ថៃក៏នៅតែធ្ងន់ដែរ ថ្ងៃនេះប្រកាសរកឃើញអ្នកឆ្លងកូវីដ ១១៩ករណីទៀត

នៅថ្ងៃសៅនេះ មជ្ឈមណ្ឌលគ្រប់គ្រងស្ថានភាពជំងឺកូវីដ១៩របស់ប្រទេសថៃ (CCSA) បានរាយការណ៍ថា មានការឆ្លងថ្មីចំនួន១១៩ករណី ដែលក្នុងនោះមាន៧នាក់ជាករណីនាំចូល។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

គ្រាន់តែតំបន់ចំនួន៣បូកចូលគ្នា គឺមានអ្នកឆ្លងរហូតដល់ទៅ៣ភាគ៤ទៅហើយក្នុងចំណោមករណីសរុប ដោយទីក្រុងបាងកកនិងខេត្តសាមុត សាខន សុទ្ធតែរាយការណ៍ពីការឆ្លង៣៨ករណដូចៗគ្នា ចំណែកខេត្ត សាមុត ប្រាកាន មាន១៥ករណី។

ចំពោះករណីនាំចូល មានជនជាតិថៃចំនួន៣នាក់និងជនបរទេស៤នាក់។

ជនជាតិថៃទាំង៣នាក់ គឺមកពីប្រទេសប៉ូឡូញ ស៊ុយអែតនិងរុស្ស៊ី ចំណែកជនបរទេសគឺមកពីប្រទេសមីយ៉ាន់ម៉ា២នាក់ រុស្ស៊ីម្នាក់និងឥណ្ឌាម្នាក់។

ស្របពេលជាមួយគ្នានោះដែរ អ្នកជំងឺចំនួន៦២នាក់បានជាសះស្បើយ។

គិតត្រឹមថ្ងៃសៅរ៍នេះ ចំនួនករណីជំងឺកូវីដ១៩នៅក្នុងប្រទេសថៃ បានកើនឡើងដល់២៧,៧១៣ករណី។ មនុស្សចំនួន ២៦,៥១២នាក់បានជាសះស្បើយ ហើយអ្នកស្លាប់បានកើនឡើងដល់៩០នាក់៕

ប្រែសម្រួលដោយ៖ Vann Vann

ប្រភព៖ The Nation

ចុចអាន៖ ថៃ កាត់បន្ថយរយៈពេលធ្វើចត្តាឡីស័កពី១៤ថ្ងៃ មកនៅត្រឹម១០ថ្ងៃ ចាប់ពីខែក្រោយទៅ

ចុចអាន៖ ថៃ បន្តរកឃើញអ្នកឆ្លងកូវីដ១០០ករណី និងអ្នកស្លាប់ម្នាក់ទៀត