ព័ត៌មានអន្ដរជាតិ
ប្រទេសសមាជិកណាតូ បិទផ្លូវមិនឲ្យមេដឹកនាំស្លូវវ៉ាគីនិងស៊ែប៊ីឆ្លងកាត់ទៅមូស្គូ
នាយករដ្ឋមន្ត្រីស្លូវ៉ាគី លោក Robert Fico និង ប្រធានាធិបតីស៊ែប៊ី លោក Aleksandar Vucic បានធ្វើដំណើរផ្លូវវាងដ៏វែងឆ្ងាយមួយសម្រាប់ការចូលរួមពិធីខួប៨០ឆ្នាំនៃការប្រារព្វទិវាជ័យជម្នះសង្គ្រាមលោកលើកទី២លើពួកណាស៊ីអាល្លឺម៉ង់នៅក្នុងប្រទេសរុស្ស៊ីនៅថ្ងៃទី៩ខែឧសភា។
មូលហេតុនៃការធ្វើដំណើរលើផ្លូវវាងដ៏វែងឆ្ងាយនេះដោយសារតែដំណើរផ្លូវកាត់ចម្ងាយខ្លីត្រូវឆ្លងកាត់ប្រទេសមួយចំនួនដែលជាសមាជិកអង្គការណាតូ និងមានសមានចិត្តជាមួយប្រទេសអ៊ុយក្រែន បានបិទដែនអាកាសរបស់ពួកគេ មិនឲ្យមេដឹកនាំផ្សេងៗធ្វើដំណើរឆ្លងកាត់ទៅចូលរួមជាមួយមេដឹកនាំរុស្ស៊ីក្នុងព្រឹត្តិការណ៍អន្តរជាតិនោះ។
ប្រទេសអេស្តូនី ឡេតូនី និងលីទុយអានី សមាជិកសហភាពអឺរ៉ុបនិងជាសមាជិករបស់អង្គការប្រដាប់អាវុធណាតូ ដែលនៅជាប់ព្រំដែនជាមួយប្រទេសរុស្ស៊ី និងបេឡារុស កាលពីថ្ងៃពុធបានបដិសេធមិនឱ្យយន្តហោះរបស់មេដឹកនាំប្រទេសតំបន់អឺរ៉ុបដែលមានទំនោរទៅរកប្រធានាធិបតីរុស្ស៊ី លោក វ៉្លាឌីមៀរ ពូទីន ចូលទៅក្នុងដែនអាកាសរបស់ពួកគេ។
យោងតាមគេហទំព័រព័ត៌មាន Dennik មានមូលដ្ឋាននៅប្រទេសស្លូវ៉ាគី យន្តហោះរបស់នាយករដ្ឋមន្ត្រីស្លូវ៉ាគីបានហោះហើរទៅកាន់ទីក្រុងមូស្គូលើផ្លូវវាងតាមភាគខាងត្បូងដែលវែងឆ្ងាយជាងដំណើរធម្មតា។ តាមសេចក្តីរាយការណ៍នោះ យន្តហោះរបស់នាយករដ្ឋមន្ត្រីស្លូវ៉ាគី បានធ្វើដំណើរឆ្លងកាត់ប្រទេសហុងគ្រី រ៉ូម៉ានី សមុទ្រខ្មៅ និងហ្សកហ្ស៊ី មុនទៅដល់ទីក្រុងមូស្គូ។
តាមសេចក្តីរាយការណ៍នោះ ប្រធានាធិបតីស៊ែប៊ី លោក Aleksandar Vucic ក៏ត្រូវរងនូវការបិទដែនអាកាស ហើយត្រូវធ្វើដំណើរផ្លូវវាងវែងឆ្ងាយដូចគ្នាដែរ។
