សុខភាព
វ៉ាក់សាំងដូសជំរុញ ការពារមិនឲ្យឈឺ អូមីក្រុង ធ្ងន់ ៨៥%
ក្រុមអ្នកស្រាវជ្រាវចក្រភពអង់គ្លេស បានវិភាគលើឥទ្ធិពលដែលវ៉ាក់សាំងដូសជំរុញ មានលើវីរុសបំប្លែងខ្លួន អូមីក្រុង ហើយនិយាយថា វាអាចផ្តល់ការការពារមិនឲ្យធ្លាក់ខ្លួនឈឺធ្ងន់បាន៨៥%។
ទោះបីជាយ៉ាងណាក៏ដោយ ការការពារនេះគឺតិចជាង បើធៀបទៅនឹងវីរុសបំប្លែងខ្លួនមុនៗ។ប៉ុន្តែវាមានន័យថា ដូសជំរុញ នៅតែទប់ស្កាត់មនុស្សជាច្រើន មិនឲ្យចូលព្យាបាលក្នុងមន្ទីរពេទ្យ។
ការរកឃើញនេះបានកើតឡើង ស្របពេលដែលចក្រភពអង់គ្លេស បានចាក់វ៉ាក់សាំងដូសជំរុញជូនប្រជាជនក្នុងចំនួនកំណត់ត្រា៨៦១,៣០៦នាក់ កាលពីថ្ងៃព្រហស្បតិ៍។
ក្រុមអ្នកស្រាវជ្រាវនិយាយថា នៅតែមានភាពមិនប្រាកដប្រជា រហូតដល់មានការប្រមូលព័ត៌មានពិតៗបន្ថែមទៀត អំពីវីរុសបំប្លែងខ្លួនថ្មីនេះ ដែលកំពុងរីករាលដាលយ៉ាងឆាប់រហ័ស។
វ៉ាក់សាំង ជួយបង្រៀនរាងកាយមនុស្សពីរបៀបប្រយុទ្ធប្រឆាំងនឹងកូវីដ។ ប៉ុន្តែវ៉ាក់សាំងដែលកំពុងប្រើប្រាស់នាពេលបច្ចុប្បន្ន មិនត្រូវបានរចនាឡើងដើម្បីទប់ទល់នឹង អូមីក្រុង ដែលមានបម្រែបម្រួលខ្លាំងនោះទេ។ នេះមានន័យថា វាមិនអាចទប់ទល់ដោយល្អឥតខ្ចោះបានឡើយ។
ដើម្បីឈានទៅដល់ចំណុចនោះ ប្រជាជននៅចក្រភពអង់គ្លេស កំពុងត្រូវបានណែនាំឲ្យទៅចាក់ថ្នាំបង្ការដូសជំរុញ ដើម្បីបង្កើតកម្រិតអង់ទីគ័រខ្ពស់ ប្រយុទ្ធប្រឆាំងនឹងវីរុស៕
ប្រែសម្រួល៖ Vann Vann
ប្រភព៖ BBC
ចុចអាន៖ អាមេរិកព្រមានថា រដូវរងានេះ អ្នកមិនចាក់វ៉ាក់សាំង នឹងឈឺធ្ងន់ឬស្លាប់ ខណៈ Omicron វាយលុក
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង