ហេតុផលជាក់ស្តែង ដែលពិភពលោកភ័យខ្លាច Omicron ខ្លាំង

វីរុសបំប្លែងខ្លួន Omicron កំពុងរីករាលដាលយ៉ាងឆាប់រហ័ស ដែលអាចជាសញ្ញានៃមូលហេតុថា មេរោគនេះគួរឲ្យព្រួយបារម្ភសម្រាប់ពិភពលោកទាំងមូល។

តាមរយៈទូរទស្សន៍ CNN, អ្នកជំនាញជុំវិញពិភពលោក បានសម្តែងក្តីព្រួយបារម្ភអំពីរបៀបដែលវីរុសបំប្លែងខ្លួនប្រភេទនេះ រីករាលដាល។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

“នៅប្រទេសអាហ្រ្វិកខាងត្បូង ដែលជាកន្លែងវីរុសបំប្លែងខ្លួន Delta មានកម្រិតទាប, Omicron កំពុងរីករាលដាលឆាប់រហ័សជាង Delta ប៉ុន្តែក្នុងប្រទេសដទៃទៀតដែល Delta មានអត្រាឆ្លងខ្ពស់, Omicron ក៏កំពុងឆ្លងខ្លាំងជាង Delta ផងដែរ ដូចជានៅ ចក្រភពអង់គ្លេសជាដើម”។ នេះ​បើ​តាម​ការ​បញ្ជាក់​របស់​អង្គការ​សុខភាពពិភពលោក (WHO) ​ក្នុង​សន្និសីទ​បច្ចេកទេស។

WHO បានបន្ថែមថា “ដោយសារទិន្នន័យដែលមាននាពេលបច្ចុប្បន្ន វាទំនងជាថា Omicron នឹងវ៉ាដាច់ Delta នៅកន្លែងដែលការឆ្លងក្នុងសហគមន៍កើតឡើង”។

វីរុសដែលរីករាលដាលដ៏លឿននេះមានន័យថា មនុស្សកាន់តែច្រើននឹងឆ្លង ហើយនឹងមានការស្លាប់និងចូលមន្ទីរពេទ្យកាន់តែច្រើនចំពោះអ្នកដែលមិនបានទទួលវ៉ាក់សាំង។

យោងតាម ​​CNN, ថ្វីបើវាបណ្តាលឲ្យមានជំងឺស្រាលក៏ដោយ នៅទីបំផុត មនុស្សជាច្រើននឹងត្រូវសម្រាកព្យាបាលក្នុងមន្ទីរពេទ្យ ហើយក៏ស្លាប់។

រហូតមកដល់ពេលនេះ មានការចង្អុលបង្ហាញថា Omicron បង្កើតរោគសញ្ញាមិនសូវធ្ងន់ធ្ងរចំពោះអ្នកជំងឺដែលឆ្លងរោគ។ ការសិក្សាធំលើកដំបូងលើវីរុសនេះបានរកឃើញថា Omicron ហាក់ដូចជាបណ្តាលឲ្យមានរោគសញ្ញាកូវីដ មិនសូវធ្ងន់ធ្ងរដូចវីរុសមុនៗទេ ថ្វីបើវាអាចធន់នឹងវ៉ាក់សាំងពីរដូសក៏ដោយ។

យ៉ាងណាក្តី មានអំណះអំណាងមួយទៀតក្នុងចំណោមអ្នកជំនាញថា មេរោគដែលមានចលនាលឿនដូចជា Omicron នេះអាចជាសញ្ញា ជំងឺរាតត្បាតនាពេលអនាគត៕

ប្រែសម្រួល៖ Vann Vann

ប្រភព៖ Deseret

ចុចអាន៖ ការពារខ្លួន! Omicron ឆ្លងខ្លាំងជាង Delta ដល់ទៅ ៧០ដងឯណោះ