យោងសេចក្តីរាយការណ៍របស់ទីភ្នាក់ងារព័ត៌មានរុស្ស៊ី TASS អ្នកនាំពាក្យវិមានក្រឹមឡាំង លោក Dmitry Peskov បាននិយាយនៅលើកញ្ចក់ទូរទស្សន៍ Channel One ថា មេដឹកនាំអន្តរជាតិជាច្រើនបានមកទីក្រុងមូស្គូ ដើម្បីប្រារព្ធខួបលើកទី៨០ឆ្នាំ នៃជ័យជម្នះលើពួកណាស៊ីអាល្លឺម៉ង់ បើទោះបីជាមានសម្ពាធឱ្យនៅឆ្ងាយក៏ដោយ។
នៅពេលត្រូវបានសួរថាតើការប្រារព្ធពិធីបានធ្លាក់ចុះយ៉ាងដូចម្តេច បន្ទាប់ពីការព្រមានដល់អ្នកចូលរួមអន្តរជាតិប្រឆាំងនឹងការមកទស្សនាទីក្រុងម៉ូស្គូ លោក Peskov បាននិយាយថា៖«ជាការពិតណាស់ ពួកគេជាច្រើនបានមកទីនេះ ទោះបីជាមានសម្ពាធខ្លាំងក៏ដោយ»៕
ដោយ រ៉ាន់ រើយ
-
កីឡា២ ថ្ងៃ agoបារាំង ចប់ដំណើរនៅ World Cup 2026 ក្រោមថ្វីជើង អេស្ប៉ាញ ២-០ វគ្គ ១/២ ផ្តាច់ព្រ័ត្រ
-
ព័ត៌មានជាតិ៤ ថ្ងៃ agoពលរដ្ឋស្នើអាជ្ញាធរជួសជុលផ្លូវក្បែរវិមានឯករាជ្យ ក្រុងសែនមនោរម្យ ដែលរងការខូចខាតច្រើនឆ្នាំ
-
ព័ត៌មានអន្ដរជាតិ៧ ថ្ងៃ agoយន្តហោះមីយ៉ាន់ម៉ា ទម្លាក់គ្រាប់បែកជញ្ជ្រំព្រំដែន កក្រើកដល់ដីថៃ ធ្វើឲ្យពលរដ្ឋភ័យព្រលឹងចុងសក់ ទៀតហើយ
-
ព័ត៌មានជាតិ១ សប្តាហ៍ agoលេចចេញគំរូស្ពានឆ្លងទន្លេមេគង្គ គ្រោងសាងសង់ដោយជប៉ុនតាមផ្លូវជាតិលេខ ១
-
ព័ត៌មានអន្ដរជាតិ៥៧ នាទី agoសេតវិមានអះអាងថា អ៊ីរ៉ង់នៅតែចង់ធ្វើកិច្ចព្រមព្រៀងជាមួយអាមេរិក ទោះកំពុងវាយគ្នាក៏ដោយ
-
សន្តិសុខសង្គម១ សប្តាហ៍ agoបង្ក្រាប Online Scam នៅក្រុងសិរីសោភ័ណ ឃាត់ខ្លួនយុវជនម្នាក់ បើកកន្លែងប្រតិបត្តិការឆបោកតែម្នាក់ឯង
-
ព័ត៌មានជាតិ១៨ ម៉ោង agoប្រធានមន្ទីររៀបចំដែនដី ៖ កំណែទម្រង់ថ្មី ការស្នើសុំបណ្ណកម្មសិទ្ធិនៅភ្នំពេញ ចំណាយពេលត្រឹម ១ ខែប៉ុណ្ណោះ
-
ព័ត៌មានជាតិ២ ថ្ងៃ agoយន្តហោះ F-16 ថៃទម្លាក់គ្រាប់បែក MK-82 ចំនួន៧គ្រាប់កម្ទេចស្ពានជ័យជម្នះ លោក ហេង រតនា លើកឡើងពីប្រវត្តិសាងសង់ឆ្នាំ១៩៨៤