ព័ត៌មានអន្ដរជាតិ
ឥណ្ឌា អះអាងថា ខ្លួនសម្លាប់ភេរវករហោចណាស់ ១០០នាក់ ក្នុងប្រតិបត្តិការ Sindoor
ប្រទេសឥណ្ឌា បានប្រកាសថា ភេរវករយ៉ាងហោចណាស់ ១០០នាក់ត្រូវបានសម្លាប់នៅក្នុងការវាយប្រហារជាបន្តបន្ទាប់ដែលធ្វើឡើងក្រោមប្រតិបត្តិការ «Sindoor» ដែលជាចំណាត់ការយោធាសងសឹកចំពោះការវាយប្រហារភេរវកម្មទីក្រុង Pahalgam នៅតំបន់កាស្មៀរ កាលពីថ្ងៃទី២២ខែមេសា ដែលបានសម្លាប់មនុស្ស ២៦នាក់។
រដ្ឋមន្ត្រីការពារជាតិឥណ្ឌា លោក Rajnath Singh បានបង្ហាញតួលេខនេះនៅថ្ងៃព្រហស្បតិ៍ទី៨ខែឧសភានេះ ដោយបញ្ជាក់ថា កងកម្លាំងប្រដាប់អាវុធឥណ្ឌាបានកំណត់គោលដៅជាក់លាក់លើទីតាំងភេរវករចំនួន៩ នៅក្នុងប្រទេសប៉ាគីស្ថាន និងតំបន់កាស្មៀរដែលកាន់កាប់ដោយប៉ាគីស្ថាន។ លោក Singh បានសង្កត់ធ្ងន់ថា ប្រតិបត្តិការនេះកំពុងបន្ត ហើយឥណ្ឌានឹងឆ្លើយតបយ៉ាងម៉ឺងម៉ាត់ចំពោះការកើនឡើងភាពតានតឹងណាមួយពីប៉ាគីស្ថាន។
វាជាតួលេខថ្មីមួយ ខណៈក្រោយការវាយប្រហារថ្ងៃទី៧ឧសភារបស់ឥណ្ឌា ភាគីប៉ាគីស្ថានបានបញ្ជាក់ថា មានអ្នកស្លាប់ចំនួន ៣១នាក់ ហើយសុទ្ធតែជាជនស៊ីវិល ក្នុងនោះក៏រួមមានទាំងកុមារផងដែរ។
ប៉ាគីស្ថាន បានថ្កោលទោសការវាយប្រហារនេះថាជាការរំលោភលើអធិបតេយ្យភាពរបស់ខ្លួន ហើយនាយករដ្ឋមន្ត្រីប៉ាគីស្ថានលោក Shehbaz Sharif បានបើកដៃឲ្យកងទ័ពរបស់ខ្លួន ចាត់វិធានការសងសឹកវិញ បន្ទាប់ពីឥណ្ឌា វាយប្រហារចូលទឹកដីរបស់ខ្លួននៅតំបន់កាស្មៀរ។
ការិយាល័យរបស់លោកនាយករដ្ឋមន្ត្រី Sharif បានចេញសេចក្តីថ្លែងការណ៍មួយថា «ស្របតាមមាត្រា៥១ នៃធម្មនុញ្ញអង្គការសហប្រជាជាតិ, ប៉ាគីស្ថានសូមរក្សាសិទ្ធិក្នុងការឆ្លើយតបដើម្បីការពារខ្លួនក្នុងពេល ទីកន្លែង និងរបៀបដែលខ្លួននឹងសម្រេចចិត្ត ដើម្បីសងសឹកចំពោះការបាត់បង់ជីវិតជនជាតិប៉ាគីស្ថានស្លូតត្រង់ និងការរំលោភលើអធិបតេយ្យភាពរបស់ខ្លួន។ កងកម្លាំងប្រដាប់អាវុធនៃប្រទេសប៉ាគីស្ថាន ត្រូវបានអនុញ្ញាតឲ្យធ្វើសកម្មភាពឆ្លើយតបទៅវិញហើយ»។
សហគមន៍អន្តរជាតិបានសម្តែងការព្រួយបារម្ភចំពោះភាពតានតឹងកាន់តែខ្លាំងឡើងរវាងប្រទេសជិតខាងប្រដាប់អាវុធនុយក្លេអ៊ែរទាំងពីរ។ មេដឹកនាំពិភពលោក រួមទាំងអ្នកមកពីអង្គការសហប្រជាជាតិ សហរដ្ឋអាមេរិក និងចិន បានអំពាវនាវឲ្យមានការបន្ធូរបន្ថយជាបន្ទាន់ និងការវិលត្រឡប់ទៅរកកិច្ចសន្ទនាការទូត ដើម្បីបញ្ចៀសជម្លោះបន្តទៀត៕
ដោយ៖ ឈាង
