KPT+

រៀនចប់ភ្លាម និស្សិតៗគួរសង្វាតធ្វើរឿងទំាងនេះលត់ដំបំណិនជីវិត

បានផុស

៦ years មុន

នៅ

ថ្ងៃពុធ ១៨ វិច្ឆិកា ២០២០

ដោយ

និស្សិតមហាវិទ្យាល័យជាច្រើន មិនបានដឹងអត្ថប្រយោជន៍ពីការចូលរួមក្នុងក្លឹបនិស្សិតនិងអង្គការដែលត្រូវបានផ្ដល់ជូន នៅតាមមហាវិទ្យាល័យនិងសាកលវិទ្យាល័យភាគច្រើននោះទេ។ ការចូលរួមចំណែកមួយនេះ អាចជាបទពិសោធន៍ដ៏អស្ចារ្យ ដែលក្នុងនាមជា និស្សិតគួរដឹង។

នេះជាហេតុផលមួយចំនួន ដែលយើងគួរតែចូលរួមក្នុងក្លឹបនិស្សិត និងអង្គការនានា ៖

១. បានជួបមនុស្សថ្មី

អាចពិបាកក្នុងការជួបមនុស្សថ្មី នៅមហាវិទ្យាល័យ ជាពិសេសក្នុងឆ្នាំដំបូងរបស់យើង។ ទំហំថ្នាក់អាចធំ និងធ្វើឲ្យយើងអៀនខ្មាស ហើយពិបាកនិយាយជាមួយអ្នកដទៃនៅក្នុងថ្នាក់។

នេះជាមូលហេតុដែលការចូលរួមក្លឹប នឹងធ្វើឲ្យយើងឃើញខ្លួនឯងនៅក្នុងក្រុមមនុស្សតូចមួយ ដែលអាចចែករំលែកចំណាប់អារម្មណ៍រួមគ្នា ហើយកាន់តែធ្វើឱ្យងាយស្រួលក្នុងការនិយាយនិងស្គាល់គ្នា។

២. ស្គាល់អ្នកដែលមានចំណង់ចំណូលចិត្តដូចយើង

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មានក្លឹបនិស្សិតនិងអង្គការជាច្រើនសម្រាប់មុខជំនាញនិងមន្ទីរផ្សេងៗគ្នា។ ក្លឹបបែបនេះអាចមានភាពសប្បាយរីករាយក៏ដូចជាធនធានសិក្សាដ៏អស្ចារ្យសម្រាប់យើង។ ប្រសិនបើយើងកំពុងសិក្សាលើមុខជំនាញដែលស្រលាញ់ស្រាប់ អាចថាយើងនឹងបានជួបអ្នកផ្សេងទៀតដែលមានចំណង់ចំណូលចិត្តដូចគ្នា ជាមួយយើង។

ជាពិសេសគឺយើងបានស្គាល់សាស្ត្រាចារ្យនៅក្នុងផ្នែករបស់យើង ហើយថែមទាំងទទួលបានជំនួយសិក្សានិងដំបូន្មានផ្សេងទៀតផង។

៣. បានរៀនជំនាញភាពជាអ្នកដឹកនាំ

ក្លឹបនិស្សិតនិងអង្គការនានា អាចជាវិធីដ៏ល្អមួយដើម្បីរៀនជំនាញភាពជាអ្នកដឹកនាំសំខាន់ៗ ដែលនឹងមើលទៅអស្ចារ្យលើការងារ ឬការដាក់ពាក្យក្នុងសាលាជាដើម។

ការកាន់តំណែងប្រតិបត្តិនៅក្នុងក្លឹប នឹងត្រូវបានឆ្លុះបញ្ចាំងនៅក្នុងកំណត់ត្រានិស្សិតផ្លូវការរបស់យើងមិនខាន។ យើងនឹងអាចទទួលបានជំនាញសំខាន់ៗផ្សេងទៀត ដូចជាការរៀបចំព្រឹត្តិការណ៍ ការគ្រប់គ្រងហិរញ្ញវត្ថុ និងសម្របសម្រួលសមាជិកក្លឹបផ្សេងទៀត។

៤. ទទួលបានការផ្លាស់ប្ដូរពីមុខវិជ្ជាផ្សេងគ្នា

បរិយាកាសខុសគ្នាជាមួយមនុស្សដែលមានគំនិតដូចគ្នា នឹងផ្ដល់ឲ្យយើងនូវការផ្លាស់ប្ដូរដែលត្រូវការច្រើន។ ជួនកាលយើងកំពុងតែផ្ដោតអារម្មណ៍លើការងារសាលា ប៉ុន្តែយើងធ្វើមុខវិជ្ជានោះមិនចេញ មិត្តរបស់យើងក្នុងក្រុម ពួកគេអាចជាគន្លឹះក្នុងការដោះស្រាយលំហាត់របស់យើងបាន។ ការផ្ដល់គំនិតពីអ្នកជុំវិញខ្លួន នឹងធ្វើឲ្យខួរក្បាលរបស់យើងទទួលបានប្រយោជន៍ច្រើនអនេក។

៥. សប្បាយរីករាយជាមួយគ្នា

ចុងក្រោយក្លឹបនិស្សិតនិងអង្គការអាចជាការជួបជុំគ្នា បង្កភាពសប្បាយជាមួយគ្នា។ យើងនឹងបានជួបមនុស្សថ្មីដែលមានចំណាប់អារម្មណ៍ដូចគ្នានឹងយើង នៅព្រឹត្តិការណ៍និងសកម្មភាពសប្បាយផ្សេងៗទៀត៕

ប្រែសម្រួល៖ សាង ស្រីល័ក្ខ

ចុចអាន៖សេដ្ឋីជេកម៉ាថា ចង់មានបាន ចូរកាត់ចោលចំណុចទំាងនេះបន្ទាន់

ចុចអាន៖កុំនិយាយបែបនេះទៅកាន់មិត្តរួមការងារ បើនៅចង់ឲ្យគេផ្ដល់តម្

Related Topics: