ព័ត៌មានអន្ដរជាតិ

គណបក្សភឿថៃថា នឹងរំលាយសភាភ្លាម បើបក្សប្រជាជនងាកមកគាំទ្រខ្លួនវិញ

បានផុស

៨ ខែ មុន

នៅ

ថ្ងៃព្រហស្បតិ៍ ៤ កញ្ញា ២០២៥

ដោយ

សារព័ត៌មានថៃដែលចេញផ្សាយនៅមុននេះបន្តិច បានអះអាងថា គណបក្សភឿថៃដែលពីមុនចរចាបរាជ័យជាមួយគណបក្សប្រជាជន និងបានដាក់សំណើទៅកាន់ស្ថាប័នព្រះមហាក្សត្រដើម្បីរំលាយសភាបរាជ័យដែរនោះ ពេលនេះបានប្រកាសថា ខ្លួននឹងប្រកាសរំលាយសភាភ្លាមៗតែម្តង ពេលដែលបក្សប្រជាជនគាំទ្របេក្ខភាពនាយករដ្ឋមន្ត្រី លោក Chaikasem Nitisiri សម្រាប់ការបោះឆ្នោតនាយករដ្ឋមន្ត្រីថ្ងៃសុក្រស្អែកនេះ។

លោក Sorawong Thienthong អគ្គលេខាធិការគណបក្សភឿថៃ។ Khaosod

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សារព័ត៌មាន Khaosod លោក Sorawong Thienthong អគ្គលេខាធិការគណបក្សភឿថៃ បាននិយាយថា គណបក្សភឿថៃដែលកំពុងកាន់អំណាចកំពុងផ្តល់ជូនចុងក្រោយដល់គណបក្សប្រជាជនដើម្បីបោះឆ្នោតឱ្យបេក្ខជននាយករដ្ឋមន្ត្រីនៃគណបក្សភឿថៃ លោក Chaikasem Nitisiri ហើយ លោក Chaikasem នឹងរំលាយសភាភ្លាមៗបន្ទាប់ពីសេចក្តីថ្លែងការណ៍គោលនយោបាយទៅកាន់សភា។

សារព័ត៌មានថៃ Thai Enquirer បានផ្សាយថាគណបក្សភឿថៃបានផ្តល់សំណើថ្មីដល់គណបក្សប្រជាជននៅមុនការបោះឆ្នោតឲ្យបេក្ខភាពនាយករដ្ឋមន្ត្រីថ្មីនៅថ្ងៃស្អែក។

ក្នុងសំណើនោះ បានលើកឡើងថា ប្រសិនបើគណបក្សប្រជាជនបោះឆ្នោតឲ្យបេក្ខជនបក្សភឿថៃ លោក Chaikasem Nitisiri ជំនួសឲ្យការបោះឆ្នោតឲ្យមេដឹកនាំ Anutin Charnvirakul ប្រធានគណបក្ស Bhumjaithai នោះ Chaikasem នឹងរំលាយសភាភ្លាមៗបន្ទាប់ពីបានប្រកាសពីគោលនយោបាយគ្រប់គ្រងរបស់លោកនៅក្នុងសភា៕

រ៉ាន់ រើយ