KPT+
បកស្រាយអត្ថន័យពណ៌ផ្កាឈូក
ពណ៌ផ្កាឈូក ត្រូវបានគេចាត់ទុកជាពណ៌ស្ងប់ស្ងាត់ដែលទាក់ទងនឹងស្នេហា និងភាពជាស្ត្រី។ ជាធម្មតាពណ៌នេះ ក៏ត្រូវបានគេតំណាងឲ្យកុមារភាព ភាពទន់ភ្លន់ និងអារម្មណ៍មនោសញ្ចេតនាផងដែរ។
យ៉ាងណា ពណ៌ផ្កាឈូកមានអត្ថន័យលើសពីអ្វីដែលយើងបានដឹងទៅទៀត។ តោះ!មកដឹងអត្ថន័យនៃពណ៌ផ្កាឈូកដូចខាងក្រោម៖
ភាពរីករាយ
ផ្កាឈូក ជាពណ៌ដែលធ្វើឲ្យមានអារម្មណ៍រីករាយនិងសុភមង្គល។ វាជាពណ៌ដែលបង្កើតភាពស្និទ្ធស្នាលរវាងមនុស្ស កុំឲ្យទំនាក់ទំនងពួកគេមានភាពឯកោ។ ពណ៌ផ្កាឈូកក៏តំណាងឲ្យជីវិតដែលសមប្រាថ្នា សេចក្ដីស្រឡាញ់ និងការទទួលយក។
ភាពច្នៃប្រឌិត
ផ្កាឈូក ជាពណ៌បង្កើតនូវភាពច្នៃប្រឌិត និងសិល្បៈ។ តាមការស្ទង់មតិបានឲ្យដឹងថា កាលណាមនុស្សឧស្សាហ៍ប្រើពណ៌នេះ អាចបង្កើតអារម្មណ៍ស្រស់ថ្លា ធ្វើឲ្យគំនិតស្មារតីកើតនូវការច្នៃប្រឌិតថ្មីៗមកជាហូរហែ។
ភាពរស់រវើក
ពណ៌ផ្កាឈូក ជានិមិត្តរូបនៃមនុស្សស្រី ក៏ដូចជាភាពរស់រវើកផងដែរ។ មនុស្សស្រីមានភាពទាក់ទាញ ភាពរស់រវើក និងគួរស្រឡាញ់ ជាមនុស្សស្រីដែលតែងតែប្រើពណ៌ផ្កាឈូកជារឿយៗ។ បុរសច្រើននាក់ចាត់ទុកនារីប្រើពណ៌នេះថា ជាមនុស្សស្រីមានកាយវិការរ៉ូមែនទិកគួរឲ្យចង់នៅជិត និងទឹកចិត្តកក់ក្ដៅគួរឲ្យចង់ក្បែរ។
កុមារភាព
ទស្សនៈជាច្រើនចំពោះពណ៌ផ្កាឈូកលើកឡើងថា ពណ៌នេះតំណាងឱ្យក្មេងស្រីៗ និងកុមារប៉ុណ្ណោះ។ ជារឿងសមហេតុផលផងដែរក្នុងករណីនេះ ព្រោះថាសម្ភារក្មេងៗភាគច្រើន សុទ្ធតែមានពណ៌ផ្កាឈូក ហើយវាពិតជាមានឥទ្ធិពលពិតមែនចំពោះកុមារតូចៗ។ យ៉ាងណាចំពោះមនុស្សធំពេញវ័យ ពណ៌ផ្កាឈូក ជានិមិត្តរូបនៃចរិតលេងសើចច្រើនបន្តិច និងអត្តចរិតសប្បាយៗ មិនសូវចេះកើតទុក្ខ។
ភាពស្រស់ថ្លា
នៅពេលនិយាយពីពណ៌ផ្កាឈូក គេរមែងស្រមៃដល់និទាឃៈរដូវ ព្រោះថានិទាឃៈរដូវ ជារដូវផ្ការីកដែលតែងតែមានផ្កាគ្រប់រីកចម្រុះពណ៌ និងជាតំណាងនៃការកើតថ្មីៗ។ ហេតុនេះ បានជាគេនិយមជ្រើសរើសពណ៌ផ្កាឈូកដើម្បីតុបតែងកម្មវិធីនានាច្រើនជាងពណ៌ផ្សេង៕
ប្រែសម្រួល៖ សន្យា
ប្រភព៖ verywellmind
ចុចអាន៖ការពន្យល់៤យ៉ាង អំពីមូលហេតុដែលមនុស្សយើងងាយភ្លេច
ចុចអាន៖មនុស្សស្រីចរិតបែបនេះហើយ ដែលសក្ដិសមជាមួយការនៅម្នាក់ឯងជាងមានសង្សារ
-
ព័ត៌មានអន្ដរជាតិ១៣ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច២ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ៦ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
សេចក្ដីជូនដំណឹង២ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៥ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