សុខភាព
មួយសប្តាហ៍ មនុស្សស្រូបធាតុប្លាស្ទិកទាំងមិនដឹងខ្លួន ស្មើកាត ATM មួយសន្លឹក
បើតាមដានព័ត៌មាន អ្នកពិតជាបានដឹងថា ប្លាស្ទិកកំពុងក្លាយជាវិបិត្តសាកលលោកទាំងមូល។ ហើយមកទល់ពេលនេះ ការសិក្សាបានបង្ហាញថា មនុស្សយើងអាចស្រូបសារធាតុប្លាស្ទិកចូលខ្លួន ស្មើនឹងកាតប្លាស្ទិក ATM មួយសន្លឹក បើមិនចាប់អារម្មណ៍។
ការស្រាវជ្រាវនៃសាកលវិទ្យាល័យ Newcastle ប្រទេសអូស្រ្តាលី បានរកឃើញថា សារធាតុប្លាស្ទិកតូចៗល្អិត ទំហំមិនដល់ ៥មិល្លីម៉ែត្រ ស្រាប់តែមានវត្តមាននៅក្នុងទឹក ចំណីអាហារ ហើយសូម្បីតែខ្យល់ដកដង្ហើម។ ការសិក្សាក៏បានបង្ហាញទៀតថា ត្រឹមតែ ១សប្តាហ៍ មនុស្សស្រូបសារធាតុប្លាស្ទិកតូចៗទាំងនោះ ចូលក្នុងខ្លួន ដល់ទៅ ៥ក្រាម ឬ ២.០០០ ភាគល្អិតប្លាស្ទិក។
បើតាមលោកស្រី Kala Senathirajah ដែលជាអ្នកចួលរួមក្នុងការសិក្សានេះ ប្រាប់សារព័ត៌មាន CNN ថា ភាគល្អិតតូចៗនៃប្លាស្ទិកទាំងនោះ មានប្រភពដើមផ្សេងៗ រាប់ទាំង សរសៃអំបោះសប្បនិម្មិត ភាគល្អិតក្នុងថ្នាំដុសធ្មេញ ហើយធាតុប្លាស្ទិក ដែលមនុស្សចោលរាល់ថ្ងៃ ដែលបន្តិចៗម្តង បានផ្សាយភាយចូលទៅក្នុងប្រភពទឹក មានទាំងទន្លេ សមុទ្រ។ បន្ថែមពីនោះ សត្វសមុទ្រ ដូចជា ត្រី មឹក ដែលបានលេបចូលសារធាតុទាំងនោះ ក៏បានក្លាយជាប្រភពអាហាររបស់មនុស្សផងដែរ។
លោកស្រី អះអាងទៀតថា៖ ” ច្បាស់ណាស់ រឿងប្លាស្ទិក កំពុងក្លាយជាបញ្ហានៅជុំវិញពិភពលោក។ ហើយការសម្អាតប្លាស្ទិកតែមួយមុខ មិនអាចបំបាត់បញ្ហានេះបានឡើយ ព្រោះធាតុប្លាស្ទិក នៅតែមកពីប្រភពផ្សេងទៀត។”
ដោយឡែក ការស្រាវជ្រាវនៅឆ្នាំ ២០១៨ លើប្រធានបទ ”គ្មានធាតុប្លាស្ទិកក្នុងធម្មជាតិ” ផ្តល់មូលនិធិ ដោយអង្គការសត្វព្រៃពិភពលោក WWF បានរកឃើញថា ត្រឹមតែប្រភពទឹកមនុស្សទទួលទាន គឺមានធាតុប្លាស្ទិក ១.៧៦៩ ភាគល្អិតទៅហើយ ពិសេសប្រភពទឹកនៅសហរដ្ឋអាមេរិក ឥណ្ឌា និងឥណ្ឌូណេស៊ី ជាដើម។
/GettyImages-186883675-58defd1a5f9b58ef7eebf11f.jpg)
មកទល់ពេលនេះ ក្រុមអ្នកស្រាវជ្រាវក៏បាន សិក្សាលើបញ្ហាកើតមានលើមនុស្ស នៅពេលស្រូបចូលក្នុងខ្លួនបែបនេះ ដែលអាចបង្កជាបញ្ហាសុខភាពអ្វីខ្លះទៅថ្ងៃមុខ៕
អត្ថបទផ្ដល់សិទ្ធិ៖ Hello គ្រូពេទ្យ
ចុចអាន៖ ត្រូវដឹង! នៅជិត ឬហិតក្លិនសំរាមយូរ ធ្វើឲ្យសុខភាពយើងរងផលប៉ះពាល់មិនតិចទេ
ចុចអាន៖ កាត់បន្ថយផ្លាស្ទិក ថែរក្សាបរិស្ថានល្អ គួរចាប់ផ្ដើមពីណាទៅណា?
-
ព័ត៌មានជាតិ១ សប្តាហ៍ ago៦ថ្ងៃក្នុងព្រឹត្តិការណ៍ «នគរសង្ក្រាន្ត» មន្ទីរសុខាភិបាលរាជធានីភ្នំពេញ បានពិនិត្យ និងព្យាបាលជូនពលរដ្ឋជាង២ពាន់នាក់
-
ព័ត៌មានអន្ដរជាតិ៤ ថ្ងៃ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
ព័ត៌មានអន្ដរជាតិ៥ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានអន្ដរជាតិ៥ ថ្ងៃ agoវិមានក្រឹមឡាំង៖ ពូទីន ត្រៀមជួបហ្សេលេនស្គី ទាល់តែមានការចុះហត្ថលេខាលើកិច្ចព្រមព្រៀងសន្តិភាព
-
ព័ត៌មានជាតិ៣ ថ្ងៃ agoតំណាងអយ្យការសម្រេចចោទប្រកាន់លោកផ្កាយបីនិងលោកផ្កាយពីរ រួមអ្នកពាក់ព័ន្ធ៤នាក់ផ្សេងទៀត
-
ព័ត៌មានជាតិ៧ ថ្ងៃ agoមន្រ្តីបរិស្ថានស្នើពលរដ្ឋកុំបរិភោគត្រីងាប់ និងផ្អាកប្រើប្រាស់ទឹកព្រែកត្រែង នៅស្រុករតនៈមណ្ឌល ខេត្តបាត់ដំបង
-
សន្តិសុខសង្គម៣ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ
-
ព័ត៌មានជាតិ៨ ម៉ោង agoអាជ្ញាធរទាត់ចោលព័ត៌មានដែលផ្សាយថា ថៃបានឈ្លានពានចូលទឹកដីខ្មែរនៅខេត្តប៉ៃលិន