប្រឆាំងអាមេរិកតាមរយៈការបង្កើតរូបិយប័ណ្ណរួមដើម្បីប្រតិបត្តិការដោះដូរថ្លៃទំនិញក្នុងប្រទេសជាសមាជិក ជំនួសឥទ្ធិពលរូបិយប័ណ្ណដុល្លាររបស់សហរដ្ឋអាមេរិកដែលគ្រប់ដណ្តប់ចរន្តសេដ្ឋកិច្ចសកល។
ភាពប្រឈមខ្លាំងរវាងសហរដ្ឋអាមេរិក និង សមាគម BRICS បានកើតឡើងក្នុងអំឡុងការកាន់អំណាចរបស់ប្រធានាធិបតីសហរដ្ឋអាមេរិក លោក ចូ បៃដិន ដោយសារតែរួតរឹតពីសង្គ្រាមនៅអ៊ុយក្រែន និងការដាក់ទណ្ឌកម្មប្រឆាំងរុស្ស៊ី។
ប៉ុន្តែភាពប្រឈមនោះបានកាត់បន្ថយមកវិញ បន្ទាប់ពីការឡើងកាន់អំណាចជាថ្មីរបស់ប្រធានាសហរដ្ឋអាមេរិក លោក ដូណាល់ ត្រាំ ដែលបានគំរាមដាក់ទណ្ឌកម្មប្រឆាំងប្រទេសណាដែលជំនួសរូបិយប័ណ្ណដុល្លារ ដោយប្រាក់របស់ BRICS សម្រាប់ជាមធ្យោបាយដោះដូរទំនិញនោះ។
ឆ្លើយតបចំពោះសំណួររបស់អ្នកសារព័ត៌មាននៅថ្ងៃសុក្រ អ្នកនាំពាក្យវិមានក្រឹមឡាំង លោក Dmitry Peskov បាននិយាយថា សមាគម BRICS មិនកំពុងពិភាក្សាអំពីការបង្កើតរូបិយប័ណ្ណរួមនោះទេ ប៉ុន្តែបានកំពុងពិភាក្សាអំពីការបង្កើតវេទិកាវិនិយោគរួម។
នៅពេលធ្វើអត្ថាធិប្បាយលើការគំរាមកំហែងរបស់ប្រធានាធិបតីអាមេរិក ដូណាល់ ត្រាំ ក្នុងការយកពន្ធគយលើទំនិញពីរដ្ឋសមាជិក BRICS ប្រសិនបើសម្ព័ន្ធភាពចាកចេញពីប្រាក់ដុល្លារនោះ Dmitry Peskov បាននិយាយថា៖«BRICS មិនមាន និងមិនពិភាក្សាអំពីការបង្កើតរូបិយប័ណ្ណរួម»ទេ។
លោក Peskov បាននិយាយថា៖«BRICS កំពុងនិយាយអំពីការបង្កើតវេទិកាវិនិយោគរួមថ្មីដែលនឹងអនុញ្ញាតឱ្យមានការវិនិយោគនៅក្នុងប្រទេសទីបី ការវិនិយោគទៅវិញទៅមក និងផ្សេងៗទៀត»។
សមាគម BRICS ត្រូវបានផ្តួចផ្តើមបង្កើតឡើងក្នុងឆ្នាំ២០០៦ ដោយប្រទេសប្រេស៊ីល រុស្ស៊ី ឥណ្ឌា និងចិន ហើយនៅឆ្នាំ២០១១ អាហ្វ្រិកខាងត្បូងចូលរួម។ នៅថ្ងៃទី១ខែមករា ឆ្នាំ២០២៤ ប្រទេសអេហ្ស៊ីប អេត្យូពី អ៊ីរ៉ង់ អារ៉ាប៊ីសាអូឌីត និងអារ៉ាប់រួមបានក្លាយជាសមាជិកពេញសិទ្ធិ។ នៅថ្ងៃទី៦ខែមករា ឆ្នាំ២០២៥ ឥណ្ឌូនេស៊ីក៏បានចូលរួមជាមួយសមាគមនេះផងដែរ។
ក្នុងអំឡុងពេលយុទ្ធនាការស្វែងរកការគាំទ្រសម្រាប់អាណត្តីថ្មីសម្រាប់ដំណែងប្រធានាធិបតីសហរដ្ឋអាមេរិក លោក ដូណាល់ ត្រាំ បានគំរាមដាក់ពន្ធ១០០ភាគរយលើប្រទេសសមាជិក BRICS ប្រសិនបើពួកគេព្យាយាមជំនួសប្រាក់ដុល្លារអាមេរិកជារូបិយប័ណ្ណបម្រុងរបស់ពិភពលោក។
សារបស់លោក បានបន្ថយឥទ្ធិពលរបស់ BRICS ក្នុងការបោះជំហានទៅមុខក្នុងការបង្កើតរូបិយប័ណ្ណប្រើជាមធ្យោបាយជំនួសប្រាក់ដុល្លារនោះ៕
ដោយ រ៉ាន់ រើយ
-
ព័ត៌មានជាតិ៧ ថ្ងៃ ago៦ថ្ងៃក្នុងព្រឹត្តិការណ៍ «នគរសង្ក្រាន្ត» មន្ទីរសុខាភិបាលរាជធានីភ្នំពេញ បានពិនិត្យ និងព្យាបាលជូនពលរដ្ឋជាង២ពាន់នាក់
-
ព័ត៌មានអន្ដរជាតិ៣ ថ្ងៃ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
ព័ត៌មានអន្ដរជាតិ៥ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានអន្ដរជាតិ៤ ថ្ងៃ agoវិមានក្រឹមឡាំង៖ ពូទីន ត្រៀមជួបហ្សេលេនស្គី ទាល់តែមានការចុះហត្ថលេខាលើកិច្ចព្រមព្រៀងសន្តិភាព
-
ព័ត៌មានជាតិ១ សប្តាហ៍ agoបដិសេធមិនឱ្យ សម រង្ស៊ី ចូលរួមការជួបជុំសមាគមខ្មែរនៅប៉ារីស គឺដើម្បីបញ្ចៀសការភ្ជាប់ជាមួយបុគ្គលនេះកំពុងជាប់ទោស
-
សន្តិសុខសង្គម៣ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ
-
ព័ត៌មានជាតិ៦ ថ្ងៃ agoមន្រ្តីបរិស្ថានស្នើពលរដ្ឋកុំបរិភោគត្រីងាប់ និងផ្អាកប្រើប្រាស់ទឹកព្រែកត្រែង នៅស្រុករតនៈមណ្ឌល ខេត្តបាត់ដំបង
-
ព័ត៌មានអន្ដរជាតិ១៩ ម៉ោង agoចាប់ខ្លួនបានហើយ! ខ្មាន់កាំភ្លើង ដែលប៉ុនប៉ងបាញ់ប្រហារលោក ត្រាំ នៅសេតវិមាន