KPT+
គន្លឹះតូចៗយើងតែងមើលរំលង តែបានបន្ថែមអត្ថន័យឲ្យជីវិត ល្អប្រសើរជាងមុន
យើងអាចរំលងការអបអរឬសាទររឿងតូចៗ គិតថាវាគ្មានប្រយោជន៍គ្មានន័យអ្វីឲ្យជីវិតនេះត្រូវជួប។ តែអ្នកត្រូវដឹងថាអ្វីក៏ដោយសុទ្ធតែផ្ដើមពីតូចទាំងអស់។ បើអ្នកក្រឡេកមើលតែបន្តិច ជីវិតអ្នកនឹងមានន័យ រស់មានក្ដីសង្ឃឹមដោយសារអ្នកមានគោលដៅ និងដឹងថាខ្លួនជានរណា មកពីណា។
១ អ្វីសំខាន់សម្រាប់អាជីពសព្វថ្ងៃនេះ
តើអ្វីដែលសំខាន់បំផុតសម្រាប់អាជីពរបស់អ្នក? ស្វែងរកភាពច្បាស់លាស់លើសំណួរមួយនេះ។ ប្រសិនបើអ្នកនិយាយថាលុយ គឺជាជំហានមួយឆ្ងាយណាស់សម្រាប់ជីវិត។ ហេតុអ្វីបានជាយើងចង់បានលុយ? លំហាត់នេះនឹងពង្រីកគោលបំណងរបស់យើង ឲ្យកាន់តែក្លៀវក្លាជាងមុន។
២ ស្វែងរកសំឡេងពិតពីខ្លួនឯង
វិស័យនៃការអភិវឌ្ឍខ្លួនឯងមានច្រើន។ ប៉ុន្តែដើម្បីទទួលបានអត្ថប្រយោជន៍ច្រើនបំផុត ពីពេលវេលាដែលអ្នកបានធ្វើឲ្យខ្លួនឯងរីកចម្រើន សូមស្វែងរកសំឡេងពិតប្រាកដដែលអ្នកស្គាល់បំផុតក្នុងខ្លួនអ្នក។
៣ សរសេរស្គ្រីបដាស់តឿនខ្លួនឯង
យីហោរបស់យើងគឺជារឿងយើង ហើយវាបានជះឥទ្ធិពលដល់អ្នកដទៃ ដើម្បីចូលរួមជាមួយយើងក្នុងការឈានដល់គោលដៅរួមគ្នា។ ធ្វើបញ្ជីខ្លីៗនៃការសាកល្បងនិងពេលវេលាដែលយើងបានធ្វើកន្លងមក។ ការសរសេរស្គ្រីបដាស់តឿនខ្លួនឯង ដូចដាក់គោលដៅអនាគតមួយដែរ។
៤ បរិភោគគេងដើម្បីយកថាមពល
ប្រសិនបើអ្នកយល់ថាខ្លួនមានអារម្មណ៍ថាងងុយគេង សូមគេយកកម្លាំង បើឃ្លានសូមទទួលទានចុះ វាមិនត្រឹមតែចំនួននៃការគេងដែលអ្នកកំពុងទទួលបាននោះទេ វាក៏សំខាន់ចំពោះរបបអាហាររបស់យើងផងដែរ។ ហូបឆ្អែតគេលក់ ទើបមានកម្លាំងបន្តទៅមុខទៀត។
៥ ដឹងពីប្រាក់ចំណាយផ្ទាល់ខ្លួនសព្វថ្ងៃ
ប្រសិនបើយើងមិនដឹងឬមិនមានទិន្នន័យនៃការចាយវាយ យើងមិនអាចមានប្រាកសល់ដូចគេទេ។ សូមពិចារណាធ្វើការផ្លាស់ប្ដូរទម្លាប់មួយចំនួន ដែលយើងកំពុងតែបំផ្លាញប្រាក់។
៦ កំណត់អត្តសញ្ញាណខ្លួនឯង
សំឡេងនៃការសង្ស័យលើខ្លួនឯង ស្ថិតនៅក្នុងខ្លួនយើងទាំងអស់។ ប៉ុន្តែនៅពេលអ្នកកំណត់អត្តសញ្ញាណខ្លួនបាន សូមដកយកថាមពលអាក្រក់នេះចោល ដើម្បីយកឈ្នះភាពជឿជាក់របស់អ្នក។
៧ អបអរពេលវេលាល្អ
ប្រសិនបើអ្នកមិនអបអរការឈ្នះរបស់អ្នក តើអ្នកណានឹងគួរតែអបអរទៅ? រៀងរាល់យប់ក្នុងសប្ដាហ៍ណាក៏ដោយ យើងត្រូវតែរៀនអបអរចំពោះលទ្ធផល នៃថ្ងៃដែលយើងទទួលបាន មិនថាការងារផ្ទាល់ខ្លួន ឬនៅកន្លែងធ្វើការ រឿងអស់នេះនឹងធ្វើឲ្យយើងមានមោទនភាព។ វានឹងធ្វើឲ្យយើងមានកម្លាំងចិត្តបន្តទៅមុខទៀត៕
ប្រែសម្រួល៖ សាង ស្រីល័ក្ខ
ចុចអាន៖វិធីធ្វើឲ្យមានកម្លាំងចិត្តដោយខ្លួនឯង ទោះស្ថិតក្នុងស្ថានភាពលំបាកយ៉ាងណាក៏ដោយ
-
ព័ត៌មានជាតិ៦ ថ្ងៃ agoទេសចរគួរដឹងអ្វីខ្លះ ពេលទៅកម្សាន្តតំបន់អេកូទេសចរណ៍រ៉ាមសារសម្រស់កោះហានក្នុងខេត្តស្ទឹងត្រែង?
-
ព័ត៌មានអន្ដរជាតិ៥ ថ្ងៃ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
ព័ត៌មានអន្ដរជាតិ៦ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានអន្ដរជាតិ៦ ថ្ងៃ agoវិមានក្រឹមឡាំង៖ ពូទីន ត្រៀមជួបហ្សេលេនស្គី ទាល់តែមានការចុះហត្ថលេខាលើកិច្ចព្រមព្រៀងសន្តិភាព
-
ព័ត៌មានជាតិ១ សប្តាហ៍ agoមន្រ្តីបរិស្ថានស្នើពលរដ្ឋកុំបរិភោគត្រីងាប់ និងផ្អាកប្រើប្រាស់ទឹកព្រែកត្រែង នៅស្រុករតនៈមណ្ឌល ខេត្តបាត់ដំបង
-
ព័ត៌មានជាតិ៤ ថ្ងៃ agoតំណាងអយ្យការសម្រេចចោទប្រកាន់លោកផ្កាយបីនិងលោកផ្កាយពីរ រួមអ្នកពាក់ព័ន្ធ៤នាក់ផ្សេងទៀត
-
សន្តិសុខសង្គម៤ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ
-
ព័ត៌មានជាតិ១ ថ្ងៃ agoអាជ្ញាធរទាត់ចោលព័ត៌មានដែលផ្សាយថា ថៃបានឈ្លានពានចូលទឹកដីខ្មែរនៅខេត្តប៉ៃលិន