សុខភាព
សកម្មភាពសំខាន់ៗត្រូវតមសិន ក្រោយជាសះស្បើយពីកូវីដ-១៩ភ្លាម
ក្រោយជាសះស្បើយពីជំងឺកូវីដ-១៩ គ្រប់យ៉ាងមិនទាន់ត្រឡប់មករកភាពប្រក្រតីវិញភ្លាមៗនៅឡើយ។ រាងកាយត្រូវការពេលមួយចំនួន ដើម្បីពង្រឹងសុខភាព និងព្យាបាលរោគសញ្ញាកូវីដខ្លះៗដែលបន្តលេចឡើង។
ក្នុងកំលុងពេលនេះ អ្នកជំងឺអាចមានឱកាសធ្លាក់ខ្លួនឈឺម្ដងទៀត ឬអាចនឹងលាប់ឡើងវិញគ្រប់ពេល ប្រសិនបើធ្វេសប្រហែស មិនបានការពារខ្លួនឲ្យបានត្រឹមត្រូវ និងមិនបានចៀសវាងសកម្មភាពមួយចំនួននោះទេ។
ដូច្នេះ គួរបង្កើនការប្រុងប្រយ័ត្ន ហើយគួរដឹងរឿងសំខាន់ៗទាំងនេះ ក្រោយជាសះស្បើយភ្លាមៗ៖
១. ការរួមដំណេក
អត្ថបទការស្រាវជ្រាវមួយដែលចេញផ្សាយដោយសមាគមវេជ្ជសាស្ត្រអាមេរិក(AMA) បានផ្ដល់ដំបូន្មានចំពោះអ្នកមានដៃគូរួមភេទ ក្រោយជាសះស្បើយពីជំងឺកូវីដ-១៩ គប្បីរង់ចាំ ៣០ថ្ងៃ ទើបអាចរួមដំណេកបាន។ ការទូន្មាននេះ ក្នុងគោលបំណងការពារការចម្លងវីរុសតាមរយៈការរួមភេទ ដោយមិនដឹងខ្លួន។
ទោះបីជាអ្នកមានឱកាសឆ្លងកូវីដ-១៩ឡើងវិញក៏ពិតមែន ប៉ុន្តែពុំចាំបាច់ចាក់វ៉ាក់សាំងភ្លាមៗទេ ព្រោះថាសរីរាង្គរបស់អ្នកជំងឺមានប្រព័ន្ធការពារក្នុងខ្លួនគ្រប់គ្រាន់សម្រាប់ទប់ទល់នឹងវីរុសកូវីដ-១៩ ទើបអាចជាសះស្បើយពីជំងឺមួយនេះបាន។ អ្នកគួររង់ចាំយ៉ាងហោចណាស់ ៣ខែ ឬយ៉ាងយូរពី ៦-៨ខែសិន សឹមទៅទទួលចាក់វ៉ាក់សាំង។
ប្រសិនបើអ្នកឬសមាជិកកំពុងរងគ្រោះដោយសារកូវីដ-១៩ ឬកំពុងស្ថិតក្នុងដំណាក់កាលនៃការជាសះស្បើយ ត្រូវប្រាកដថា បានញ៉ាំអាហារដែលមានសុខភាពល្អ ហើយចៀសវាងអាហារដូចជា អាហារកែច្នៃ អាហារហឹរ អាហារចៀនឬបំពង និងភេសជ្ជៈប៉ូវកម្លាំងឬផ្អែមៗ ព្រោះវាអាចធ្វើឱ្យប្រព័ន្ធភាពស៊ាំចុះខ្សោយ ព្រមទាំងពន្យាឱកាសជាសះស្បើយឱ្យអូសបន្លាយកាន់តែយូរ។
ក្រៅពីនោះ ក្រសួងសុខាភិបាលកម្ពុជា បានលើកទឹកចិត្តអ្នកជំងឺគ្រប់គ្នា ត្រូវអនុវត្តសកម្មភាពខាងក្រោមនេះបន្ថែមទៀត!
-តាមដានស្ថានភាពសុខភាពផ្ទាល់ខ្លួន ដោយនៅដាច់ដោយឡែករយៈពេល ១៤ថ្ងៃ។
-ពាក់ម៉ាស និងអនុវត្តអនាម័យឲ្យបានទៀងទាត់។
-ស្នាក់នៅបន្ទប់ម្នាក់ឯង មានខ្យល់ចេញចូលបានល្អ កាត់បន្ថយការទាក់ទងជិតស្និទ្ធជាមួយសមាជិកគ្រួសារ បរិភោគអាហារដោយឡែកពីគ្នា។
-តាមដានសុខភាពនៅចន្លោះពី ២-៤សប្តាហ៍ បន្ទាប់ពីចេញពីមន្ទីរពេទ្យ៕
អត្ថបទ៖ សន្យា
ចុចអាន៖ ចំណុចសំខាន់ទាំង៥ គួរដឹង ទាក់ទងស្ថានភាពមនុស្ស ក្រោយចាក់វ៉ាក់សាំងកូវីដ
ចុចអាន៖ បើមិនចង់ឈឺវិញ ក្រោយជាសះស្បើយពីកូវីដ-១៩ ត្រូវបន្តអនុវត្តប៉ុន្មានវិធីនេះ
-
ព័ត៌មានជាតិ៥ ថ្ងៃ agoត្រីជាង ២ តោន ងាប់នៅតំបន់អភិរក្សតាមោក ខេត្តសៀមរាប ដោយសារទឹករាក់ និង អាកាសធាតុក្តៅខ្លាំង
-
ព័ត៌មានជាតិ៥ ថ្ងៃ agoក្រសួងមហាផ្ទៃទាត់ចោលការផ្សាយថា កម្ពុជាឲ្យជនជាតិអាហ្វ្រិកដែលផុតកំណត់ ត្រូវចាកចេញមុនថ្ងៃទី៣១ ខែឧសភា ឆ្នាំ២០២៦
-
ព័ត៌មានជាតិ៥ ថ្ងៃ agoរដូវវស្សាប្រុងប្រយ័ត្ន! គ្រោះរន្ទះបាញ់សម្លាប់គោ ១៩ក្បាល នៅស្រុកលំផាត់ ខេត្តរតនគិរី
-
ព័ត៌មានអន្ដរជាតិ២ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
ព័ត៌មានអន្ដរជាតិ៦ ថ្ងៃ agoនាវាចម្បាំងថ្មីរបស់ចិន នឹងដាក់ឱ្យធ្វើសមយុទ្ធ លើកដំបូង នៅក្បែរកោះជប៉ុន
-
សន្តិសុខសង្គម៥ ថ្ងៃ agoឆ្លងចរន្តអគ្គិសនីឆេះរោងចក្រផលិតស័ង្កសី គាបស្នោ ១ កន្លែង រងការខូចខាត នៅសង្កាត់ត្រពាំងក្រសាំង
-
សេដ្ឋកិច្ច១ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ
-
ព័ត៌មានអន្ដរជាតិ១ សប្តាហ៍ agoអាមេរិក យល់ព្រមឱ្យប៉ូឡូញផ្តើមផលិតមីស៊ីលក្នុងស្រុក ដើម្បីការពារដែនអាកាស