ចុចអាន៖ ប៉ាគីស្ថាន ព្រមានថា សង្គ្រាមនុយក្លេអ៊ែរ អាចផ្ទុះឡើងគ្រប់ពេល
លោក នេត្រ ភក្ត្រា ៖ ការធ្វើកំណែទម្រង់រដ្ឋបាលសាធារណៈនៅក្រសួងព័ត៌មាន គឺជាផ្នែកមួយនៃការពង្រឹងប្រសិទ្ធភាព និងគុណភាព
ផ្សារវើនសៃ គឺជាកន្លែងលក់បន្លែ ត្រី សាច់ បែបធម្មជាតិរបស់ជនជាតិដើមភាគតិចឡាវ ដោយមិនប្រើជាតិគីមី
សមត្ថកិច្ចឃាត់ខ្លួនជនជាតិចិន២នាក់ លួចគាស់ទ្វាររថយន្តតាមចំណត
ជនដៃដល់៣នាក់ត្រូវបានឃាត់ខ្លួនក្នុងករណីរំលោភសម្លាប់ក្មេងស្រីវ័យ១៥ឆ្នាំនៅខណ្ឌព្រែកព្នៅ
អ្នកនាំពាក្យ៖ ផ្លូវជាតិលេខ១០ បាត់ដំបង-កោះកុង រួចរាល់១០០% ពលរដ្ឋអាចធ្វើដំណើរដោយគ្មានក្ដីភិតភ័យឡើយ
ជនដៃដល់៣នាក់ត្រូវបានឃាត់ខ្លួនក្នុងករណីរំលោភសម្លាប់ក្មេងស្រីវ័យ១៥ឆ្នាំនៅខណ្ឌព្រែកព្នៅ
Update៖ ក្មេងស្រីដែលប្រទះឃើញស្លាប់ក្នុងបន្ទប់ទឹកសាលារៀន មានស្រុកកំណើតនៅស្រុកពញាឮ ខេត្តកណ្តាល
ឆេះផ្ទះ៨ខ្នង និងតូបជួលផ្សារពាក់ស្បែក១៦តូប ខូចខាតអស់ទាំងស្រុង
រញ្ជួយដីកម្រិត ៦.៥រ៉ិចទ័រ នៅប៉ាពូអាស៊ីនូវែលហ្គីណេ បង្ករំញ័រដល់ថៃនិងមីយ៉ាន់ម៉ា
បឋម៖ សង្ស័យករណីរំលោភសម្លាប់ ក្មេងស្រីវ័យ១៥ម្នាក់ត្រូវគេប្រទះឃើញស្លាប់ទាំងអាក្រាតកាយក្នុងបន្ទប់ទឹកសាលារៀន
-
ចរាចរណ៍៤ ថ្ងៃ agoស្នងការខេត្តប៉ៃលិន បំភ្លឺជុំវិញករណីគ្រោះថ្នាក់ចរាចណ៍បណ្តាលឱ្យស្លាប់ភាគីជិះម៉ូតូ
-
សន្តិសុខសង្គម២ ថ្ងៃ agoស្នងការរាជធានី ប្រកាសតែងតាំងលោកវរសេនីយ៍ទោ ប៉ាង សាវឿន ឲ្យគ្រប់គ្រងការិយាល័យគណនេយ្យ ចំណុះផែនការងារភស្តុភារ និងហិរញ្ញវត្ថុ
-
ចរាចរណ៍៦ ថ្ងៃ agoUpdate៖ អ្នកបង្កគ្រោះថ្នាក់បុករះនៅមុខក្រសួងមហាផ្ទៃ ជានាយការិយាល័យគណនេយ្យ ចំណុះផែនការងារភស្តុភារ និងហិរញ្ញវត្ថុ នៃស្នងការដ្ឋាននគរបាលរាជធានីភ្នំពេញ
-
ចរាចរណ៍៦ ថ្ងៃ agoUpdate៖ អ្នកបើករថយន្ដបុករះនៅមុខក្រសួងមហាផ្ទៃ ស្ថិតក្រោមជាតិអាល់កុល 0,35mg/L
-
សន្តិសុខសង្គម៤ ម៉ោង agoជនដៃដល់៣នាក់ត្រូវបានឃាត់ខ្លួនក្នុងករណីរំលោភសម្លាប់ក្មេងស្រីវ័យ១៥ឆ្នាំនៅខណ្ឌព្រែកព្នៅ
-
សន្តិសុខសង្គម១ សប្តាហ៍ agoឃាត់ខ្លួនប្រធានផ្សារទួលពង្រ និងបក្ខពួក ពាក់ព័ន្ធករណីដើរយកភាស៊ីពីអាជីវករលក់ដូរតាមរ៉ឺម៉កម៉ូតូ
-
ព័ត៌មានជាតិ១ ថ្ងៃ agoអតីតភិក្ខុសង្ឃល្បីឈ្មោះ៥រូប កំពុងកាន់តំណែងជាន់ខ្ពស់ក្នុងស្ថាប័នរដ្ឋ
-
ព័ត៌មានជាតិ៤ ថ្ងៃ agoមន្ត្រីសុខាភិបាល អំពាវនាវឱ្យពលរដ្ឋចាក់វ៉ាក់សាំង Pfizer ដើម្បីការពារវីរុសបំប្លែងថ្មី JN.1