KPT+
ប្រកាន់ទង្វើប៉ុន្មាននេះ កុំសង្ឃឹមស្រឡាញ់គ្នាបានយូរ
ស្រឡាញ់គ្នា បើប្រកាន់ចរិតខ្លួន មិនព្រមព្រលែងភាពមានៈ មិនព្រមលះបង់ដើម្បីគ្នាខ្លះទេ កុំសង្ឈឹមផ្លូវស្នេហាអាចដើរដល់ត្រើយសុខសាន្តបានឱ្យសោះ។
ខាងក្រោមនេះជាទម្លាប់មិនល្អដែលគួរឈប់ពីពេលនេះទៅ ដើម្បីសាងសុភមង្គលឱ្យគ្នាទៅវិញទៅមក។
១. និយាយអាថ៌កំបាំងរបស់អ្នកទាំងពីរប្រាប់គេ
ពេលណាគូស្នេហ៍យើង និយាយរឿងផ្ទាល់ខ្លួនរបស់គេប្រាប់ នោះដោយសារតែគេទុកចិត្តយើង។ ផ្ទុយទៅវិញ បើយើងយកអាថ៌កំបាំងនោះទៅនិយាយបន្ត វាមិនខុសអីពីហែកកេរ្តរ៍របស់គេឡើយ។ ទម្លាប់និយាយរឿងស្និទ្ធស្នាលឬត្អូញត្អែពីទម្លាប់មិនល្អរបស់សង្សារ ប្រាប់អ្នកផ្សេង គឺជាកំហុសឆ្គង ហើយអាចនាំឱ្យអ្នកទាំងពីរប្រេះឆា។
២. ព្យាយាមេជ្រៀតចូលរឿងផ្ទាល់ខ្លួនដៃគូ
ក្រោយក្លាយជាសង្សារនឹងគ្នា យើងអាចមានសិទ្ធិដឹងរឿងគ្រប់យ៉ាងពីគ្នា។ តែក៏មិនមានន័យថា គ្រប់បញ្ហា គ្រប់សកម្មភាពរបស់ដៃគូ យើងត្រូវតែចូលជ្រៀតជ្រែកនោះឡើយ។ មនុស្សយើងម្នាក់ៗសុទ្ធតែត្រូវការចន្លោះមួយសម្រាប់ខ្លួនឯង ដូច្នេះកុំព្យាយាមគ្រប់គ្រងគេ ឬឱ្យដំបូន្មានគ្រប់យ៉ាងពេក ជួនកាលគ្រាន់តែស្តាប់ ក៏គេស្កប់ស្កល់ហើយ។
៣. ដេញដោលមិនស្គាល់ពេលវេលា
ទម្លាប់របស់អាក្រក់យើង គឺចូលចិត្តខលឬផ្ញើសារ ទៅគេគ្រប់ពេល សូម្បីតែនៅពេលគេកំពុងតែរវល់នឹងការងារ។ គ្មាននរណាផ្ដោតអារម្មណ៍ធ្វើការល្អទេ បើយើងសួរលិចសួរកើតអ៊ីចឹងនោះ។
៤. ប្រចែប្រចណ្ឌខុសរឿង
ស្រីណាឬប្រុសណាមិនស្រឡាញ់សង្សារខ្លួន? ស្រឡាញ់ខ្លាំង ប្រាកដជាប្រចណ្ឌខ្លះហើយ ប៉ុន្តែបើតែងតែបញ្ចេញសកម្មភាពហួងហែង ប្រកាន់មិនឱ្យគេនិយាយជាមួយភេទផ្ទុយ វាដូចជាលើសពេកហើយ។ ព្យាយាមផ្តល់សិទ្ធិសេរីភាពផ្ទាល់ខ្លួនដល់គេ នោះទើបជាការស្រឡាញ់ពិតប្រាកដ។
៥. ចូលចិត្តសន្និដ្ឋានតែផ្ដាស
កុំចេះតែទម្លាប់ធ្វើការសន្មត់រឿងអ្វីមួយទុកក្នុងចិត្ត ដោយមិនសួរនាំគ្នា វានឹងធ្វើឱ្យកើតការយល់ច្រឡំ ហើយកើតមានជម្លោះ ព្រោះសង្ស័យមិនត្រូវទំនង។ កុំព្យាយាមធ្វើតាមតែចិត្តខ្លួនឯងពេក ព្យាយាមយល់ពីគ្នាផង។
៦. មិនជឿទុកចិត្តដៃគូ
ប្រសិនបើកើតមានរឿងរំខានអ្វីមួយចំពោះវិថីស្នេហ៍អ្នកទាំងពីរ គួរប្រាប់ដល់គ្នាជាជាងការរក្សាទុកជាភស្តុតាងដើម្បីចាប់កំហុស។ មិនថា យើងសង្ស័យគេមានថ្មី ឬបញ្ហាគ្រួសារគេមិនចូលចិត្ត គួរតែពិភាក្សាគ្នា ប្រសើរជាងលាក់ទុក ហើយចោទប្រកាន់ឬទៅចោលគ្នា។
៧. ទាមទារឱ្យគេផ្គាប់ចិត្តខ្ពស់
មិនអាចឱ្យគេនៅចាំមើលថែយើងគ្រប់ពេលវេលាបានទេ។ គេក៏មានគ្រួសារ មានមិត្តភក្តិ និងជីវិតផ្ទាល់ខ្លួនគេដែរ ហើយមិនថាយើងមិនព្រមទទួលការពិតនេះប៉ុនណា គេនៅតែមិនអាចនៅជាមួយយើងគ្រប់ពេលបានដែរ។ ស្រឡាញ់ត្រូវចេះលះបង់ ទើបមានក្ដីសុខ មិនមែនទាមទារការផ្គាប់ផ្គុននោះទេ៕
ប្រែសម្រួល៖ សន្យា
ប្រភព៖ BRIDE
ចុចអាន៖ មនុស្សប្រុសមានរបៀបលង់ស្រលាញ់ខុសពីមនុស្សស្រីនៅត្រង់….
-
សេចក្ដីជូនដំណឹង៥ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៤ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច៦ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
កីឡា៧ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
សន្តិសុខសង្គម៥ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម
-
ព័ត៌មានអន្ដរជាតិ៦ ថ្ងៃ agoពូទីន គេចមិនឆ្លើយរឿងកាន់អំណាចដល់ឆ្នាំ២០៣៦ ហើយប្រាប់ថា «មានតែព្រះទេទើបដឹង»
-
ព័ត៌មានជាតិ៧ ថ្ងៃ agoសម្តេចធិបតី៖ ទម្លាប់ខ្ញុំវាយតម្លៃការងារផ្អែកលើលទ្ធផលជាក់ស្តែង មិនមើលតែរបាយការណ៍ល្អៗពីថ្នាក់ក្រោមនោះទេ
-
ព័ត៌មានជាតិ១ សប្តាហ៍ agoផ្លូវទៅតំបន់អេកូទេសចរណ៍អារ៉ែង ឈានទៅចាក់ក្រាលកៅស៊ូស្ទើរបញ្ចប់ ១០០%