ព័ត៌មានអន្ដរជាតិ
អាមេរិកសម្រេចដាក់ក្រុមហ៊ុនធំ២របស់យោធាមីយ៉ាន់ម៉ាក្នុងបញ្ជីខ្មៅ
សហរដ្ឋអាមេរិកនឹងដាក់ទណ្ឌកម្មលើក្រុមហ៊ុនធំ២ដែលគ្រប់គ្រងដោយយោធាមីយ៉ាន់ម៉ា ជុំវិញការក្តោបក្តាប់អំណាចដោយរដ្ឋប្រហារ១កុម្ភៈ និងការបង្ក្រាបឃោឃៅបណ្តាលឲ្យមនុស្សស្លាប់។ នេះបើតាមប្រភពពីរដែលដឹងរឿងនេះបាននិយាយនៅថ្ងៃពុធ។
ប្រភពបាននិយាយថា ចំណាត់ការនេះត្រូវបានធ្វើឡើងដោយក្រសួងរតនាគារអាមេរិកដាក់ក្រុមហ៊ុនធំពីររបស់មីយ៉ាន់ម៉ាក្នុងបញ្ជីខ្មៅគឺក្រុមហ៊ុន Myanmar Economic Corporation (MEC) និងក្រុម Myanmar Economic Holdings Ltd (MEHL) ដែលត្រូវបង្កកទ្រព្យសម្បត្តិទាំងឡាយដែលពួកគេមាននៅសហរដ្ឋអាមេរិកចាប់ពីព្រឹកថ្ងៃព្រហស្បតិ៍នេះតែម្តង។
ឧត្តមសេនីយ៍បានចាប់ផ្តើមអុកឡុកសភានៅថ្ងៃទី១ក្នុងខែកុម្ភៈ ដោយបានឃុំខ្លួនមេដឹកនាំស៊ីវិលក្នុងនោះមានជយលាភីណូបែលលោកស្រី អ៊ុងសាន ស៊ូជី ដែលគណបក្សរបស់លោកស្រីបានឈ្នះឆ្នោតកាលពីខែវិច្ឆិកា។
យោធាបានអះអាងថា មានការលួចបន្លំសន្លឹកឆ្នោតក្នុងការបោះឆ្នោតនោះ ប៉ុន្តែអ្នកសង្កេតការណ៍បាននិយាយថា មិនមានភាពមិនប្រក្រតីគួរឲ្យកត់សំគាល់ច្រើនទេ។
ចាប់តាំងពីរដ្ឋប្រហារ អ្នកតវ៉ាគាំទ្រលទ្ធិប្រជាធិបតេយ្យបានតវ៉ាស្ទើរពេញប្រទេស ហើយកម្លាំងសន្តិសុខបានបង្ក្រាបដោយហិង្សាដែលបានសម្លាប់ជនស៊ីវិលយ៉ាងហោចណាស់២៧៥នាក់ហើយ៕
ប្រែសម្រួល៖ វីរបុត្រ
ប្រភព៖ Reuters
-
ព័ត៌មានជាតិ៦ ថ្ងៃ agoត្រីជាង ២ តោន ងាប់នៅតំបន់អភិរក្សតាមោក ខេត្តសៀមរាប ដោយសារទឹករាក់ និង អាកាសធាតុក្តៅខ្លាំង
-
ព័ត៌មានជាតិ៦ ថ្ងៃ agoក្រសួងមហាផ្ទៃទាត់ចោលការផ្សាយថា កម្ពុជាឲ្យជនជាតិអាហ្វ្រិកដែលផុតកំណត់ ត្រូវចាកចេញមុនថ្ងៃទី៣១ ខែឧសភា ឆ្នាំ២០២៦
-
ព័ត៌មានជាតិ៦ ថ្ងៃ agoរដូវវស្សាប្រុងប្រយ័ត្ន! គ្រោះរន្ទះបាញ់សម្លាប់គោ ១៩ក្បាល នៅស្រុកលំផាត់ ខេត្តរតនគិរី
-
ព័ត៌មានអន្ដរជាតិ៣ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
ព័ត៌មានអន្ដរជាតិ៧ ថ្ងៃ agoនាវាចម្បាំងថ្មីរបស់ចិន នឹងដាក់ឱ្យធ្វើសមយុទ្ធ លើកដំបូង នៅក្បែរកោះជប៉ុន
-
សន្តិសុខសង្គម៥ ថ្ងៃ agoឆ្លងចរន្តអគ្គិសនីឆេះរោងចក្រផលិតស័ង្កសី គាបស្នោ ១ កន្លែង រងការខូចខាត នៅសង្កាត់ត្រពាំងក្រសាំង
-
ព័ត៌មានអន្ដរជាតិ១ សប្តាហ៍ agoអាមេរិក យល់ព្រមឱ្យប៉ូឡូញផ្តើមផលិតមីស៊ីលក្នុងស្រុក ដើម្បីការពារដែនអាកាស
-
សេដ្ឋកិច្ច២ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