សារជាតិ ៨ យ៉ាង ក្នុងទឹកដោះគោ ជាមូលហេតុនាំឲ្យយើងឆ្លាតវៃ

ធ្លាប់តែឮគេថា “ផឹកទឹកដោះគោជំនួយខួរក្បាល” ប៉ុន្តែអ្នកខ្លះទៀតនិយាយមិនល្អថា “ល្ងង់ដូចគោ” ដូចនេះថ្ងៃនេះយើងមកដឹងទាំងអស់គ្នាថា តើទឹកដោះគោ ពិតជាជួយឲ្យយើងឆ្លាត មែនឮយ៉ាងណា។

យោងតាមការសិក្សាក្នុងឆ្នាំ ២០១៦ គេយល់ឃើញថា អ្នកផឹកទឹកដោះគោ មាន​ការ​ចងចាំ​ប្រសើរ​ជាង​អ្នក​មិន​ផឹក ក្រៅពីការសិក្សានោះ គេសង្កេតឃើញទៀតថា ប្រជាជនក្នុងប្រទេស​ដែល​ចូលចិត្ត​ទឹកដោះគោ​មាន IQ ខ្ពស់ និងឈ្នះពានរង្វាន់ Nobel ច្រើនជាងប្រជាជន​ដែល​មិន​ផឹក​ទឹក​ដោះគោ​ពិតមែន។

ខាងក្រោម​នេះ​ជា​សារជាតិទាំង ៨យ៉ាងនៅក្នុងទឹកដោះគោ និងសារៈសំខាន់របស់វា៖

១. ប្រូតេអ៊ីន

កោសិកាខួរក្បាលរបស់យើងប្រាស្រ័យទាក់ទងគ្នាតាមរយៈសារជាតិគីមីហៅថា សារធាតុបញ្ជូន​សរសៃ​ប្រសាទ ដែលផលិតពីអាស៊ីតអាមីណូ ហើយអាស៊ីត​អាមីណូដូចគ្នា​នោះ​មាន​នៅ​ក្នុង​ទឹក​ដោះគោ។

២. ទីរ៉ូស៊ីន

ការទទួលទានទឹកដោះគោជួយបង្កើនកម្រិតអាស៊ីតអាមីណូហៅថា ទីរ៉ូស៊ីន ដែលជំរុញឲ្យខួរក្បាល​ផលិត Norepinephrine, ដូប៉ាមីន និង​សារជាតិគីមីផ្សេងៗទៀតក្នុងខួរក្បាល។

៣. ខ្លាញ់

ខ្លាញ់ល្អនៅក្នុងទឹកដោះគោ MCTs (ទ្រីគ្លីសេរីខ្សែសង្វាក់មធ្យម) មានភាពងាយស្រួលក្នុងការបំប្លែងសារជាតិ និងអាចផ្គត់ផ្គង់ដោយផ្ទាល់នូវតម្រូវការថាមពលធម្មតារបស់ខួរក្បាល ដោយរក្សាទុកខ្លាញ់ធាត់នៅក្នុងខ្លួន។

៤. កូលេសស្តេរ៉ុល

កូលេសស្តេរ៉ុល ២៥ភាគរយ នៃរាងកាយមាននៅក្នុងខួរក្បាលដោយសារខ្លាញ់មានសារៈសំខាន់ណាស់ សម្រាប់ការលូតលាស់របស់ខួរក្បាល។ កូលេស្តេរ៉ុលជួយបង្កើនការដឹកជញ្ជូនសញ្ញា និងដំណើរការនៃ synapses នៃខួរក្បាល និងការពារសញ្ញា bioelectrical លើសពីនេះ វាក៏ធ្វើការជាសារធាតុប្រឆាំងអុកស៊ីតកម្ម ដើម្បីការពារកោសិកាខួរក្បាលផងដែរ។

៥. គ្លូតាស្យុង

គ្លូតាស្យុងជួយទប់ទល់ភាពតានតឹងអុកស៊ីតកម្ម និងការខូចខាតជាលទ្ធផលបណ្តាលមកពីសមាសធាតុគីមីប្រតិកម្ម ដែលផលិតក្នុងអំឡុងពេលដំណើរការមេតាបូលីសធម្មតា នៅក្នុងខួរក្បាល។

៦. វីតាមីន B និង B12

វីតាមីន B បង្ហាញពីឥទ្ធិពលវិជ្ជមានលើសុខភាពផ្លូវចិត្ត។ ចំណែកឯករណី វីតាមីន B16 ធ្លាក់ទាប វាទាក់ទងទៅនឹងសរសៃឈាមខួរក្បាល ការក្រិន ការចុះខ្សោយនៃការយល់ដឹង ជំងឺធ្លាក់ទឹកចិត្ត ជំងឺវង្វេង និងបញ្ហាផ្លូវចិត្តផ្សេងៗទៀត។

៧. អ៊ីយ៉ូត

ការសិក្សារកឃើញថា សិស្សមានជាតិអ៊ីយ៉ូតច្រើនប្រឡងបានពិន្ទុល្អជាងសិស្សដែលមានជាតិអ៊ីយ៉ូតតិច សូម្បីតែម្ដាយដែលមានជាតិអ៊ីយ៉ូតខ្ពស់ក៏បង្កើតកូនមកឆ្លាតជាងម្ដាយផ្ទុកជាតិអ៊ីយ៉ូតតិចដែរ។

៨. កាឡាក់តូស

ជាតិស្ករក្នុងទឹកដោះគោជាសារជាតិសំខាន់ណាស់ចំពោះការលូតលាស់របស់ខួរក្បាលទារកនិងកុមារ។ ការសិក្សាបង្ហាញថាជាតិស្ករនោះជួយបង្កើតការចងចាំរយៈពេលវែង និងបង្កើនទំនាក់ទំនងកោសិកា។

អ្នកប្រហែលជាគិតថាសារជាតិខាងលើសុទ្ធតែអាចទទួលពីអាហារផ្សេងៗ ប៉ុន្តែអាហារអ្វីដែលអាចផ្ដល់ប្រយោជន៍ដល់ខួរក្បាលផង និងពោះវៀនផងនោះ? ទោះបីជាអ្នកញ៉ាំបន្លែមួយធុងក៏មិនស្មើទឹកដោះគោស្រស់មួយកែវដែរ៕

ប្រែសម្រួលដោយ៖ វារី

ចុចអាន៖កាហ្វេ និង តែបៃតង មួយណាមានជាតិកាហ្វេអ៊ីនតិច ហើយល្អដល់សុខភាព?

ចុចអាន៖ឥទ្ធិពលទឹកចំពោះស្បែក បើខ្វះ អាចបង្កបញ្ហាច្រើន