​ខេត្តភាគខាងត្បូង​រងការគំរាម​បំផ្ទុះ​គ្រាប់បែក​ជាបន្តបន្ទាប់​​​ក្នុងសប្តាហ៍នេះ

​​​ខណៈនយោបាយ​​ប្រទេសមិននឹងន៎ នាយករដ្ឋមន្ត្រីថៃ លោកស្រី ផែ​ថងថា ស៊ីណាវ៉ាត្រ ដែល​​រួត​រឹត​ដោយ​​​វិបត្តិ​ក្នុង​រដ្ឋាភិបាល​របស់​លោកស្រី បាន​​កោះ​ហៅ​​​​ស្នងការ​​ និង​អង្គភាព​ពាក់​ព័ន្ធ​​​មក​សាកសួរ​ ជុំវិញ​ហេតុការណ៍​​ប៉ង​បំផ្ទុះ​គ្រាប់​បែក​ជា​ច្រើន​កន្លែង​នៅ​​ខេត្តភាគខាង​ត្បូង​​ប្រទេស។

​​ផេក​​​បណ្តាញ​សង្គម​ហ្វេសប៊ុក (Ing Shinawatra) ​ដែល​ជា​​ទំព័រ​បណ្តាញ​​សង្គម​​ផ្លូវ​ការ​របស់​នាយករដ្ឋមន្ត្រីថៃ ផែថងថាន ស៊ីណាវ៉ាត្រ​ បាន​សរសេរ​ថា ​ផ្អែកលើស្ថានភាពនៃការប៉ុនប៉ងបំផ្ទុះ​គ្រាប់បែកនៅភូកេត-ផាងង៉ា (Phuket-Phang Nga) នៅ​ថ្ងៃនេះ​លោកស្រី​បានកោះហៅ​មេបញ្ជាការ។ប៉ូលីស ស្នងការ​នគរបាល​ទេសចរណ៍ និង​អនុរដ្ឋមន្ត្រី​ក្រសួងទេសចរណ៍ ដើម្បី​ត្រួតពិនិត្យ​មើល​​ស្ថានការណ៍​។ រាយការណ៍​ពី​គ្រប់​ផែ្នក​ ដែល​​កំពុង​បង្កើត​ភាព​ចលាចល​ក្នុង​តំបន់​បង្កើត​ភាព​ចលាចល​។

​​​​ផេក​របស់​នាយករដ្ឋមន្ត្រី បន្តសរសេរថា​៖​«ខ្ញុំ​តែង​តែ​បញ្ជាក់​ម្តង​ទៀត​គ្រប់​​ផ្នែក​​ឲ្យ​ស៊ើប​អង្កេត​ស្ថានការណ៍​នេះ។ កន្លង​មក​វិធានការ​សន្តិសុខ​ទាំងអស់​ត្រូវ​បាន​ចាត់​ទុក​ដើម្បី​​ការពារ​កុំ​ឱ្យ​មាន​គ្រោះថ្នាក់​ដល់​បងប្អូន​ប្រជាពលរដ្ឋ​យើង»។

​យោង​សេចក្តីរាយការណ៍​របស់​​សារព័ត៌មាន The Nation នៅសប្តាហ៍នេះ មាន​​ការរំខានជាបន្តបន្ទាប់បានកើតឡើងនៅក្នុងខេត្ត Phuket និង ខេត្ត​ Krabi បន្ទាប់ពីបានរកឃើញ​នូវ​ឧបករណ៍គួរឱ្យសង្ស័យដែលស្រដៀងនឹងគ្រាប់បែក។
មន្ត្រី​ផ្នែកកម្ចាត់អាវុធជាតិផ្ទុះ (EOD) បាន​ឆ្លើយតបយ៉ាងឆាប់រហ័ស ដោយទប់​ស្កាត់​ការគំរាមកំហែងដោយសុវត្ថិភាព។

​​ក្នុង​អំពើ​បង្កៃ​គ្រាប់​ផ្ទុះ​នេះ​ដែរ រហូត​មក​ដល់​ពេល​នេះ មាន​ជន​សង្ស័យ​ពីរ​នាក់​ដែល​ពាក់​ព័ន្ធ​នឹង​ហេតុ​ការណ៍​ត្រូវ​បាន​ចាប់​ខ្លួន​ហើយ។

​យោងសេចក្តីរាយការណ៍​របស់​ ​Khaosod ជនសង្ស័យម្នាក់​មក​​​ពី​ខេត្ត​ប៉ាតានីជាប់​ព្រំដែន​ប្រទេសម៉ាឡេស៊ី ដែល​ត្រូវ​បាន​ចាប់​ខ្លួន​យក​ទៅ​​ដាក់​មន្ទីរឃុំឃាំង បានសារភាពថា ខ្លួន​បាន​ដាក់​បង្កៃ​គ្រាប់បែកចំនួន៤​គ្រាប់នៅទូទាំងខេត្តភូកេត រួមទាំងគ្រាប់បែកម៉ូតូនៅអាកាសយានដ្ឋានអន្តរជាតិភូកេត។ នេះបើយោងតាមកំណត់ត្រាសួរចម្លើយរបស់ប៉ូលីសចេញផ្សាយថ្ងៃទី ២៥​ខែមិថុនា៕​

រ៉ាន់ រើយ​

​