អ្នកស្គមៗកុំអាលអរ ជំងឺខ្លាញ់រុំថ្លើមមិនមែនតែលើអ្នកធាត់ៗទេ
Connect with us
Helistar Cambodia - Helicopter Charter Services

សុខភាព

អ្នកស្គមៗកុំអាលអរ ជំងឺខ្លាញ់រុំថ្លើមមិនមែនតែលើអ្នកធាត់ៗទេ

បានផុស

នៅ

ពេល​ឮ​ពាក្យ​ថា​ជំងឺ «ខ្លាញ់​រុំ​ថ្លើម» យើង​ប្រហែល​ជា​គិត​ថា ជំងឺ​នេះ​កើត​ឡើង​ចំពោះ​តែ​អ្នក​ធាត់​ៗ​ប៉ុណ្ណោះ អ្នក​ស្គម​ៗ​មិន​អី​ទេ។ បើ​គិត​បែប​នេះ គឺ​ខុស​ទាំងស្រុង​ខុស​ហើយ ព្រោះ​បើ​តាម​ការ​បញ្ជាក់​ពី​វេជ្ជបណ្ឌិត ចាន់ ស៊ីណេត ឯកទេស​ទូទៅ បាន​ឲ្យ​ដឹង​ថា ជំងឺ​មួយ​នេះ​កើត​ឡើង​ចំពោះ​មនុស្ស​គ្រប់​ប្រភេទ។ ដូចនេះ​ យើង​គ្រប់​គ្នា​គួរតែ​មក​ស្វែងយល់​ពី​ជំងឺ​ខ្លាញ់​រុំ​ថ្លើម​ទាំងអស់​គ្នា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

១- តើ​មូលហេតុ​អ្វី​បាន​ជា​បណ្ដាល​ឲ្យ​កើត​ជំងឺ​ខ្លាញ់​រុំ​ថ្លើម?

ជំងឺ​ខ្លាញ់​រុំ​ថ្លើម​នេះ​កើត​ឡើង​ដោយសារ​ការ​ញ៉ាំ​ស្រា អ្នក​មាន​ជំងឺ​ទឹកនោម​ផ្អែម ញ៉ាំ​ខ្លាញ់​ច្រើន អ្នក​ដែល​ធាត់ និង​អ្នក​មាន​ប្រវត្តិ​លើស​ជាតិ​ខ្លាញ់​ច្រើន​ជាដើម។ សម្រាប់​វ័យ​ដែល​កើត​មាន​ជំងឺ​មួយ​នេះ ភាគច្រើន​ចាប់ពី ៤០-៥០ ឆ្នាំ​ឡើង​ទៅ។

២- តើ​ជំងឺ​ខ្លាញ់​រុំ​ថ្លើម និង​ខ្លាញ់រុំ​បេះដូង​កើត​ឡើង​ព្រោះ​មូលហេតុ​ដូចគ្នា​មែន ឬ​ទេ?

ខ្លាញ់​រុំ​ថ្លើម និង​ខ្លាញ់​រុំ​បេះដូង​ជា​ជំងឺ​ពីរ​ផ្សេង​គ្នា ហើយ​មូលហេតុ​ក៏​មិន​ដូច​គ្នា​ដែរ ព្រោះ​ជំងឺ​ខ្លាញ់​រុំ​បេះដូង​កើត​ឡើង​ដោយសារ​កំហាប់​កូឡេស្តេរ៉ូល​ឡើង​ខ្ពស់​នៅ​ក្នុង​ឈាម ហើយ​ជំងឺ​ខ្លាញ់​រុំ​ថ្លើម​មិន​ប្រាកដ​ថា​កើត​ឡើង​ដោយសារ​ជាតិ​ខ្លាញ់​ទាំងស្រុង​នោះ​ទេ។

៣- ដើម្បី​ចៀសវាង​ជំងឺ​នេះ និង​កាត់​បន្ថយ​ជំងឺ​នេះ

Hepatic steatosis: what it is and how to prevent it | Emergency Live

ដើម្បី​ចៀសវាង ឬ​បើ​យើង​កំពុង​តែ​មាន​ត្រូវ​កាត់​បន្ថយ​ពី​ជំងឺ​មួយ​នេះ យើង​គួរតែ​កុំ​ញ៉ាំ​អាហារ​មាន​ជាតិ​ខ្លាញ់​ច្រើន​ពេក ហាត់​ប្រាណ​ឲ្យ​បាន​ច្រើន​តាម​ដែល​អាច​ធ្វើ​ទៅ​បាន កុំ​ឲ្យ​មាន​ជំងឺ​ទឹកនោម​ផ្អែម កុំ​បណ្ដោយ​ឲ្យ​ធាត់ ឬ​ឡើង​គីឡូ​ច្រើន​ពេក។

៤- រោគសញ្ញា​ជំងឺ​ខ្លាញ់​រុំ​ថ្លើម

សម្រាប់​អ្នក​ជំងឺ​ប្រភេទ​នេះ​វិញ មាន​ដូចជា អស់កម្លាំង ថ្លើមរីកធំ និង​អង់ស៊ីម​ថ្លើម​កើន​ឡើង ឈឺចាប់​នៅ​កណ្ដាល​ពោះ ឬ​ផ្នែក​ខាង​ស្កាំ។

ប្រសិនបើ​មាន​ករណី​ទាំង​ប៉ុន្មាន​នេះ គួរទៅ​ពេទ្យ​ពិនិត្យ និង​ព្យាបាល​ឲ្យ​ទាន់​ពេលវេលា ព្រោះ​ជំងឺ​នេះ​អាច​មាន​វិវត្ត​ទៅ​ជា​ធ្ងន់ធ្ងរ​បាន៕

អត្ថបទផ្ដល់សិទ្ធិ៖ Hello គ្រូពេទ្យ

ចុចអាន៖ អាហារ​បំប៉ន​ពិសេស​ ​៦យ៉ាង អាចបញ្ចុះខ្លាញ់យ៉ាងមានប្រសិទ្ធភាព

ចុចអាន៖ ស្រីៗ បើកាត់បន្ថយញ៉ាំខ្លាញ់បាន ដូចកាត់បន្ថយមហារីកសុដន់

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម

Helistar Cambodia - Helicopter Charter Services