Connect with us

សុខភាព

ក្មេងៗជាពីកូវីដ ប្រឈមហានិភ័យខ្ពស់ កើតជំងឺទឹកនោមផ្អែម

បានផុស

នៅ

អ្នកស្រាវជ្រាវនៅមជ្ឈមណ្ឌលគ្រប់គ្រង និងបង្ការជំងឺអាមេរិក (CDC) បានរាយការណ៍កាលពីថ្ងៃសុក្រថា កុមារដែលជាសះស្បើយពីជំងឺកូវីដ១៩ ហាក់ដូចជាមានហានិភ័យខ្ពស់ក្នុងការវិវត្តទៅជាជំងឺទឹកនោមផ្អែមប្រភេទ១ ឬប្រភេទ២។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការកើនឡើងហានិភ័យនៃជំងឺទឹកនោមផ្អែម ត្រូវបានគេមើលឃើញរួចទៅហើយក្នុងចំណោមមនុស្សពេញវ័យដែលបានជាសះស្បើយពីជំងឺកូវីដ១៩។

ស្របពេលជាមួយគ្នានោះដែរ អ្នកស្រាវជ្រាវនៅអឺរ៉ុបបានរាយការណ៍ពីការកើនឡើងនៃចំនួនកុមារ ដែលត្រូវបានធ្វើរោគវិនិច្ឆ័យឃើញថាមានជំងឺទឹកនោមផ្អែមប្រភេទ១ ចាប់តាំងពីជំងឺរាតត្បាតផ្ទុះឡើង។

ប៉ុន្តែការសិក្សារបស់ CDC គឺស្ថិតក្នុងចំណោមការសិក្សាដំបូងគេ ដែលពិនិត្យមើលទិន្នន័យទាមទារការធានារ៉ាប់រងធំនៅសហរដ្ឋអាមេរិក ដើម្បីប៉ាន់ប្រមាណអត្រាប្រេវ៉ាឡង់នៃការធ្វើរោគវិនិច្ឆ័យជំងឺទឹកនោមផ្អែមថ្មី ចំពោះកុមារអាយុក្រោម១៨ឆ្នាំដែលឆ្លងកូវីដ។

ការសិក្សានេះបានប្រើប្រាស់ទិន្នន័យពីផែនការសុខភាពរបស់សហរដ្ឋអាមេរិក ដើម្បីពិនិត្យមើលការធ្វើរោគវិនិច្ឆ័យជំងឺទឹកនោមផ្អែម ដែលបានធ្វើឡើងចំពោះមនុស្សមានអាយុក្រោម១៨ឆ្នាំ ក្នុងរយៈពេលមួយឆ្នាំ ឬច្រើនជាងនេះ ដោយចាប់ផ្តើមពីថ្ងៃទី១ខែមីនាឆ្នាំ២០២០។

ក្រុមអ្នកស្រាវជ្រាវ បានរកឃើញការកើនឡើងនៃជំងឺទឹកនោមផ្អែមនៅក្នុងទិន្នន័យទាំងពីរ បើទោះបីជាអត្រាទាក់ទងគ្នាមានភាពខុសប្លែកគ្នាក៏ដោយ។ ពួកគេបានរកឃើញការកើនឡើង ២.៦ដងនៃករណីជំងឺទឹកនោមផ្អែមថ្មីក្នុងចំណោមកុមារ។

COVID May Raise Risk Of Diabetes In Children, CDC Researchers Reported

លោកស្រី Sharon Saydah អ្នកស្រាវជ្រាវនៅ CDC និងជាអ្នកនិពន្ធនៃការសិក្សាបាននិយាយថា គេមិនទាន់ច្បាស់ទេថាតើជំងឺទឹកនោមផ្អែមក្រោយកូវីដ នឹងក្លាយជាជំងឺរ៉ាំរ៉ៃចំពោះកុមារទាំងនេះឬគ្រាន់តែជាស្ថានភាពបណ្តោះអាសន្នដែលដោះស្រាយ។ កុមារភាគច្រើនត្រូវបានគេតាមដានរយៈពេលប្រហែល៤ខែកន្លះ។

លោកស្រីបានបន្ថែមថា ការរកឃើញនេះគូសបញ្ជាក់ពីសារៈសំខាន់នៃការចាក់វ៉ាក់សាំងកូវីដដល់កុមារដែលមានសិទ្ធិទាំងអស់ និងប្រើប្រាស់វិធានការនានាដូចជាការពាក់ម៉ាស និងគម្លាតសង្គម ជាពិសេសដើម្បីការពារក្មេងតូចៗដែលមិនទាន់អាចចាក់វ៉ាក់សាំងបាន៕

ប្រែសម្រួល៖ Vann Vann

ប្រភព៖ Bangkok Post

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ១ នាទី មុន

ធនាគារ​​ពិភព​​លោក​​នឹង​​ផ្តល់​​៣០​​ប៊ីលាន​​ដុល្លារ ខណៈ​សង្គ្រាម​​នៅ​​អ៊ុយក្រែន​​គំរាម​​សន្តិសុខ​​ស្បៀង

កីឡា៤ នាទី មុន

កីឡាការិនីវ៉ូវីណាមកម្ពុជា មិនពេញចិត្តការកាត់សេចក្ដីរបស់ចៅក្រម ធ្វើឱ្យខ្លួនបានត្រឹមមេដាយសំរឹទ្ធ

ព័ត៌មានជាតិ៩ នាទី មុន

កម្ពុជា-អាមេរិក ​បង្ហាញឆន្ទៈពង្រឹង​ពង្រីកកិច្ចសហប្រតិបត្តិការ ​ផ្នែកយោធា​រវាងកងទ័ព

ព័ត៌មានអន្ដរជាតិ៥០ នាទី មុន

លោក Zelensky ចុះហត្ថលេខា រើសទាហាននិងបន្តច្បាប់អាជ្ញាសឹក ៩០ថ្ងៃទៀត

ព័ត៌មានជាតិ៥១ នាទី មុន

បទល្មើសព្រៃឈើ និងបទល្មើសសត្វព្រៃមួយ​ចំនួន មានតម្រុយ​ពាក់ព័ន្ធការសម្អាតប្រាក់

Sokha Hotels

ព័ត៌មានពេញនិយម