ព័ត៌មានអន្ដរជាតិ
ប៉ាគីស្ថានប្រាប់ថា មនុស្ស៥១នាក់បានស្លាប់ក្នុងការប៉ះទង្គិចគ្នាជាមួយឥណ្ឌា
យោធាប៉ាគីស្ថាន បានរាយការណ៍នៅថ្ងៃទី១៣ឧសភានេះថា មនុស្សចំនួន ៥១នាក់ដែលរួមមានទាហាន ១១នាក់ និងជនស៊ីវិល ៤០នាក់ ត្រូវបានសម្លាប់នៅក្នុងការប៉ះទង្គិចគ្នាជាមួយឥណ្ឌាកាលពីសប្តាហ៍មុន ដែលជាការកត់សម្គាល់មួយនៃការកើនឡើងភាពតានតឹងដ៏ធ្ងន់ធ្ងរបំផុតរវាងប្រទេសជិតខាងប្រដាប់អាវុធនុយក្លេអ៊ែរទាំងពីរក្នុងរយៈពេលប៉ុន្មានឆ្នាំថ្មីៗនេះ។
កងទ័ពប៉ាគីស្ថាន បាននិយាយនៅក្នុងសេចក្តីថ្លែងការណ៍ថា «ការវាយប្រហារដោយឥតញញើត និងគួរឲ្យស្អប់ខ្ពើមរបស់ឥណ្ឌា» បានសម្លាប់ជនស៊ីវិល ៤០នាក់ ក្នុងនោះមានស្ត្រី ៧នាក់ និងកុមារ ១៥នាក់ ខណៈមានទាហានបាត់បង់ជីវិត ១១នាក់ និងរបួស ៧៨នាក់។
តួលេខពីមុនរបស់ប៉ាគីស្ថាន បានបង្ហាញថា មានជនស៊ីវិលតែ ៣៣នាក់ប៉ុណ្ណោះដែលបាត់បង់ជីវិត ហើយមិនមានបុគ្គលយោធាស្លាប់នោះឡើយ។
ចំណែកឯតួលេខរបស់ឥណ្ឌាវិញបន្ទាប់ពីការវាយបករបស់ប៉ាគីស្ថាន បានឲ្យដឹងថា ជនស៊ីវិល ១៥នាក់ និងទាហាន ៥នាក់បានស្លាប់។
សូមរឭកថា ជម្លោះបានផ្ទុះឡើងបន្ទាប់ពីប្រតិបត្តិការ«Sindoor» របស់ឥណ្ឌា ដែលបានកំណត់គោលដៅទៅលើអ្វីដែលខ្លួនបានពិពណ៌នាថាជាហេដ្ឋារចនាសម្ព័ន្ធភេរវករនៅក្នុងប្រទេសប៉ាគីស្ថាន និងតំបន់កាស្មៀរគ្រប់គ្រងដោយប៉ាគីស្ថាន។ ឥណ្ឌាបានអះអាងថា ការវាយប្រហារទាំងនេះគឺជាការសងសឹកចំពោះទង្វើវាយឆ្មក់ដ៏សាហាវរបស់ក្រុមភេរវករនៅក្នុងតំបន់កាស្មៀរគ្រប់គ្រងដោយឥណ្ឌា ដែលបានបណ្តាលឲ្យអ្នកទេសចរ ២៦នាក់ស្លាប់។ យ៉ាងណា ដោយមានការសម្របសម្រួលពីអាមេរិក ឥណ្ឌានិងប៉ាគីស្ថានបានឈានដល់បទឈប់បាញ់មួយកាលពីថ្ងៃសៅរ៍សប្ដាហ៍មុន៕
ដោយ៖ ឈាង
ចុចអាន៖ Modi ប្រកាសក្តែងៗថា ឥណ្ឌា អត់ញញើតការគំរាមបាញ់នុយក្លេអ៊ែររបស់ ប៉ាគីស្ថាន ទេ
-
ព័ត៌មានជាតិ១ សប្តាហ៍ agoដើម្បីបញ្ចៀសការកកស្ទះ អាជ្ញាធរខណ្ឌពោធិ៍សែនជ័យ និងក្រុមហ៊ុនកាណាស៊ីធី ចុះរុះរើរបងពង្រីកផ្លូវបន្ថែម
-
សេដ្ឋកិច្ច៣ ថ្ងៃ agoអ្នកជំនាញ៖ វិស័យអចលនទ្រព្យនៅកម្ពុជាមិនទាន់មានសញ្ញាងើបឡើងវិញរហូតដល់បច្ចុប្បន្ននេះ
-
ព័ត៌មានជាតិ១ សប្តាហ៍ agoឱកាសសិស្សនិស្សិត! អាហារូបករណ៍ទេពកោសល្យឌីជីថលតេជោ ៦០០កន្លែង កំពុងបើកទទួលពាក្យ
-
ព័ត៌មានអន្ដរជាតិ២ ម៉ោង agoយន្តហោះមីយ៉ាន់ម៉ា ទម្លាក់គ្រាប់បែកជញ្ជ្រំព្រំដែន កក្រើកដល់ដីថៃ ធ្វើឲ្យពលរដ្ឋភ័យព្រលឹងចុងសក់ ទៀតហើយ
-
ព័ត៌មានជាតិ១ ថ្ងៃ agoលេចចេញគំរូស្ពានឆ្លងទន្លេមេគង្គ គ្រោងសាងសង់ដោយជប៉ុនតាមផ្លូវជាតិលេខ ១
-
ព័ត៌មានអន្ដរជាតិ៣ ថ្ងៃ agoតើឥណ្ឌាពិតជាខ្នងបង្អែកដ៏រឹងមាំ របស់អ៊ីស្រាអែល ដូចអ្វីដែលលោក ណេតាន់យ៉ាហ៊ូ អួតអាងមែនទេ?
-
សន្តិសុខសង្គម១ ថ្ងៃ agoបង្ក្រាប Online Scam នៅក្រុងសិរីសោភ័ណ ឃាត់ខ្លួនយុវជនម្នាក់ បើកកន្លែងប្រតិបត្តិការឆបោកតែម្នាក់ឯង
-
ព័ត៌មានជាតិ៣ ថ្ងៃ agoកម្ពុជា UNODC និងសមាជិកមហាអនុតំបន់ទន្លេមេគង្គឆ្នាំ១៩៩៣ នឹងបន្តរួមគ្នាដោះស្រាយបញ្ហាគ្រឿងញៀនសំយោគ