ព័ត៌មានអន្ដរជាតិ
តើពន្ធនាគារដែលឃុំខ្លួន ថាក់ស៊ីន មានសភាពបែបណា?
អតីតនាយករដ្ឋមន្ត្រីថៃ លោក ថាក់ស៊ីន ស៊ីណាវ៉ាត្រ ដែលធ្លាប់ជាមេដឹកនាំដ៏មានឥទ្ធិពលបំផុតរបស់ប្រទេស ត្រូវជាប់ពន្ធនាគាររយៈពេលមួយឆ្នាំ បន្ទាប់ពីតុលាការកំពូលរបស់ប្រទេសថៃបានសម្រេចថា ការបន្តស្នាក់នៅក្នុងមន្ទីរពេទ្យកាលពីលោកជាប់ទោសពីមុនមិនអាចរាប់បញ្ចូលក្នុងពន្ធនាគារនោះទេ។ ការសម្រេចនេះបានបង្ហាញពីការប្រែក្លាយជោគវាសនាយ៉ាងខ្លាំងសម្រាប់មហាសេដ្ឋីវ័យ ៧៦ ឆ្នាំរូបនេះ។ បច្ចុប្បន្ន លោក ថាក់ស៊ីន កំពុងត្រូវបានឃុំខ្លួននៅពន្ធនាគារ Klong Prem Central Prison ក្នុងទីក្រុងបាងកកដែលជាពន្ធធាគារដ៏ធំនិងតឹងរ៉ឹង។
មកដឹងថាតើពន្ធនាគារដែលឃុំខ្លួន លោក ថាក់ស៊ីន មានសភាពបែបណា?
យោងតាមការចេញផ្សាយរបស់សារព័ត៌មានថៃនិងសារព័ត៌មានបរទេសធំៗកន្លងមក ពន្ធធាគារ Klong Prem បានបើកដំណើរការកាលពីឆ្នាំ ១៩៤៤ ក្នុងខណ្ឌ Chatuchak ទីក្រុងបាងកកជាកន្លែងកែប្រែនិងឃុំឃាំងដ៏ធំបំផុត និងល្បីល្បាញបំផុតរបស់ប្រទេសថៃ។ Klong Prem លាតសន្ធឹងលើផ្ទៃដីជាង ៣០ ហិកតា រួមបញ្ចូលអង្គភាពជាច្រើនដូចជា ពន្ធនាគារស្ត្រី មណ្ឌលកែប្រែអ្នកញៀនគ្រឿងញៀន ពន្ធនាគារសម្រាប់អ្នកទោសបរទេស និងពន្ធនាគារដែលមានសុវត្ថិភាពខ្ពស់។ វាជាលំនៅដ្ឋានអ្នកទោសរាប់ម៉ឺននាក់ ដែលជារឿយៗពន្ធនាគារនេះក៏ផ្ទុកលើសសម្ថភាពផងដែរ។
ពន្ធនាគារ Klong Prem មានឈ្មោះហៅក្រៅថា «Bangkok Hilton»។ វាជាពន្ធធាគារ ដែលគេស្គាល់ថាមានច្បាប់វិន័យតឹងរ៉ឹង មានរបបអាហារតឹងរ៉ឹង និងទម្លាប់ប្រចាំថ្ងៃដែលមានរបៀបរៀបរយខ្ពស់ ដូចជាអ្នកទោសត្រូវឆាប់ភ្ញាក់ពីគេងមុនម៉ោង ការវឹកហាត់រាងកាយ និងការប្រើអ្នកទោសជាកម្លាំងពលកម្ម។ លើសពីនេះអ្នកទោសជាច្រើនត្រូវពឹងផ្អែកលើប្រាក់ពីគ្រួសាររបស់ពួកគេដើម្បីទិញអាហារបន្ថែម និងការផ្គត់ផ្គង់ពីហាងក្នុងពន្ធនាគារ។
Klong Prem ក៏មានអ្នកទោសបរទេសមកពីជាង ៦០ ប្រទេសដែរភាគច្រើនមានបទល្មើសពាក់ព័ន្ធនឹងគ្រឿងញៀន។ ក្រៅពីនេះវាក៏ជាគុកសម្រាប់ដាក់អ្នកទោសដែលមានឋានៈខ្ពស់រួមទាំងអ្នកនយោបាយ អ្នកជំនួញ ឥស្សរជននានា និងសូម្បីតែរាជវង្ស។ យ៉ាងណាមិញសម្រាប់អ្នកទោស VIP នឹងមានលក្ខខណ្ឌល្អប្រសើរជាងអ្នកទោសផ្សេងទៀតបន្តិច។
ថ្វីបើមានកេរ្តិ៍ឈ្មោះដ៏អាក្រក់ក៏ដោយ Klong Prem ផ្តល់កម្មវិធីស្តារនីតិសម្បទា រួមទាំងការបណ្តុះបណ្តាលវិជ្ជាជីវៈ ការអប់រំដល់អ្នកទោស និងសកម្មភាពកីឡាដូចជាការប្រកួតប្រដាល់ជាដើម។ ទោះជាយ៉ាងណាក៏ដោយ សម្រាប់ប្រជាជនថៃភាគច្រើន ពន្ធនាគារ Klong Premតំណាងឱ្យភាពលំបាក វិន័យតឹងរ៉ឹង និងការដាក់ទណ្ឌកម្ម ដែលអាចដាក់ទោសទាំងប្រជាពលរដ្ឋសាមញ្ញ និងអ្នកមានអំណាចដូចជាអតីតនាយករដ្ឋមន្ត្រីថៃលោក ថាក់ស៊ីន ស៊ីណាវ៉ាត្រ ជាដើម៕
អត្ថបទ៖ ប៊ុនសុភាព
-
ព័ត៌មានជាតិ៦ ថ្ងៃ ago៦ថ្ងៃក្នុងព្រឹត្តិការណ៍ «នគរសង្ក្រាន្ត» មន្ទីរសុខាភិបាលរាជធានីភ្នំពេញ បានពិនិត្យ និងព្យាបាលជូនពលរដ្ឋជាង២ពាន់នាក់
-
ព័ត៌មានអន្ដរជាតិ៣ ថ្ងៃ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
ព័ត៌មានអន្ដរជាតិ៤ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានអន្ដរជាតិ៤ ថ្ងៃ agoវិមានក្រឹមឡាំង៖ ពូទីន ត្រៀមជួបហ្សេលេនស្គី ទាល់តែមានការចុះហត្ថលេខាលើកិច្ចព្រមព្រៀងសន្តិភាព
-
ព័ត៌មានជាតិ១ សប្តាហ៍ agoបដិសេធមិនឱ្យ សម រង្ស៊ី ចូលរួមការជួបជុំសមាគមខ្មែរនៅប៉ារីស គឺដើម្បីបញ្ចៀសការភ្ជាប់ជាមួយបុគ្គលនេះកំពុងជាប់ទោស
-
សន្តិសុខសង្គម២ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ
-
ព័ត៌មានជាតិ៦ ថ្ងៃ agoមន្រ្តីបរិស្ថានស្នើពលរដ្ឋកុំបរិភោគត្រីងាប់ និងផ្អាកប្រើប្រាស់ទឹកព្រែកត្រែង នៅស្រុករតនៈមណ្ឌល ខេត្តបាត់ដំបង
-
ព័ត៌មានអន្ដរជាតិ១៦ ម៉ោង agoចាប់ខ្លួនបានហើយ! ខ្មាន់កាំភ្លើង ដែលប៉ុនប៉ងបាញ់ប្រហារលោក ត្រាំ នៅសេតវិមាន