ព័ត៌មានអន្ដរជាតិ
ហ្សេលេនស្គី ទម្លាយរឿងដែលនិយាយ កាលពីជំនួបជាមួយ ត្រាំ នៅបុរីវ៉ាទីកង់
ប្រធានាធិបតីអ៊ុយក្រែនលោក វ៉ូឡូឌីមៀរ ហ្សេលេនស្គី និងប្រធានាធិបតីអាមេរិកលោក ដូណាល់ ត្រាំ បានជួបប្រជុំគ្នាក្នុងរយៈពេលដ៏ខ្លីមួយ ក្នុងអំឡុងព្រះរាជពិធីបុណ្យសពរបស់សម្ដេចប៉ាប Francis នៅបុរីវ៉ាទីកង់ ដែលជាពេលវេលាដ៏គួរឲ្យកត់សម្គាល់មួយក្នុងកិច្ចខិតខំប្រឹងប្រែងដើម្បីដោះស្រាយជម្លោះរវាងអ៊ុយក្រែន និងរុស្ស៊ី។
លោក ហ្សេលេនស្គី បាននិយាយកាលពីថ្ងៃទី៣ឧសភាថា កិច្ចសន្ទនារយៈពេល ១៥នាទីជាមួយលោក ត្រាំ ផ្តោតលើបញ្ហាសំខាន់ៗដូចជា ប្រព័ន្ធការពារដែនអាកាស និងការដាក់ទណ្ឌកម្មប្រឆាំងនឹងរុស្ស៊ី។ លោក ហ្សេលេនស្គី បានបន្ថែមថា លោក និងមេដឹកនាំអាមេរិក ក៏បានព្រមព្រៀងគ្នាដែរថា បទឈប់បាញ់រយៈពេល ៣០ថ្ងៃរវាងទីក្រុងកៀវ និងទីក្រុងមូស្គូ គឺជាជំហានដំបូងដ៏ត្រឹមត្រូវឆ្ពោះទៅរកការបញ្ចប់សង្រ្គាមនៅអ៊ុយក្រែន។
កិច្ចប្រជុំនេះក៏បាននាំទៅដល់ការចុះហត្ថលេខាលើកិច្ចព្រមព្រៀងរ៉ែសំខាន់ៗរបស់សហរដ្ឋអាមេរិក និងអ៊ុយក្រែន ដែលរួមបញ្ចូលទាំងការបង្កើតមូលនិធិវិនិយោគរួមមួយដែលមានការត្រួតពិនិត្យស្មើគ្នារវាងប្រទេសទាំងពីរ។
ពាក់ព័ន្ធនឹងជំនួបនៅបុរីវ៉ាទីកង់ លោក ត្រាំ ក៏ធ្លាប់ទម្លាយរឿងដែលលោក និង ហ្សេលេនស្គី និយាយគ្នានៅទីនោះដែរ។ កាលពីថ្ងៃទី២៧ខែមេសា លោកត្រាំ ប្រាប់ទៅអ្នកសារព័ត៌មានថា «គាត់ប្រាប់ខ្ញុំថា គាត់ត្រូវការអាវុធបន្ថែមទៀត ប៉ុន្តែគាត់និយាយអ៊ីចឹង៣ឆ្នាំហើយ។ គាត់ត្រូវការអាវុធបន្ថែមទៀត ហើយយើងនឹងឃើញអ្វីដែលកើតឡើង។ ខ្ញុំចង់ឃើញរឿងទាក់ទងនឹងរុស្ស៊ី កើតឡើង»។
យ៉ាងណាក្តី បើតាមការចុះផ្សាយរបស់ RT, លោកត្រាំ បញ្ជាក់ថា លើកនេះលោក ហ្សេលេនស្គី ដូចជាសុភាពនិងទន់ភ្លន់ ជាងលើកមុនៗ ជាពិសេសពេលមេដឹកនាំទាំងពីរប៉ះសម្តីគ្នា នៅឯការិយាល័យពងក្រពើ នៃសហរដ្ឋអាមេរិក កាលពីខែកុម្ភៈតែម្តង៕
ដោយ៖ ឈាង
ចុចអាន៖ ត្រាំ ទម្លាយរឿងដែលលោកនិងហ្សេលេនស្គី និយាយគ្នានៅបុរីវ៉ាទីកង់ ថ្ងៃមុន
-
សេចក្ដីជូនដំណឹង៥ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៣ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច៥ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
កីឡា៦ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
សន្តិសុខសង្គម៤ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម
-
ព័ត៌មានជាតិ១ សប្តាហ៍ agoផ្លូវទៅតំបន់អេកូទេសចរណ៍អារ៉ែង ឈានទៅចាក់ក្រាលកៅស៊ូស្ទើរបញ្ចប់ ១០០%
-
ព័ត៌មានអន្ដរជាតិ៥ ថ្ងៃ agoពូទីន គេចមិនឆ្លើយរឿងកាន់អំណាចដល់ឆ្នាំ២០៣៦ ហើយប្រាប់ថា «មានតែព្រះទេទើបដឹង»
-
សន្តិសុខសង្គម១ សប្តាហ៍ agoបង្ហាញមុខក្រុមជនដៃដល់សម្លាប់នារីភេទទី៣ និងអ្នកបើកតាក់ស៊ី រួចបញ្ជូនទៅកាន់តុលាការ