សុខភាព

ក្រោយចាក់វ៉ាក់សាំងកូវីដ លេចចេញអាការ៣នេះ បញ្ជាក់ថា អ្នកប្រតិកម្មអាឡ័កស៊ី

បានផុស

៣ years មុន

នៅ

ថ្ងៃពុធ ២៨ កក្កដា ២០២១

ដោយ

ជាទូទៅ បន្ទាប់ពីចាក់វ៉ាក់សាំងរួច រាងកាយរបស់យើងនឹងបញ្ចេញអាការមួយចំនួនឆ្លើយតបទៅនឹងវ៉ាក់សាំង។ ភាគច្រើនអាការទាំងនោះមិនបង្កការគំរាមកំហែងដល់សុខភាពទេ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ផលរំខានទូទៅ ក្រោយចាក់វ៉ាក់សាំងកើតឡើងត្រង់កន្លែងចាក់ដែលនាំឱ្យឈឺឬចុក ឡើងក្រហមឬហើម។ ចំណែកលើលើរាងកាយអាចមានអាការដូចជា ហត់ អស់កម្លាំង ឈឺក្បាល ឈឺសាច់ដុំ ព្រឺសម្បុរ ក្ដៅខ្លួន ឬចង្អោរ ចង់ក្អួត។ល។ តែវាកើតមានតែពីរបីថ្ងៃប៉ុណ្ណោះ។

ប៉ុន្តែក្នុងករណីមួយចំនួន វាក៏អាចជាសញ្ញានៃបញ្ហា ក្រោយពេលចាក់វ៉ាក់សាំងដែរ។ ក្នុងនោះ អ្នកចាក់វ៉ាក់សាំងអាចមានប្រតិកម្មអាឡ័កស៊ី ទោះបីខ្លួនមិនមានប្រវត្តិប្រតិកម្មអាឡ័កស៊ីពីមុនក៏ដោយ។ ត្បិតផលប៉ះពាល់នេះកម្រកើតមានពិតមែន តែគួរតាមដានសុខភាព ជាពិសេសបើឃើញអាការខុសប្រក្រតីមួយចំនួន នោះមានន័យថា អ្នកកំពុងប្រឈមហានិភ័យ។

យោងតាមប្រភពពី មជ្ឈមណ្ឌលត្រួតពិនិត្យនិងបង្ការជំងឺអាមរិក (CDC) បានឱ្យដឹងថា រោគសញ្ញានៃប្រតិកម្មអាឡ័កស៊ី ក្រោយចាក់វ៉ាក់សាំងមាន៣គឺ កន្ទួលឬរមាស់ស្បែក ដង្ហើមខ្លី និងហើមមុខឬអណ្តាត។ ប្រសិនបើលេចចេញនូវរោគសញ្ញាទាំងនេះបញ្ជាក់ថា ការចាក់វ៉ាក់សាំងមានបញ្ហាហើយ និងត្រូវប្រញាប់រកជំនួយជាបន្ទាន់។

ជាមួយគ្នានេះដែរ ដើម្បីបង្ការបញ្ហា បន្ទាប់ពីចាក់វ៉ាក់សាំងការពារជំងឺកូវីដ-១៩ ទើបអ្នកជំនាញស្នើឱ្យមានការប្រឹក្សាយោបល់ជាមុនសិនអំពីប្រវត្តិជំងឺរបស់អ្នក ចៀសវាងហានិភ័យដែលបណ្ដាលមកពីវ៉ាក់សាំង៕

ប្រែសម្រួល៖ សន្យា

ប្រភព៖ Prevention

ចុចអាន៖ អាការក្រោយចាក់វ៉ាក់សាំង និងសញ្ញាបញ្ជាក់ថា មានបញ្ហា

ចុចអាន៖ ធ្លាប់មានប្រវត្តិប្រតិកម្មអាឡ័កស៊ី គួរទៅចាក់វ៉ាក់សាំងកូវីដ-១៩ អត់?

Related Topics:ប្រតិកម្មអាឡ័កស៊ី