សុខភាព
រលកកូវីដថ្មី កំពុងវាយប្រហារ ទូទាំងទ្វីប អាស៊ី
រលកថ្មីនៃការឆ្លងជំងឺកូវីដ១៩ កំពុងរីករាលដាលយ៉ាងឆាប់រហ័សពាសពេញទ្វីបអាស៊ី ដែលជំរុញឲ្យមានការព្រមាន ឲ្យចាត់វិធានការប្រុងប្រយ័ត្នជាមុន ដើម្បីពន្យឺតការរីករាលដាល និងជួយការពារប្រព័ន្ធថែទាំសុខភាពកុំឲ្យដួលរលំ។
ការកើនឡើងជាថ្មី ភាគច្រើនជាវីរុសអូមីក្រុងបំប្លែងខ្លួនប្រភេទ BA.4 និង BA.5 បានចោទជាបញ្ហាប្រឈមបន្ថែមទៀតសម្រាប់អាជ្ញាធរប្រទេសនានា ដែលកំពុងប្រឈមមុខនឹងការធ្លាក់ចុះសេដ្ឋកិច្ចដោយសារជំងឺរាតត្បាតរលកមុនៗ។
នៅជប៉ុន ករណីកូវីដថ្មី បានកើនឡើងដល់កម្រិតមួយដែលមិនធ្លាប់ឃើញសោះចាប់តាំងពីដើមឆ្នាំនេះ។ រដ្ឋាភិបាល បានអំពាវនាវឲ្យប្រជាពលរដ្ឋមានការប្រុងប្រយ័ត្ន ជាពិសេសមុនថ្ងៃចុងសប្តាហ៍ និងវិស្សមកាលរដូវក្តៅដែលជិតមកដល់។
ជប៉ុន បានរាយការណ៍ ករណីឆ្លងជិត ៩៦ ០០០ករណីកាលពីថ្ងៃពុធ ហើយអ្នកជំងឺដែលឆ្លងថ្មីបានកើនឡើង ២.១៤ដង បើធៀបនឹងសប្តាហ៍មុន។
រដ្ឋមន្ត្រីក្រសួងសុខាភិបាល លោក Shigeyuki Goto បាននិយាយនៅពេលចាប់ផ្តើមកិច្ចប្រជុំគណៈកម្មាធិការស្តីពីការដោះស្រាយជំងឺកូវីដ១៩ថា “ចំនួនករណីថ្មី កំពុងកើនឡើងនៅគ្រប់ខេត្តក្នុងប្រទេសជប៉ុន ហើយវាហាក់ដូចជារីករាលដាលយ៉ាងឆាប់រហ័ស”។
ទីក្រុងតូក្យូ ក៏បានបង្កើនកម្រិតប្រកាសអាសន្នរបស់ខ្លួន ដល់កម្រិតខ្ពស់បំផុតផងដែរ។
កូរ៉េខាងត្បូងត្រូវបានគេសរសើរចំពោះការឆ្លើយតបរបស់ខ្លួននៅដើមដំបូងនៃជំងឺរាតត្បាត ប៉ុន្តែគិតត្រឹមថ្ងៃពុធ ករណីប្រចាំថ្ងៃបានកើនឡើងបីដង ក្នុងមួយសប្តាហ៍ ពោលគឺដល់ជាង ៣៩ ០០០ករណី។
មន្ត្រី និងអ្នកជំនាញរំពឹងថា ករណីប្រចាំថ្ងៃថ្មីរបស់កូរ៉េខាងត្បូង នឹងកើនឡើងដល់ ២០០ ០០០ ករណី នៅប្រហែលពាក់កណ្តាលខែសីហាដល់ចុងខែកញ្ញា។
ស្របពេលជាមួយគ្នានោះ អូស្ត្រាលីបានព្រមានថា ខ្លួនអាចនឹងរងគ្រោះដោយការផ្ទុះឡើងអាក្រក់បំផុតនៃជំងឺកូវីដ១៩ ក្នុងរយៈពេលប៉ុន្មានសប្តាហ៍ខាងមុខ ដោយសារតែអូមីក្រុង BA.4 និង BA.5។
ថ្វីបើករណីនៅក្នុងប្រទេសថៃមាននិន្នាការធ្លាក់ចុះក៏ដោយ ប៉ុន្តែការឆ្លងនៅក្នុងប្រទេសឥណ្ឌូណេស៊ី បានកើនឡើង ដោយឈានដល់កម្រិតខ្ពស់បំផុតចាប់តាំងពីខែមីនាមក។
ទោះបីជាយ៉ាងណាក៏ដោយ ការឆ្លងថ្មី និងការចូលព្យាបាលនៅមន្ទីរពេទ្យ ក្នុងប្រទេសហ្វីលីពីន នៅតែមានកម្រិតទាប ប៉ុន្តែរដ្ឋាភិបាលបានព្រមានថា ករណីឆ្លងអាចកើនឡើងយ៉ាងហោចណាស់២០ដងនៅចុងខែនេះ។
ដោយឡែក ចិនដីគោកបានរាយការណ៍ថា មានការឆ្លងកូវីដក្នុងសហគមន៍ ជាមធ្យមជាង ៣០០ ករណីឆ្លងជារៀងរាល់ថ្ងៃនៅក្នុងខែកក្កដា ពោលគឺខ្ពស់ជាងប្រហែល ៧០ករណី ក្នុងខែមិថុនា៕
ប្រែសម្រួល៖ Vann Vann
ប្រភព៖ Reuters
ចុចអាន៖ “BA.5” វីរុសបំប្លែងខ្លួនឆ្លងខ្លាំងជាងគេបំផុត បានមកដល់ហើយ
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៧ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង