សុខភាព
ហេតុផល ៤ យ៉ាង នាំឲ្យមានសក់ស មុនអាយុ
អ្នកដែលមានសក់សច្រើន ត្រូវបានគេលេងសើចថាជាមនុស្សចាស់មុនអាយុ ខណៈមនុស្សខ្លះមានសក់សតាំងពីក្មេង ទាំងមិនទាន់ឈានដល់វ័យ៣០ឆ្នាំផង ។ ប៉ុន្តែនៅមានហេតុផលផ្សេងទៀត ដែលយើងប្រហែលជាមិនទាន់ដឹង។
មូលហេតុនាំឲ្យមានសក់សមុនអាយុ
១ ពីកំណើត
អ្នកដែលមានសក់សតាំងពីក្មេង អាចមកពីកត្តាពូជដោយសារហ្សែន។ ចង់ដឹងថាអ្នកមានសក់សលឿនឬយឺតជាងមនុស្សធម្មតាសាកល្បងប្រៀបធៀបទៅនឹងមធ្យមភាគរបស់មនុស្សធម្មតា ដែលមួយភាគបួននៃចំនួនប្រជាជនរកឃើញថា៥០% នៃសក់របស់អ្នកប្រែជាពណ៌សទាំងស្រុង។ ប្រសិនបើអ្នករកឃើញថាខ្លួនឯងមានសក់សជិត ៥០% ទោះបីជាអ្នកមិនទាន់ដល់ ៥០ក៏ដោយ នោះអ្នកមានសក់សច្រើនជាងធម្មតាហើយ។
២ កង្វះប្រូតេអ៊ីននិងវីតាមីន B12
សារធាតុ melanin ជួយចិញ្ចឹមសក់ឲ្យភ្លឺរលោង និងខ្មៅ។ វាចាំបាច់ណាស់ដែលរាងកាយទទួលបានប្រូតេអ៊ីន និងវីតាមីន B12 គ្រប់គ្រាន់ជារៀងរាល់ថ្ងៃ។ ប្រូតេអ៊ីន និងវីតាមីន B12 ត្រូវបានរកឃើញនៅក្នុងសាច់ ដូចជាបសុបក្សី និងសត្វសមុទ្រដូចជា សំបកខ្យង ត្រី និងថ្លើម និងផលិតផលទឹកដោះគោដូចជាទឹកដោះគោ ទឹកដោះគោជូរ និងប៊ឺ។
ដូច្នេះ អ្នកដែលបួសឬទទួលទានអាហារបួស អាចប្រឈមនឹងការមិនទទួលបានប្រូតេអ៊ីន និងវីតាមីន B12 គ្រប់គ្រាន់ ហើយមានសក់សលឿនជាងអ្នកដទៃ។
៣ បារី
ការជក់បារីមិនគ្រាន់តែបំផ្លាញសួតរបស់អ្នកប៉ុណ្ណោះទេ។ វាក៏បំផ្លាញសរីរាង្គផ្សេងទៀតនៅក្នុងរាងកាយ រួមទាំងដំណើរការនៃការផលិតសារធាតុពណ៌នៅក្នុងសក់ផងដែរ។ អ្នកដែលជក់បារីតាំងពីវ័យជំទង់ ឬមុនអាយុ ៣០ ឆ្នាំ ប្រឈមមុខនឹងការកើតសក់សខ្លាំងជាង។ និយាយឲ្យចំទៅ ការជក់បារីធ្វើឲ្យឆាប់ចាស់ជាងផ្នែកស្បែក រូបរាង កាយសម្បទា និងសក់។
៤ ភាពតានតឹង
តើមានអ្នកណាធ្លាប់លឺពីរឿងព្រេងរបស់ Marie Antoinette ដែលជាម្ចាស់ក្សត្រីនៃប្រទេសបារាំង និង Navarre ទេ? យប់មុននឹងត្រូវគេប្រហារជីវិតដោយ guillotine ក្នុងអំឡុងពេលបដិវត្តន៍បារាំង ពេញមួយយប់ ក្បាលរបស់នាងប្រែជាស។ វាគឺដោយសារតែព្រះមហាក្សត្រិយានីមានភាពតានតឹង