ព័ត៌មានអន្ដរជាតិ

យន្តហោះសង្គ្រោះបន្ទាន់របស់ប្រទេសកេនយ៉ា ធ្លាក់ស្លាប់មនុស្ស៦នាក់

បានផុស

១១ ខែ មុន

នៅ

ថ្ងៃសុក្រ ៨ សីហា ២០២៥

ដោយ

យោងតាមការចេញផ្សាយរបស់ទីភ្នាក់ងារព័ត៌មានAP នៅថ្ងៃទី០៨ខែ សីហា យន្តហោះមួយគ្រឿងដែលជាកម្មសិទ្ធិរបស់ក្រុមហ៊ុនផ្តល់សេវារថយន្តសង្គ្រោះបន្ទាន់បានធ្លាក់នៅក្នុងតំបន់លំនៅដ្ឋានមួយ ក្នុងក្រុង Kiambu ខាងក្រៅរដ្ឋធានី Nairobi ប្រទេសកេនយ៉ាកាលពីថ្ងៃព្រហស្បតិ៍សម្លាប់មនុស្សយ៉ាងហោចណាស់ ៦ នាក់ ។

បំណែកយន្តហោះនិងផ្ទះដែលរងការខូចខាត។ (រូបភាព៖ Reuters)

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅពេលធ្លាក់ យន្តហោះ Cessna Citation XLS ដែលដំណើរការដោយក្រុមហ៊ុន AMREF Flying Doctors បានហោះចេញពីទីក្រុង Nairobi ហើយកំពុងធ្វើដំណើរទៅកាន់ប្រទេសសូម៉ាលីឡែន។

អាជ្ញាធរបានបញ្ជាក់ថា ជនរងគ្រោះ៤នាក់ស្ថិតនៅលើយន្តហោះ ខណៈ២នាក់ផ្សេងទៀតស្ថិតនៅក្នុងផ្ទះដែលយន្តហោះធ្លាក់លើ។ ក្រុមជួយសង្គ្រោះមកពីកាកបាទក្រហមកេនយ៉ាបានឆ្លើយតបទៅកាន់កន្លែងកើតហេតុ ខណៈមូលហេតុនៃការធ្លាក់នៅតែស្ថិតក្រោមការស៊ើបអង្កេត ដោយ AMREF បញ្ជាក់ថា ខ្លួនកំពុងសហការយ៉ាងពេញលេញជាមួយអាជ្ញាធរអាកាសចរណ៍ដើម្បីរកមូលហេតុ៕