នាយករដ្ឋមន្ត្រី៥រូប កាន់តំណែងរយៈពេលខ្លីបំផុត ក្នុងប្រវត្តិសាស្រ្តថៃ

នាយករដ្ឋមន្ត្រីថៃ ផែថងថាន ស៊ីណាវ៉ាត្រ កំពុងរងសម្ពាធយ៉ាងខ្លាំងនិងការអំពាវនាវឲ្យចុះចេញពីតំណែង ដោយសារតែមានពាក្យរិះគន់ដូចទឹកបាក់ទំនប់អំពីភាពកម្សោយនៃការដឹកនាំរបស់លោកស្រី។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកស្រី ផែថងថាន វ័យ៣៨ឆ្នាំមកពីគណបក្ស ភឿថៃ បានចូលកាន់តំណែងជានាយករដ្ឋមន្ត្រីថៃនៅថ្ងៃទី១៦ខែសីហាឆ្នាំ២០២៤ ជំនួសលោក សេដ្ឋា ថាវីស៊ីន ក្រោយនយោបាយថៃ ត្រូវជាប់គាំងអស់រយៈពេលជាច្រើនខែ។

ដ្បិតថា ឥឡូវលោកស្រីនៅតែរក្សាអំណាចដដែលក៏ដោយ ប៉ុន្តែថ្ងៃនេះ កម្ពុជាថ្មី សូមបង្ហាញជូននូវនាយករដ្ឋមន្ត្រី ៥រូបដែលកាន់តំណែងបានរយៈពេលខ្លីបំផុត ក្នុងប្រវត្តិសាស្រ្តរបស់ប្រទេសថៃ ដោយមិនរាប់បញ្ចូលនាយករដ្ឋមន្ត្រីស្តីទីឡើយ៖

1. Thawi Bunyaket៖ គាត់កាន់កំណត់ត្រាសម្រាប់រយៈពេលខ្លីបំផុត ត្រឹមតែ ១៧ថ្ងៃប៉ុណ្ណោះ (ចាប់ពីថ្ងៃទី ៣១ខែសីហា ដល់ថ្ងៃទី១៧ខែកញ្ញាឆ្នាំ១៩៤៥)។
2. Khuang Aphaiwong (អាណត្តិទី២)៖ អាណត្តិទីពីររបស់លោកមានរយៈពេល ៥២ថ្ងៃ (ចាប់ពីថ្ងៃទី៣១ខែមករា ដល់ថ្ងៃទី២៤ខែមីនាឆ្នាំ១៩៤៦)។
3. Mom Rajawongse Seni Pramoj (អាណត្តិទី១)៖ អាណត្តិដំបូងរបស់គាត់គឺមានរយៈពេល ១៣៦ថ្ងៃ (ចាប់ពីថ្ងៃទី១៧ខែកញ្ញាឆ្នាំ១៩៤៥ដល់ថ្ងៃទី៣១ខែមករាឆ្នាំ១៩៤៥)។
4. Pridi Banomyong៖ កាន់តំណែង១៥២ថ្ងៃ (ចាប់ពីថ្ងៃទី២៤ខែមីនាដល់ថ្ងៃទី២៣ខែសីហា ឆ្នាំ១៩៤៦)។
5. Srettha Thavisin៖ កាន់តំណែងជិត១ឆ្នាំ (ខែសីហាឆ្នាំ២០២៣ដល់ខែសីហាឆ្នាំ២០២៤) មុនពេលត្រូវបានដកចេញតាមដីការបស់តុលាការ៕

អត្ថបទ៖ សុខ សុវណ្ណ

ចុចអាន៖ អតីតមេក្រុមអាវក្រហម ប្រកាសធ្វើបាតុកម្មប្រឆាំងលោកស្រី ផែថងថាន នៅចុងខែនេះ