ព័ត៌មានអន្ដរជាតិ
ហ្សេលេនស្គី៖ អ៊ុយក្រែន នឹងធ្វើកិច្ចពិភាក្សាសន្តិភាពជាមួយប្រទេសចំនួនបី
ប្រធានាធិបតីអ៊ុយក្រែនលោក វ៉ូឡូឌីមៀរ ហ្សេលេនស្គី បានប្រកាសថា អ៊ុយក្រែននឹងចូលរួមក្នុងកិច្ចចរចាសន្តិភាពជាមួយចក្រភពអង់គ្លេស បារាំង និងសហរដ្ឋអាមេរិកនៅទីក្រុងឡុងដ៍នៅថ្ងៃពុធទី២៣ខែមេសាឆ្នាំ២០២៥។
លោក ហ្សេលេនស្គី បានឲ្យដឹងកាលពីថ្ងៃចន្ទថា ការពិភាក្សានេះមានគោលបំណងសម្រេចបានបទឈប់បាញ់ដោយគ្មានលក្ខខណ្ឌ និងបង្កើតសន្តិភាពយូរអង្វែងចំពេលមានជម្លោះដែលកំពុងបន្តជាមួយរុស្ស៊ី។
មេដឹកនាំអ៊ុយក្រែន បានសង្កត់ធ្ងន់លើការប្តេជ្ញាចិត្តរបស់ក្រុងកៀវ ចំពោះការសន្ទនាក្នុងន័យស្ថាបនា ដោយបញ្ជាក់ថា៖ «យើងត្រៀមខ្លួនជាស្រេចដើម្បីឆ្ពោះទៅមុខប្រកបដោយការស្ថាបនាតាមដែលអាចធ្វើទៅបាន… ដើម្បីសម្រេចបាននូវបទឈប់បាញ់ដោយគ្មានលក្ខខណ្ឌ អមដោយការបង្កើតសន្តិភាពពិតប្រាកដ និងយូរអង្វែង»។
កិច្ចពិភាក្សានៅទីក្រុងឡុងដ៍នាពេលខាងមុខ ធ្វើឡើងបន្ទាប់ពីកិច្ចប្រជុំថ្មីៗកាលពីថ្ងៃទី១៧ខែមេសានៅទីក្រុងប៉ារីស ជាកន្លែងដែលរដ្ឋមន្ត្រីការបរទេសអាមេរិកលោក Marco Rubio និងបេសកជនពិសេសលោក Steve Witkoff បានជួបប្រជុំគ្នាជាមួយមន្ត្រីអឺរ៉ុប និងអ៊ុយក្រែន ដើម្បីពិភាក្សាអំពីផ្លូវបញ្ចប់សង្រ្គាម។
ទោះជាយ៉ាងណាក៏ដោយ ក្តីបារម្ភបានកើតឡើងចំពោះវិធីសាស្រ្តរបស់រដ្ឋបាលអាមេរិក ជាមួយនឹងរបាយការណ៍ដែលបង្ហាញពីការផ្តល់សម្បទានដ៏ធំឲ្យរុស្ស៊ី រួមទាំងការទទួលស្គាល់តំបន់គ្រីមៀជាទឹកដីរុស្ស៊ី និងការបញ្ឈប់បំណងប្រាថ្នារបស់អ៊ុយក្រែនក្នុងការចូលអង្គការណាតូ។ លោក ហ្សេលេនស្គី បានសម្តែងការព្រួយបារម្ភចំពោះការវិវឌ្ឍទាំងនេះ ដោយសង្កត់ធ្ងន់លើអធិបតេយ្យភាព និងបូរណភាពទឹកដីរបស់អ៊ុយក្រែន៕
ដោយ៖ ឈាង
-
សេចក្ដីជូនដំណឹង៧ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៥ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
កីឡា១ ថ្ងៃ agoល្ងាចនេះ U19 កម្ពុជា ប៉ះ ថៃ វគ្គពាក់កណ្តាលផ្តាច់ព្រ័ត្រ ខណៈជួបគ្នាចុងក្រោយ ថៃ ខកចិត្តម្តងហើយ
-
ព័ត៌មានអន្ដរជាតិ៧ ម៉ោង agoឥណ្ឌា តវ៉ាយ៉ាងខ្លាំង ចំពោះអាមេរិកដែលវាយប្រហារនាវាដឹកប្រេងបណ្តាលនាវិកឥណ្ឌា ៣នាក់ស្លាប់
-
សេដ្ឋកិច្ច១ សប្តាហ៍ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoកម្ពុជា ថោ្កលទោសយោធាថៃយ៉ាងខ្លាំងក្លាដែលដុតបំផ្លាញជណ្តើរឡើងប្រាសាទខ្នារ ទីតាំងបេតិកភណ្ឌវប្បធម៌
-
ព័ត៌មានអន្ដរជាតិ១ សប្តាហ៍ agoពូទីន គេចមិនឆ្លើយរឿងកាន់អំណាចដល់ឆ្នាំ២០៣៦ ហើយប្រាប់ថា «មានតែព្រះទេទើបដឹង»
-
សន្តិសុខសង្គម៦ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម