ព័ត៌មានអន្ដរជាតិ

កូរ៉េខាងត្បូងចាប់បញ្ជូនជនជាតិកូរ៉េខាងជើង៦នាក់ទៅវិញ ក្នុងន័យរំពឹងស្តារទំនាក់ទំនងឡើងវិញ

បានផុស

១២ ខែ មុន

នៅ

ថ្ងៃពុធ ៩ កក្កដា ២០២៥

ដោយ

យោងតាមការចេញផ្សាយរបស់សារព័ត៌មាន Al Jazeera នៅថ្ងៃទី០៩ខែកក្កដានេះ រដ្ឋាភិបាលកូរ៉េខាងត្បូងបានបញ្ជូនជនជាតិកូរ៉េខាងជើងចំនួន៦នាក់ ដែលត្រូវបានគេជួយសង្គ្រោះកាលពីដើមឆ្នាំនេះ បន្ទាប់ពីបានរសាត់ទូកឆ្លងព្រំដែនសមុទ្រចូលដល់ដែនដីកូរ៉េខាងត្បូង។

ទូកឈើដឹកជនជាតិកូរ៉េខាងជើងធ្វើដំណើរទៅភាគខាងជើងក្នុងសមុទ្រជប៉ុន (រូបភាព៖ AP)

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមក្រសួងបង្រួបបង្រួមរបស់ទីក្រុងសេអ៊ូល ជនជាតិកូរ៉េខាងជើងដែលបានរកឃើញនៅក្នុងឧប្បត្តិហេតុដាច់ដោយឡែកពីគ្នាក្នុងខែមីនា និងឧសភា ត្រូវបានបញ្ជូនត្រឡប់ទៅវិញនៅថ្ងៃទី០៩ ខែកក្កដានេះ ដោយមានការយល់ព្រមពីសាមីខ្លួនផ្ទាល់។ ទោះបីកន្លងមក តែងមានបញ្ហាក្នុងការបញ្ជូនប្រជាជនកូរ៉េខាងជើងទៅវិញក៏ដោយ ប៉ុន្តែលើកនេះការវិលត្រឡប់របស់មនុស្សទាំងប្រាំមួយនាក់បានបញ្ចប់ដោយរលូនតាមរយៈជំនួយពីកូរ៉េខាងជើង។

គួរបញ្ជាក់ថា ការផ្លាស់ប្តូរនេះកើតឡើងចំពេលដែលប្រធានាធិបតីថ្មីរបស់កូរ៉េខាងត្បូង លោក Lee Jae-myung ស្វែងរកការកែលម្អទំនាក់ទំនងអន្តរកូរ៉េ។ លោក Lee បានអំពាវនាវឱ្យមានកិច្ចសន្ទនាជាថ្មីជាមួយកូរ៉េខាងជើងក្នុងភាពជាដៃគូជាមួយសហរដ្ឋអាមេរិក ដោយសង្កត់ធ្ងន់ថា ការកាត់ផ្តាច់ទំនាក់ទំនងនឹងជារឿងមិនសមហេតុផល។

លើសពីនេះជាផ្នែកនៃកិច្ចខិតខំប្រឹងប្រែងសន្តិភាពដំបូង រដ្ឋាភិបាលកូរ៉េខាងត្បូងថ្មីៗនេះ បានផ្អាកការផ្សាយតាមប្រព័ន្ធបំពងសំឡេងតាមព្រំដែន ដែលរិះគន់កូរ៉េខាងជើង ក្នុងគោលបំណងកសាងទំនុកចិត្តឡើងវិញ និងលើកកម្ពស់សន្តិភាពនៅលើឧបទ្វីបកូរ៉េផងដែរ៕