មនុស្សប្រុសមាន​របៀបលង់ស្រលាញ់ខុសពីមនុស្សស្រីនៅត្រង់….

និយាយដោយស្មោះត្រង់ មានពេលខ្លះទំនាក់ទំនងស្នេហា​បង្កប់ក្នុងចិត្ត​ខាងស្រីនិងប្រុស​ខុសគ្នាមេឃនឹងដី​ ជាហេតុ​បង្កើតការ​សង្ស័យ​ប្រចណ្ឌគ្នាមិនស្រាកស្រាន្ត។

អារម្មណ៍ថា មិត្តប្រុស​មិនបានយកចិត្តទុកដាក់គ្រប់គ្រាន់តែងធ្វើឱ្យ​ខាងស្រី​ប្រៀបធៀប​និងនៅសុខៗ មកមានទុក្ខព្រួយបានធ្វើ់ឱ្យមនុស្ស​ប្រុសឈឺក្បាលគិតមិនចេញ។

មានភាពខុសគ្នាច្រើនណាស់ នៃការបង្ហាញស្នេហាក្នុងចិត្ត​មនុស្ស​ប្រុស​ចេញមកក្រៅ ដែលនាង​គួរយោគយល់៖

គេក៏អាចមាន​អារម្មណ៍​ថាខាងស្រីព្រងើយកន្តើយដែរ តែគេមិនប្រតិកម្ម

បុរសមិនងាយ​​បញ្ចេញ​ប្រាប់នាងពីអ្វីដែលកំពុងកើតឡើងនិងអារម្មណ៍របស់គេទេ​ទាំង​ដែលការពិត​គេសែន​ត្រូវការការយកចិត្តទុកដាក់ពីដៃគូ តែគេមិនចង់ឱ្យនាងធុញ​ទ្រាន់ ក៏មិនចង់មាន​ចរិតទាមទារ​សាំដូចស្រី។ ពេលខ្លះ គេ​អាចច្របូកច្របល់ ហើយគិតថាទំនាក់ទំនងកំពុងមាន​គ្មានការប្តេជ្ញាចិត្តពីភាគីទាំងសង​ដែរ ហើយ​ដើម្បីវិនិយោគយ៉ាងខ្លាំងនៅក្នុងទំនាក់ទំនងនោះគេមិនដឹងធ្វើម៉េចទេ​ខាងស្រីអាចថា ម៉ត់ចត់ជាង​។ នាង​គួរនាំគេនិយាយអំពីអនាគតនិងការងារអាជីព មុខរបរឬតម្លៃក្នុងសង្គមរបស់គេ ជាជាងអាងតែលើការរួមភេទ ធ្វើបែបនេះ​គេនឹង​ដឹងថា គេជាអ្នកណា និងមានអារម្មណ៍ថា កំពុងមាន​ស្នេហា​ដែល​គួរឱ្យទុកចិត្ត​មួយទៅអនាគត។

មនុស្សប្រុស​ទាក់ភ្នែកនឹងសម្រស់ តែការគោរព​ទាក់បេះដូង

ហេតុអ្វី​ក្មេងៗស្រលាញ់ម្តាយ​ទាំងមិនខ្វល់ខ្វាយអ្វីអំពី​សម្រស់នាង ។ មនុស្ស​ប្រុស​ដូចជាក្មេងដែរ​ គេត្រូវការភាពកក់ក្តៅ​និង​ទំនុកចិត្ត​។ គេចូលចិត្ត​នៅជាមួយ​អ្នកណាដែលមិនរាយមាយ ​ហើយ​អាចនិយាយចេញមកបានទាំំងអស់ មិនថាការងារ​ឬវិបត្តិផ្លូវចិត្ត​។ នាងគួរតែ​មាន​សមត្ថភាពស្មើគ្នា មិនថា​កម្រិតនៃការ​គិត​ និងការពិភាក្សា ព្រមទាំងជួយ​រក្សាការសម្ងាត់បានល្អផង។ បើនាង​មិនមាន​របស់ទាំងនេះ គឺគេស្រលាញ់ត្រឹមសម្រស់ ដែលថ្ងៃណាមួយ​នឹងមានអ្នកជំនួសថ្មីបាន។

ភាពជាម្តាយនិងស្មោះត្រង់

ប្រសិនបើនាងមានភាពស្មោះត្រង់ជាមួយគេ ហើយនិយាយត្រង់ទៅត្រង់មកជានិច្ច បុរសពិបាកចាកចេញណាស់។ បុរសងាយចាប់មនុស្ស​កុហកបានបំផុត​ គ្រា​ន់តែគេមិននិយាយឬជាន់កែងនាង។ ការកុហកតូចៗនាំមកនូវ​មរណភាពទំនាក់ទំនង​។ គេតែងគិតអំពី​អ្នកណាដែលសមជាម្តាយ​ផ្តល់កំណើតលើកូនរបស់គេ ដូច្នេះបើគេ​បន្លាយពេលយូរមិននិយាយរឿងកសាងគ្រួសារ គឺគេ​រកម្តាយនោះមិនទាន់ឃើញនៅឡើយ។ ការយល់ខុសរបស់មនុស្សស្រី គឺគិតថា​រាងស្លីម និង​ការសរសើរ​ក្នុងចំណោម​មិត្ត​ភក្តិគេអំពីសម្រស់នាងជាជោគជ័យ តាមពិត ត្រឹមជាជោគជ័យ​ឡើងគ្រែជាមួយគ្នា​ដែល​អ្នកនឹងស្តាយក្រោយ។

កាយវិការសប្បុរស

មិនថា​គេអ្នកលេង ជាមនុស្ស​អាក្រក់យ៉ាងណា ចិត្តមនុស្សប្រុស​ទោរទន់នឹងក្តីសប្បុរស។ ចំនួនការយកចិត្តទុកដាក់ដែលខាងស្រីបរិច្ចាគឱ្យគេ តែងតែទទួលផ្ទុក​ជ្រៅឡើងៗក្នុងបេះដូងគេ ហើយកសាងភាពស្អាត​របស់អ្នកពីមួយថ្ងៃទៅមួយថ្ងៃ ដែលមនុស្ស​ប្រុស​គ្រប់គ្នារមែងចុះចាញ់៕

ប្រែសម្រួល៖ Mr Tomorrow

ចុចអាន៖ អំពីការរៀបអាពាហ៍ពិពាហ៍លើកទី ២ ក្រោយលែងលះម្ដងហើយ

ចុចអាន៖ អាកប្បកិរិយាងាយសម្គាល់នៃមនុស្សដែលញៀននឹងរឿងភេទសម្ព័ន្ធ