ភាគខាងជើងប្រទេសថៃ កើតមានរញ្ជួយដីកម្រិតស្រាល

ខេត្តឈៀងរ៉ៃ ភាគខាងជើងប្រទេសថៃ បានកើតមានគ្រោះរញ្ជួយដីកម្រិតស្រាល២.៤រ៉ិចទ័រ ប៉ុន្តែមិនបង្កផលប៉ះពាល់ឬបណ្តាលឲ្យមានមនុស្សរបួសអ្វីនោះទេ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមការចុះផ្សាយរបស់ Khaosod នៅថ្ងៃអង្គារទី១១ខែកុម្ភៈឆ្នាំ២០២៥, រញ្ជួយដីនេះ បានកើតឡើងនៅម៉ោង ១១:២៤នាទីយប់ថ្ងៃចន្ទ ជាមួយជម្រៅ ៣គីឡូម៉ែត្រក្នុងឃុំ Chom Mok Kaew នៃស្រុក Mae Lao។

ដ្បិតថាវាមានកម្រិតស្រាលក៏ដោយ ប៉ុន្តែវាក៏ធ្វើឲ្យញ័រដល់ឃុំនៅជាប់នោះដូចជាTambon Chom Mok Kaew និង Tambon Pong Phrae ផងដែរ។

ទោះបីជាយ៉ាងណាក៏ដោយ ក្រោយការរញ្ជួយនេះ អាជ្ញាធរមូលដ្ឋានបានចុះទៅវាយតម្លៃនិងពិនិត្យសំណង់អគារនានា ក្រែងមានផលប៉ះពាល់ណាមួយ។

សូមជម្រាបថា ប្រទេសថៃ ឧស្សាហ៍កើតគ្រោះរញ្ជួយដីញឹកញាប់ដែរ ក្នុងរយៈពេលប៉ុន្មានឆ្នាំមកនេះ ប៉ុន្តែភាគច្រើនមានកម្រិតស្រាល ហើយបង្កការខូចខាតតិចតួចប៉ុណ្ណោះ។ 

ការរញ្ជួយដីខ្លាំងបំផុត គឺកើតឡើងកាលពីខែឧសភា ឆ្នាំ ២០១៤ ជាមួយកម្រិត ៦.៣ រ៉ិចទ័ ក្នុងស្រុក Mae Lao ខេត្តឈៀងម៉ៃ ដោយបានសម្លាប់មនុស្សម្នាក់ និងរបួសជាង ១០០ នាក់៕

អត្ថបទ៖ សុខ សុវណ្ណ

ចុចអាន៖ រងទុក្ខផ្ទួនៗ រដ្ឋកាលីហ្វ័រញ៉ា ជួបគ្រោះរញ្ជួយដី ២លើកទៀតហើយ