សុខភាព
វ៉ាក់សាំង២ដូស ជួយកាត់បន្ថយរោគសញ្ញាកូវីដរយៈពេលវែង បានពាក់កណ្តាល
ការសិក្សាស្រាវជ្រាវថ្មីមួយបានបង្ហាញថា មនុស្សពេញវ័យដែលចាក់វ៉ាក់សាំងគ្រប់ដូសរួច ទំនងជាជួបប្រទះរោគសញ្ញាកូវីដរយៈពេលវែងតិចជាង ៤៧ភាគរយ បើសិនជាពួកគេឆ្លងរោគ។
ក្រុមនៅសាកលវិទ្យាល័យ King’s College London បានវិភាគទិន្នន័យពីមនុស្សជាងពីរលាននាក់ ដែលបានកត់ត្រារោគសញ្ញា ការធ្វើតេស្តនិងស្ថានភាពវ៉ាក់សាំងរបស់ពួកគេនៅលើកម្មវិធីសិក្សារោគសញ្ញាកូវីដ ZOE ចន្លោះថ្ងៃទី៨ខែធ្នូឆ្នាំ២០២០ ដល់ថ្ងៃទី៤ខែកក្កដាឆ្នាំ២០២១។
អ្នកប្រើប្រាស់កម្មវិធីចំនួន៦,០៣០នាក់ បានរាយការណ៍ថា បានធ្វើតេស្តវិជ្ជមានជំងឺកូវីដ-១៩ យ៉ាងហោចណាស់១៤ថ្ងៃបន្ទាប់ពីចាក់វ៉ាក់សាំងដូសទី១ ខណៈ ២,៣៧០នាក់ បានធ្វើតេស្តវិជ្ជមានយ៉ាងហោចណាស់៧ថ្ងៃ បន្ទាប់ពីការចាក់លើកទី២។
ការស្រាវជ្រាវដែលបោះពុម្ពផ្សាយនៅក្នុងទស្សនាវដ្តី The Lancet បានបង្ហាញថា “ឱកាសនៃការមានរោគសញ្ញារយៈពេល២៨ថ្ងៃឬច្រើនជាងនេះ បន្ទាប់ពីឆ្លងមេរោគក្រោយចាក់វ៉ាក់សាំង ត្រូវបានកាត់បន្ថយប្រហែលពាក់កណ្តាល ដោយការចាក់វ៉ាក់សាំងពីរដូស”។
លទ្ធផលនេះបង្ហាញថា ហានិភ័យនៃរោគសញ្ញាកូវីដរយៈពេលវែង ត្រូវបានកាត់បន្ថយចំពោះបុគ្គលដែលបានទទួលការចាក់វ៉ាក់សាំង២ដូស ហើយបើចាក់៣ដូស នឹងបន្ថយហានិភ័យនៃការឆ្លងមេរោគទាំងមូល។
រោគសញ្ញាស្ទើរតែទាំងអស់នៃជំងឺកូវីដ-១៩ គឺមិនសូវកើតមានចំពោះអ្នកចាក់វ៉ាក់សាំងទេ បើប្រៀបធៀបទៅនឹងអ្នក ដែលមិនបានចាក់វ៉ាក់សាំង។
សាស្រ្តាចារ្យ Tim Spector មកពី King’s College និងជាអ្នកស៊ើបអង្កេតនាំមុខរបស់កម្មវិធី ZOE បាននិយាយថា “ការចាក់វ៉ាក់សាំង កំពុងកាត់បន្ថយយ៉ាងខ្លាំងនូវឱកាសរបស់មនុស្ស ដែលមានរោគសញ្ញាកូវីដរយៈពេលវែងតាមវិធីពីរយ៉ាង។
ទីមួយ កាត់បន្ថយហានិភ័យនៃរោគសញ្ញាណាមួយពី៨ទៅ១០ដង ហើយទីពីរ កាត់បន្ថយបានពាក់កណ្តាលនៃការឆ្លងណាមួយដែលអាចក្លាយជាកូវីដរយៈពេលវែង ប្រសិនបើកើតឡើង។
ទោះរោគសញ្ញាមានរយៈពេលប៉ុនណាក៏ដោយ យើងកំពុងមើលឃើញថា ការឆ្លងមេរោគបន្ទាប់ពីចាក់វ៉ាក់សាំងពីរដូសក៏ស្រាលជាងឆ្ងាយដែរ ដូច្នេះវ៉ាក់សាំងពិតជាផ្លាស់ប្តូរជំងឺនិងធ្វើឲ្យយើងកាន់តែប្រសើរឡើង៕
ប្រែសម្រួល៖ Vann Vann
ប្រភព៖ Sky
-
ព័ត៌មានជាតិ៧ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៧ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?