សុខភាព

អាហារ ៦ ប្រភេទ ញ៉ាំហើយអាចមានអាការឈឺក្បាលដោយមិនដឹងខ្លួន

បានផុស

៤ years មុន

នៅ

ថ្ងៃសៅរ៍ ១៧ ធ្នូ ២០២២

ដោយ

អាការឈឺក្បាល អាចបណ្ដាលមកពីមូលហេតុជាច្រើន ដូចជាការប្រែប្រួលអាកាសធាតុ ក្លិនទឹកអប់ និងពន្លឺខ្លាំង ប៉ុន្តែគ្នាយើងដឹងអត់ថាអាហារ និងភេសជ្ជៈមួយចំនួន ក៏អាចបង្កឲ្យកើតមានអាការៈឈឺក្បាល?

អាហារ និងភេសជ្ជៈដែលបង្កឲ្យមានអាការឈឺក្បាល

១. ស្រាក្រហម

យោងតាមគេហទំព័រHarvard Health Publishingបានឲ្យដឹងថា អាការៈឈឺក្បាលក្រោយញ៉ាំស្រាក្រហមក៏មានការជួបប្រទះច្រើនដែរ ប៉ុន្តែពុំមានការបញ្ជាក់ច្បាស់លាស់ណាមួយពាក់ព័ន្ធទៅនឹងទំនាក់ទំនងរវាងស្រាក្រហម និងការឈឺក្បាលឡើយ។

២. ឈីស

ទន្ទឹមនឹងនេះដែរ ឈីសផ្ទុកសារធាតុTyramine ដែលធ្វើសរសៃឈាមរួមតូច ជាហេតុនាំឲ្យកើតមានអាការៈឈឺក្បាល។

៣. សូកូឡា

ចំណែកសូកូឡា ក៏ជាប្រភេទអាហារដែលអាចបង្កជាអាការៈឈឺក្បាល នៅពេលដែលយើងញ៉ាំច្រើន ពីព្រោះតែសូកូឡាក៏ផ្ទុកទៅដោយសារធាតុTyramine។

៤. ទឹកដោះគោ

យោងតាមការសិក្សាមួយរបស់National Library of Medicine បានបង្ហាញថា ការញ៉ាំអាហារផលិតពីទឹកដោះគោ មានពាក់ព័ន្ធទៅនឹងអាការៈឈឺក្បាលភ្លាមៗ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

៥. ពពួកផ្លែក្រូច

ជាក់ស្ដែង ផ្លែក្រូចផ្ទុកទៅដោយសារធាតុ Octopamine ដែលអាចបង្កឲ្យកើតមានអាការៈឈឺក្បាល ហើយអ្នកដែលមិនទម្លាប់ញ៉ាំផ្លែឈើដែលមានជាតិអាស៊ីដ អាចនឹងកើតមានអាការៈឈឺក្បាលនេះ។

៦. ភេសជ្ជៈបន្ថែមជាតិស្ករ

ដូចគ្នានេះដែរ ពពួកភេសជ្ជៈបន្ថែមជាតិស្ករ ប្រមូលផ្ដុំទៅដោយសារធាតុAspartame ដែលកាត់បន្ថយកម្រិតDopamine ជាហេតុនាំឲ្យយើងកើតមានអាការៈឈឺក្បាលបានដែរ

អត្ថបទផ្ដល់ដោយ៖Hello Krupet

ចុចអាន៖អាហារ ៥ ប្រភេទ ជាខ្លាញ់ល្អ ជួយកាត់បន្ថយកូលេស្តេរ៉ុលនៃជំងឺធ្ងន់ធ្ងរ

អាហារ ៩ មុខ អាចធ្វើឲ្យហើមពោះ (kampucheathmey.com)