ព័ត៌មានអន្ដរជាតិ

លោក ត្រាំ គ្រោងធ្វើទស្សនកិច្ចនៅប្រទេសសំខាន់ៗចំនួនបីនៅមជ្ឈិមបូព៌ា

បានផុស

៣៣ នាទីutes មុន

នៅ

ថ្ងៃពុធ ២៣ មេសា ២០២៥

ដោយ

Chheang

ប្រធានាធិបតីអាមេរិក លោក ដូណាល់ ត្រាំ គ្រោងនឹងចាប់ផ្តើមដំណើរទស្សនកិច្ចការទូតនៅប្រទេសអារ៉ាប៊ីសាអូឌីត អេមីរ៉ាត់អារ៉ាប់រួម និងកាតា ចាប់ពីថ្ងៃទី១៣ដល់ថ្ងៃទី១៦ខែឧសភាឆ្នាំ២០២៥។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដំបូងឡើយ នេះគួរតែជាដំណើរទស្សនៈកិច្ចក្រៅប្រទេសលើកទីមួយរបស់លោក ត្រាំ ចាប់តាំងពីការវិលត្រឡប់ចូលកាន់តំណែងនៅក្នុងអាណត្តិទីពីរ។ យ៉ាងណាមិញ ព្រោះតែមរណភាពរបស់សម្តេចប៉ាប Francis កាលពីថ្ងៃចន្ទទី២១ខែមេសា លោក ត្រាំ នឹងត្រូវអញ្ជើញទៅចូលរួមពិធីបុណ្យសពនៅទីក្រុងរ៉ូមនៃប្រទេសអ៊ីតាលី។

អ្នកនាំពាក្យសេតវិមាន លោកស្រី Karoline Leavitt បានឲ្យដឹងថា ដំណើរទស្សនកិច្ចនៅប្រទេសទាំងបី មានគោលបំណង«ពង្រឹងទំនាក់ទំនង» ជាមួយបណ្តាប្រទេសសំខាន់ៗនៅតំបន់មជ្ឈិមបូព៌ា ដែលថ្មីៗនេះបានគាំទ្រដល់កិច្ចខិតខំប្រឹងប្រែងការទូតរបស់រដ្ឋបាលលោក ត្រាំ រួមទាំងការជួយដល់កិច្ចចរចាបទឈប់បាញ់នៅអ៊ុយក្រែន និងហ្គាហ្សា។

ដំណើរទស្សនកិច្ចរបស់ប្រធានាធិបតីអាមេរិក មានដូចជា កិច្ចប្រជុំទ្វេភាគី និងកិច្ចពិភាក្សាជាមួយថ្នាក់ដឹកនាំតំបន់ ដើម្បីពង្រឹងសម្ព័ន្ធភាព និងស្វែងរកផ្លូវសម្រាប់កិច្ចសហប្រតិបត្តិការសេដ្ឋកិច្ច។ គួរកត់សម្គាល់ថា លោក ត្រាំ បានបង្ហាញផែនការដើម្បីឈានដល់កិច្ចព្រមព្រៀងវិនិយោគសំខាន់ៗក្នុងអំឡុងពេលដំណើរទស្សនកិច្ចរបស់លោក។ កាលពីដើមខែមីនា លោកបានលើកឡើងថា អារ៉ាប៊ីសាអូឌីតអាចនឹងបោះទុនរហូតដល់ ១ទ្រីលានដុល្លារក្នុងការវិនិយោគទៅក្នុងសេដ្ឋកិច្ចអាមេរិក ដោយរួមបញ្ចូលទាំងការទិញឧបករណ៍យោធា។ កិច្ចព្រមព្រៀងស្រដៀងគ្នានេះត្រូវបានគេរំពឹងទុកក៏នឹងធ្វើឡើងជាមួយកាតា និងអារ៉ាប់រួមផងដែរ៕

ដោយ៖ ឈាង