កុំ​ធ្វើ​បី​យ៉ាង​នេះ​លើ​ហ្វេសប៊ុក ប្រសិន​មិន​ចង់​មាន​វិប្បដិសារី​ទៅ​ថ្ងៃ​ក្រោយ
Connect with us
Helistar Cambodia - Helicopter Charter Services

KPT+

កុំ​ធ្វើ​បី​យ៉ាង​នេះ​លើ​ហ្វេសប៊ុក ប្រសិន​មិន​ចង់​មាន​វិប្បដិសារី​ទៅ​ថ្ងៃ​ក្រោយ

បានផុស

នៅ

វា​ពុំ​មែន​ជា​ការ​សម្ដែង​ទេ បើ​គ្រាន់​តែ​យើង​រៀន​គោរពខ្លួនឯង ហើយប្រុងប្រយ័ត្ន​ពាក្យ​សម្តី ពិនិត្យ​មើល​សិន​មុន​ចេញ​ប្រតិកម្ម ក៏ដូចជាសកម្មភាពផ្សេងៗទៀតនៅលើបណ្តាញសង្គម ដោយ​មិន​ចូលរួមជាមួយសកម្មភាពទាំងនេះ ព្រោះវានឹងនាំមកនូវវិប្បដិសារី។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

១ បង្ហាញចរិតរិះគន់

ការបញ្ចេញ​មតិជាសេរីភាព ប៉ុន្តែ​ការរិះគន់ញឹកញយ បើកភ្នែកមកកាលណាទើសមុខក្រោយ ក៏បង្ហាញពីចរិតអ្នកសរសេរខ្លួនឯងតែប៉ុណ្ណោះ។ ចំណែកការ​បញ្ឆិតបញ្ឆៀង ឆ្លៀតប្រមាថកាតទាន​ដែលឈានទៅ​បាត់បង់ផលប្រយោជន៍របស់​អ្នកណាម្នាក់ នឹង​អាចប្រឈម​ទុក្ខទោស​ដល់​បទ​ព្រហ្មទណ្ឌបាន ក្នុងក្រមបច្ចុប្បន្ននៃកម្ពុជា។

២ ចូលរួមមតិ​អវិជ្ជមាន

កុំឆ្ងល់ថាហេតុអ្វីធ្វើការ​ប្រហែលគ្នាសោះគេមាន​ទីផ្សារធំជាងយើង? ចរិតលក្ខណៈយើង! លើបណ្តាញសង្គមគឺច្បាស់ដូចថ្ងៃព្រោះគ្រប់គ្នាដែលជ្រើសរើស​បុគ្គលិកគេ​ចូលទៅពិនិត្យ​លើបណ្តាញនានា នឹង​ដឹងភ្លាម​ថាយើង​ជាមនុស្សប្រភេទណា។ ការបញ្ចេញ​យោបល់អវិជ្ជមាន​ អុជអាល ពីក្រោម​សំណេរដែលគេកំពុងឈ្លោះឬឌឺដងគ្នា មានមុខមិនបាត់ពេលឃើញ​គេ​ទាស់គ្នា​ចូលតែស្ករ ឬមានមុខមិនបាត់ដ្រាម៉ារាល់ថ្ងៃ ប៉ះពាល់បុគ្គល​ផ្សេងដែលពុំមែនជា​កាតព្វកិច្ច​យើង សុទ្ធតែបង្ហាញពីភាពទំនេរគ្មានការធ្វើ និង​បញ្ហា​ផ្លូវចិត្ត​ដែលនិយោជកភាគច្រើនគេខ្លាចរអាបំផុត​នឹង​ទទួលយកមកនាំ​តែ​ដំបៅទ្រូង។

៣ ចង់បានចំណាប់អារម្មណ៍​ហួសហេតុ

ការស្រលាញ់ ការគោរព និងឲ្យតម្លៃ របស់ទំាងនេះយើងមិនអាចបានដោយការទាមទារទេ ។ កាន់តែចង់ល្បីកាន់តែអត់ កាន់តែ​ទាមទារ​គេកាន់តែ​សើច កាន់តែតោងកាន់តែ​ធ្ងន់ ។​ មធ្យោបាយល្អចង់បានការគោរព គឺគោរពអ្នកដទៃមុន។ ចង់បានការស្រលាញ់កុំបង្កើតការស្អប់ក៏គ្រប់គ្រាន់។ ចង់បានការ​ឲ្យតម្លៃ​ត្រូវមាន​តម្លៃប្រាកដមែន។ កុំសរសេរប្រៀបធៀប​ ច្រណែនឬស្យា ឬវាយប្រហារ ក្រៅពីមិនបានផលអ្វីថែមទំាង​នាំមកនូវទុក្ខទោសយ៉ាងងាយ៕

ប្រែសម្រួល៖តុង​ឡុង

ចុចអាន៖ហេតុអ្វី​បានជា​គេ​និយម​ប្រើ​គណនី​ហ្វេសប៊ុក​ក្លែងក្លាយ?មើល​យ៉ាងណា​ដឹង​បាន?

ចុចអាន៖ហេតុអ្វី​មិន​គួរ​បង្ហោះ​រឿង​ផ្ទាល់ខ្លួន​លើ​ហ្វេសប៊ុក​ច្រើន?

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម

Helistar Cambodia - Helicopter Charter Services