សុខភាព

អាយុនៅក្មេង តែមានសក់ស្កូវពេញក្បាល តាមពិត មកពីមូលហេតុធំៗនេះសោះ

បានផុស

៤ years មុន

នៅ

ថ្ងៃព្រហស្បតិ៍ ៣ កុម្ភៈ ២០២២

ដោយ

អ្នកខ្លះអាយុមិនច្រើនទេ តែបែជាមានសក់ស្កូវព្រោងព្រាតលើក្បាលទៅវិញ។ ទាំងនេះ សុទ្ធតែជាជំងឺមួយ ដែលគ្រប់គ្នាមិនគួរ មើលរំលងទាល់តែសោះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សាស្ត្រាចារ្យ Ratthorn Panchaprateep, M.D. នាយកដ្ឋានវេជ្ជសាស្ត្រនៃមន្ទីរពេទ្យ Chulalongkorn នៃប្រទេសថៃ បញ្ជាក់ថា ជាទូទៅសក់ស្កូវចាប់ផ្ដើមនៅអាយុ ៣៥ ឆ្នាំ ហើយអ្នកដែលមានសក់ស្កូវមុនអាយុ តែងកើតមានលើអ្នកដែលមានអាយុ ២៥ ឆ្នាំ។

មូលហេតុ ៧ យ៉ាងនៃសក់ពណ៌ប្រផេះ ឬស្កូវមុនអាយុ

១ តំណពូជ (មូលហេតុចម្បងនៃសក់ស្កូវមុនអាយុ)
២ កង្វះសារធាតុរ៉ែ និងវីតាមីនមួយចំនួន
៣ ជំងឺមួយចំនួនដូចជា ស្ថានភាពភាពស៊ាំចុះខ្សោយ ជំងឺក្រពេញទីរ៉ូអ៊ីត
៤ ការជក់បារី
៥ ភាពតានតឹង
៦ សម្រាកមិនគ្រប់គ្រាន់
៧ ការបំពុលខ្យល់។

វិធីកាត់បន្ថយហានិភ័យ សក់ស្កូវមុនអាយុ

-ការស្រាវជ្រាវបានរកឃើញថា ការជក់បារីគឺទាក់ទងដោយផ្ទាល់ទៅនឹងសក់ស្កូវមុនអាយុ។ ដូច្នេះហើយ អ្នកគួរតែឈប់ជក់បារី។ ដើម្បីកាត់បន្ថយការខូចខាតកោសិកាសារធាតុពណ៌ នៅក្នុងឫសសក់។

-ញ៉ាំអាហារដែលមានជីវជាតិ ដើម្បីការពារកង្វះអាហារូបត្ថម្ភក្នុងរាងកាយ។ ជាពិសេស អាហារដែលសម្បូរទៅដោយសារធាតុប្រឆាំងអុកស៊ីតកម្ម វីតាមីន ១២ អូមេហ្គា ៣ ជាតិដែក ទង់ដែង និងស័ង្កសី ដូចជាសាច់ ត្រី ថ្លើម ស៊ុត ទឹកដោះគោមានជាតិខ្លាញ់ទាប បន្លែស្លឹកបៃតង គ្រាប់ធញ្ញជាតិ និងគ្រាប់ធញ្ញជាតិផ្សេងៗ។

អ្នកដែលមានជំងឺមូលដ្ឋាន ឬសង្ស័យថាមានរោគសញ្ញាទាក់ទងនឹងសក់ស្កូវមុនអាយុ ដូចជាជំងឺហ្សែនមួយចំនួន pybaldism, រោគសញ្ញា Wardenburg, vitiligo, ការបាត់បង់សក់បំណះ ជំងឺអូតូអ៊ុយមីន ឬជំងឺក្រពេញទីរ៉ូអ៊ីត គួរតែទៅជួបគ្រូពេទ្យ ដើម្បីធ្វើរោគវិនិច្ឆ័យ និងព្យាបាលឲ្យបានត្រឹមត្រូវ៕

ប្រែសម្រួល៖ សាង ស្រីល័ក្ខ

ចុចអាន៖ខ្វះជាតិស័ង្កសី អាចចេញរោគសញ្ញាទាំង ៨នេះ