ព័ត៌មានអន្ដរជាតិ

សោកស្ដាយណាស់! កូវីដ ធ្វើឲ្យកុមារអាមេរិក ៤ ម៉ឺននាក់បាត់បង់ឪពុកម្ដាយ

បានផុស

៥ years មុន

នៅ

ថ្ងៃអង្គារ ៦ មេសា ២០២១

ដោយ

យោងតាមគំរូស្ថិតិដែលបង្កើតឡើងដោយរដ្ឋ Penn បានបង្ហាញថា មានកុមារប្រមាណ ៤ម៉ឺន នាក់នៅសហរដ្ឋអាមេរិកបានបាត់បង់ឪពុកម្ដាយដោយសារតែជំងឺកូវីដ១៩ ខណៈអំឡុងពេលការវាយប្រហារភេរវកម្មកាលពីថ្ងៃទី១១ ខែកញ្ញា ឆ្នាំ ២០០១ មានតែកុមារប្រហែល ៣ ពាន់នាក់ប៉ុណ្ណោះដែលបាត់បង់ឪពុកម្ដាយ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Ashton Verdery សាស្ត្រាចារ្យរងនៅរដ្ឋ Penn បាននិយាយនៅក្នុងសេចក្ដីប្រកាសព័ត៌មានមួយថា ” រឿងដំបូងដែលយើងត្រូវធ្វើ គឺភ្ជាប់សកម្មភាពដល់កុមារទាំងអស់ដែលរងគ្រោះពីសន្តិសុខសង្គម ទៅនឹងការគាំទ្រដែលមាន ហើយពួកគេមានសិទ្ធិទទួលបានអត្ថប្រយោជន៍ទាំងនោះ” ។

សាស្ត្រាចារ្យរង Verdery ក៏បានណែនាំឲ្យធ្វើអន្តរាគមន៍ ដើម្បីទប់ស្កាត់ភាពតានតឹងខាងផ្លូវចិត្ត ក្នុងចំណោមកុមារដែលបាត់បង់ឪពុកម្ដាយដោយសារវិបត្តិកូវីដ។ សូម្បីគ្រូបង្រៀនតាមអនឡាញក៏មានតួនាទីជួរមុខ ក្នុងការអប់រំនិងការគាំទ្រដល់កុមារដែរ។ កង្វះនៃការធ្វើទំនាក់ទំនងសង្គមរវាងកុមារនិងគ្រួសាររបស់ពួកគេ ធ្វើឲ្យមានការលំបាកក្នុងការទទួលស្គាល់អ្នកដែលរងផលប៉ះពាល់ដោយជំងឺរាតត្បាត។

ខណៈពេលដែលប្រជាជនស្បែកខ្មៅនៅសហរដ្ឋអាមេរិកមានចំនួន ១៤ ភាគរយ។ តាមការប៉ាន់ស្មាន ២០ ភាគរយឬ ៨ពាន់នាក់បានស្លាប់គឺជាឪពុកម្ដាយជនជាតិស្បែកខ្មៅ។ កន្លងមក UCLA បានរាយការណ៍ថា វិបត្តិសុខភាពផ្លូវចិត្តដែលជាប់ទាក់ទងនឹងរោគរាតត្បាត កំពុងជះឥទ្ធិពលដល់សហគមន៍ស្បែកខ្មៅផងដែរ។

ស្រដៀងគ្នានេះដែរ ជនជាតិស្បែកខ្មៅនៅអេស្ប៉ាញ បានមើលឃើញពីអត្រាខ្ពស់នៅមន្ទីរពេទ្យបន្ទាប់ពីឆ្លងវីរុស។ នៅញូវយ៉កចំនួនប្រជាជនស្បែកខ្មៅរបស់រដ្ឋមានតែ ១៨ ភាគរយប៉ុណ្ណោះ ប៉ុន្តែថ្មីៗនេះជនជាតិស្បែកខ្មៅនៅញូវយ៉កមានចំនួន ៣៣ ភាគរយនៃអ្នកសម្រាកព្យាបាលនៅមន្ទីរពេទ្យដែលទាក់ទងនឹងកូវីដ១៩៕

ប្រែសម្រួល៖ សាង ស្រីល័ក្ខ

ប្រភព៖UPI

ចុចអាន៖កាន់តែធ្ងន់ធ្ងរ! កូវីដបំប្លែងខ្លួនថ្មីកំពុងឆ្លងខ្លាំងលើយុវវ័យ អាមេរិក

ចុចអាន៖ការសិក្សា ៖ អ្នកជំងឺកូវីដធ្ងន់ធ្ងរភាគច្រើនដែលកំពុងសម្រាកព្យាបាលនៅមន្ទីរពេទ្យ ប្រឈមហានិភ័យស្លាប់ខ្ពស់

Related Topics:សហរដ្ឋអាមេរិក