និងភ័យខ្លាចថានាងជិតនឹងត្រូវបានប្រហារជីវិត។ នេះជាការពិត យ៉ាងណាយើងប្រហែលមិនដឹងទេ។ ប៉ុន្តែការសិក្សាឆ្នាំ ២០១៣ ដោយសាកលវិទ្យាល័យញូវយ៉កបានរកឃើញថា ភាពតានតឹងកាត់បន្ថយប្រសិទ្ធភាពនៃកោសិកាដើមឫសសក់។ ជាលទ្ធផលសក់មិនរឹងមាំទេ។ ការផលិតពណ៌សក់មិនធម្មតាទេ រហូតដល់សក់មានពណ៌ស ឬអាចបណ្តាលឱ្យជ្រុះសក់យ៉ាងងាយ។
វិធីការពារសក់ស មុនអាយុ
បន្ថែមពីលើការកាត់បន្ថយភាពតានតឹង ចូរចៀសវាងការជក់បារី និងទទួលទានប្រូតេអ៊ីន និងវីតាមីន B12 ឲ្យបានគ្រប់គ្រាន់។ គេងឲ្យយបានគ្រប់គ្រាន់ និងធ្វើលំហាត់ប្រាណឲ្យបានទៀងទាត់ វាជួយកោសិកាក្នុងរាងកាយ រួមទាំងសក់ឲ្យរឹងមាំ សុខភាពល្អផងដែរ។ លើសពីនេះ ការជ្រើសរើសផលិតផលថែរក្សាសក់ដែលសាកសមនឹងស្ថានភាពសក់ និងស្បែកក្បាលក៏ជាជំនួយដ៏ល្អផងដែរ៕
ប្រែសម្រួល៖ សាង ស្រីល័ក្ខ
ចុចអាន៖អាយុនៅក្មេង តែមានសក់ស្កូវពេញក្បាល តាមពិត មកពីមូលហេតុធំៗនេះសោះ
-
សេដ្ឋកិច្ច២០ ម៉ោង agoអគារប្រណីតពន្ធដារថ្មី ដាក់ឱ្យប្រើប្រាស់នៅថ្ងៃនេះ
-
ព័ត៌មានអន្ដរជាតិ១៨ ម៉ោង agoសុខភាពបុត្រីស្ដេចថៃ ធ្លាក់ចុះដុនដាបខ្លាំង ដោយសារការឆ្លងមេរោគធ្ងន់ធ្ងរ
-
ព័ត៌មានអន្ដរជាតិ១ សប្តាហ៍ agoលោក Vance ថា ការចរចាជាមួយអ៊ីរ៉ង់ រីកចម្រើនខ្លះៗហើយ
-
ព័ត៌មានអន្ដរជាតិ១ សប្តាហ៍ agoលោក រូប៊ីយ៉ូ ជាប់ក្នុងបញ្ជីទណ្ឌកម្មចិន ចុះហេតុអ្វីបានអាចអមដំណើរ ត្រាំ ក្នុងក្រុងប៉េកាំង?
-
សន្តិសុខសង្គម៧ ថ្ងៃ agoសង្ស័យភ្លើងប្រច័ណ្ឌ ស្រីស្រលាញ់ស្រីយកកាំបិតចុងស្រួចអារកជនរងគ្រោះបណ្ដាលឲ្យស្លាប់ រួចរត់គេចខ្លួនបានជាង៧ម៉ាង
-
កីឡា៥ ថ្ងៃ agoក្រុមកីឡាបាល់បោះ បាល់ទាត់លើតុ រីករាយចំពោះការចូលរួមកាន់តែច្រើនពីវិស័យឯកជនមកលើកីឡានៅកម្ពុជា
-
ព័ត៌មានជាតិ៥ ថ្ងៃ agoផ្លូវបុរាណចំនួន ៧ ខ្សែ អ្នកស្រាវជ្រាវរកឃើញសាងសង់ភ្ជាប់ពីរាជធានីអង្គរទៅតំបន់ឆ្ងាយៗដែនដីអាណាចក្រខ្មែរ
-
ព័ត៌មានជាតិ១ សប្តាហ៍ agoបំពេញលក្ខខណ្ឌយ៉ាងហោចណាស់ ១ ក្នុងចំណោម ១០ ទើបអាចចុះបញ្ជីក្នុងសម្បត្តិបេតិកភណ្ឌពិភពលោក