ព័ត៌មានអន្ដរជាតិ
ឥណ្ឌា-ប៉ាគីស្ថាន ចោទដាក់គ្នារឿងធ្វេសប្រហែសនិងគ្រប់គ្រងអាវុធនុយក្លេអ៊ែរ មិនបានល្អ
ដ្បិតស្ថានការណ៍ឥណ្ឌា-ប៉ាគីស្ថានបានចុះត្រជាក់មួយរយៈពេលខ្លីក្រោយមានបទឈប់បាញ់ក៏ពិតមែន ប៉ុន្តែពេលនេះកម្តៅហាក់កើនឡើងជាថ្មី ក្រោយពេលអ្នកជិតខាងទាំងពីចោទដាក់គ្នាថា ធ្វេសប្រហែសនិងគ្រប់គ្រងអាវុធនុយក្លេអ៊ែរមិនបានល្អ។
តាមការចុះផ្សាយរបស់ CNA នៅថ្ងៃសុក្រទី១៦ខែឧសភាឆ្នាំ២០២៥, រដ្ឋមន្ត្រីការពារជាតិឥណ្ឌា Rajnath Singh លើកឡើងថា ឃ្លាំងអាវុធនុយក្លេអ៊ែរប៉ាគីស្ថាន គួរតែត្រូវដាក់នៅក្រោមការសង្កេតរបស់ទីភ្នាក់ងារថាមពលអាតូមិករបស់អង្គការសហប្រជាជាតិ (IAEA)។
ថ្លែងប្រាប់កងទ័ពនៅឯមូលដ្ឋានក្នុងតំបន់កាស្មៀរខាងឥណ្ឌា លោក Singh និយាយថា «ខ្ញុំចង់លើកសំណួរនេះសួរពិភពលោកថា តើអាវុធនុយក្លេអ៊ែរមានសុវត្ថិភាពទេពេលស្ថិតនៅក្នុងដៃប្រទេសទុច្ចរិតនិងគ្មានការទទួលខុសត្រូវ? ខ្ញុំជឿថា អាវុធបរមាណូរបស់ប៉ាគីស្ថាន គួរតែត្រូវដាក់ក្រោមការឃ្លាំមើលរបស់ IAEA»។
ទោះបីជាយ៉ាងណាក៏ដោយ មិនទុកយូរឡើយ រដ្ឋមមន្ត្រីការបរទេសប៉ាគីស្ថាន Minister Ishaq បានវាយបកថា «IAEA គួរតែបើកការស៊ើបអង្កេតលើការលួចនិងជួញដូរសម្ភារៈនុយក្លេអ៊ែរនិងវិទ្យុសកម្មខុសច្បាប់ម្តងហើយម្តងទៀត នៅក្នុងប្រទេសឥណ្ឌាឯណោះវិញទៅ។ ឧប្បត្តិហេតុទាំងនេះហើយ ដែលតម្រូវឲ្យសហគមន៍អន្តរជាតិ គួរបើកការស៊ើបអង្កេតទីផ្សារញញឹកនៅក្នុងប្រទេសឥណ្ឌា។
សូមជម្រាបជាថ្មី ភាពតានតឹងរវាងគូជម្លោះទាំងពីរបានកើនឡើងខ្ពស់ ចាប់តាំងពីថ្ងៃទី៧ខែឧសភាមក នៅពេលឥណ្ឌាបើកប្រតិបត្តិការ «Sindoor» ដោយផ្តោតលើអ្វីដែលខ្លួនបានពិពណ៌នាថាជាហេដ្ឋារចនាសម្ព័ន្ធភេរវករនៅក្នុងប្រទេសប៉ាគីស្ថាន ឆ្លើយតបទៅការវាយប្រហារភេរវកម្មនៅតំបន់កាស្មៀរគ្រប់គ្រងដោយឥណ្ឌាកាលពីថ្ងៃទី២២ខែមេសា ដែលសម្លាប់មនុស្ស ២៦នាក់។
ឥណ្ឌាអះអាងថា ការវាយប្រហារនោះបានសម្លាប់ពួកសកម្មប្រយុទ្ធយ៉ាងតិច១០០នាក់ ខណៈប៉ាគីស្ថានបានបញ្ជាក់តែពីរបាយការណ៍ស្លាប់របស់ជនស៊ីវិលប៉ុណ្ណោះ និងបានប្រកាសសងសឹកវិញ។
ក្រោយមក ជម្លោះក៏កាន់តែក្តៅឈានដល់ថ្នាក់ការគំរាមបាញ់នុយក្លេអ៊ែរដាក់គ្នាទៅវិញទៅមក ជាហេតុបង្កក្តីបារម្ភផ្ទុះសង្គ្រាមលោក ទើបបណ្តាមេដឹកនាំអន្តរជាតិនាំគ្នាចេញការអំពាវនាវឲ្យប្រទេសទាំងពីររក្សាភាពអត់ធ្មត់ និងត្រូវងាកមកកាន់តុចរចាវិញដើម្បីបន្ធូរបន្ថយភាពតានតឹង៕
អត្ថបទ៖ សុខ សុវណ្ណ
ចុចអាន៖ ប៉ាគីស្ថាន ប្រកាសជោគជ័យធំធេងលើឥណ្ឌា ហើយយកថ្ងៃ១០ឧសភា ធ្វើជាទិវាអបអររាល់ឆ្នាំ
-
ព័ត៌មានជាតិ២ ថ្ងៃ agoសមត្ថកិច្ចឃាត់ខ្លួនជនសង្ស័យជនជាតិថៃ២នាក់និងខ្មែរម្នាក់ ករណីជួញដូរសារធាតុញៀន
-
ព័ត៌មានជាតិ១ សប្តាហ៍ agoទេសចរគួរដឹងអ្វីខ្លះ ពេលទៅកម្សាន្តតំបន់អេកូទេសចរណ៍រ៉ាមសារសម្រស់កោះហានក្នុងខេត្តស្ទឹងត្រែង?
-
ព័ត៌មានអន្ដរជាតិ១ សប្តាហ៍ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
ព័ត៌មានជាតិ៦ ថ្ងៃ agoតំណាងអយ្យការសម្រេចចោទប្រកាន់លោកផ្កាយបីនិងលោកផ្កាយពីរ រួមអ្នកពាក់ព័ន្ធ៤នាក់ផ្សេងទៀត
-
ព័ត៌មានអន្ដរជាតិ១ សប្តាហ៍ agoវិមានក្រឹមឡាំង៖ ពូទីន ត្រៀមជួបហ្សេលេនស្គី ទាល់តែមានការចុះហត្ថលេខាលើកិច្ចព្រមព្រៀងសន្តិភាព
-
ព័ត៌មានជាតិ៤ ម៉ោង agoស្ថានទូតអូស្ត្រាលីប្រចាំកម្ពុជាឆ្លើយតបនឹងហេតុការណ៍ទាហានថៃផ្ទុះអាវុធកាលពីថ្ងៃទី២៩ ខែមេសា
-
ព័ត៌មានជាតិ១ ថ្ងៃ agoទាហានថៃបាញ់កាំភ្លើង៩គ្រាប់ មុខអនុព័ន្ធយោធាអាម៉េរិក ចិន រុស្ស៊ី ជប៉ុន ដែលចុះសង្កេតការណ៍នៅអូរស្មាច់
-
សន្តិសុខសង្គម៦ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