អ្នកជាសះស្បើយពីកូវីដ រងផលរំខានខ្លាំងជាងអ្នកមិនធ្លាប់ឆ្លង ក្រោយចាក់វ៉ាក់សាំង

ការស្រាវជ្រាវថ្មីមួយបានរកឃើញថា អ្នកជាសះស្បើយពីកូវីដ-១៩ ទំនងជារងផលរំខានរាងកាយធ្ងន់ធ្ងរជាងអ្នកមិនធ្លាប់វិជ្ជមានវីរុសនេះ បន្ទាប់ពីចាក់វ៉ាក់សាំងដូសទី១។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្នកស្រាវជ្រាវមកពីសាកលវិទ្យាល័យ Johns Hopkins បានប្រមូលទិន្នន័យពីបុគ្គលិកថែទាំសុខភាពចំនួន ៩៥៤ នាក់ ក្នុងរដ្ឋ Maryland សហរដ្ឋអាមេរិក ដើម្បីតាមដានអាការ ក្រោយចាក់វ៉ាក់សាំង។ ពួកគេបានរកឃើញថា មនុស្សដែលធ្លាប់ឆ្លងមេរោគកូវីដ-១៩ មានប្រតិកម្ម ៤.៥ ដង ក្រោយចាក់វ៉ាក់សាំងលើកដំបូង។

ការសិក្សាដែលបានបោះពុម្ពផ្សាយនៅក្នុងទស្សនាវដ្ដី JAMA Internal Medicine បង្ហាញថា អ្នកជាសះស្បើយពីជំងឺកូវីដ-១៩ បន្ទាប់ពីចាក់វ៉ាក់សាំងដូសទី១ ពួកគេរងនូវផលរំខានដូចជា គ្រុនក្ដៅ ឈឺសាច់ដុំ ឈឺក្បាល ឈឺត្រង់កន្លែងចាក់ ដែលអាការទាំងនេះ លេចឡើងខ្លាំងចំពោះអ្នកធ្លាប់ឆ្លងកូវីដជាងបុគ្គលទូទៅ។ ទោះយ៉ាងណា អ្នកជាសះស្បើយពីជំងឺកូវីដ-១៩ ហាក់ដូចជាមិនសូវមានប្រតិកម្មធ្ងន់ធ្ងរចំពោះការចាក់វ៉ាក់សាំងលើកទី២នោះទេ។  

បន្ថែមពីលើនេះ អ្នកស្រាវជ្រាវបានរកឃើញទៀតថាមនុស្ស ៩៥៣ នៃបុគ្គលិកថែទាំសុខភាពទាំង ៩៥៤ នាក់ សុទ្ធតែអាចបង្កើតការឆ្លើយតបអង់ទីគ័រខ្លាំងចំពោះវ៉ាក់សាំង ក្រោយចាក់ទាំងពីរដូសពេញលេញ៕

ប្រែសម្រួល៖ សន្យា

ប្រភព៖ Daily Mail

ចុចអាន៖ ថៃ ប្រាប់ប្រជាជនកុំយល់ច្រឡំឱសថចិនប្រើសម្រាប់ព្យាបាលកូវីដ តែអាចលេបជួយបន្ថយរោគសញ្ញា

ចុចអាន៖ កុមារមួយចំនួនតូច នៅតែមានរោគសញ្ញា២នេះ រយៈពេលយូរ ក្រោយជាសះស្បើយពីកូវីដ