លាតត្រដាងប្រាក់ខែមេដឹកនាំពិភពលោក ១១រូប អ្នកបានច្រើនជាងគេគឺនៅ អាស៊ីអាគ្នេយ៍

នៅពេលយើងនិយាយពីមនុស្សដែលមានប្រាក់ខែខ្ពស់បំផុតនៅលើពិភពលោក យើងប្រហែលជាគិតដល់លោក Elon Musks, Chris Pratts និង Kim Kardashians ហើយ ប៉ុន្តែយើងកម្រគិតដល់ប្រមុខរដ្ឋាភិបាលនានាណាស់។

ទោះបីជាយ៉ាងណាក៏ដោយ មេដឹកនាំទាំងនោះ ប្រហែលជានឹងធ្វើឲ្យអ្នកភ្ញាក់ផ្អើល ពេលដឹងអំពីប្រាក់ខែរបស់ពួកគេ។

ថ្ងៃនេះ កម្ពុជាថ្មី សូមបង្ហាញប្រាក់ខែរបស់ថ្នាក់ដឹកនាំពិភពលោកចំនួន ១១រូប៖

១១. នាយករដ្ឋមន្ត្រី ជប៉ុន លោក Yoshihide Suga ប្រាក់ខែ ២៥៥,០០០ ដុល្លារអាមេរិក

១០. នាយករដ្ឋមន្ត្រី កាណាដា លោក Justin Trudeau ប្រាក់ខែ ២៦០,០០០ ដុល្លារអាមេរិក

៩. នាយករដ្ឋមន្ត្រី បែលហ្ស៊ិក លោក Alexander De Croo ប្រាក់ខែ ២៦៣,០០០ ដុល្លារអាមេរិក

៨. នាយករដ្ឋមន្ត្រី លុចសំបួ លោក Xavier Bettel ប្រាក់ខែ ២៧៨,០០០ ដុល្លារអាមេរិក

៧. នាយករដ្ឋមន្ត្រី នូវែលសេឡង់ លោកស្រី Jacinda Ardern ប្រាក់ខែ ៣២៥,៥០០ ដុល្លារអាមេរិក

៦. អធិការបតី អូទ្រីស លោក Sebastian Kurz ប្រាក់ខែ ៣២៨,៦០០ ដុល្លារអាមេរិក

៥. អធិការបតី អាល្លឺម៉ង់ លោកស្រី Angela Merkel ប្រាក់ខែ ៣៦៩,៧០០ ដុល្លារអាមេរិក

៤. នាយករដ្ឋមន្ត្រី អូស្រ្តាលី លោក Scott Morrison ប្រាក់ខែ ៣៨៤,៨០០ ដុល្លារអាមេរិក

៣. ប្រធានាធិបតី សហរដ្ឋអាមេរិក លោក Joe Biden ប្រាក់ខែ ៤០០,០០០ ដុល្លារអាមេរិក

២. នាយកប្រតិបត្តិទីក្រុង ហុងកុង លោកស្រី Carrie Lam  ប្រាក់ខែ ៥៦៨,៤០០ ដុល្លារអាមេរិក

១. នាយករដ្ឋមន្ត្រី សិង្ហបុរី លោក Lee Hsien Loong ប្រាក់ខែ ១.៦ លានដុល្លារអាមេរិក៕

ប្រែសម្រួល៖ Vann Vann

ប្រភព៖ SCMP

ចុចអាន៖ កំពូលមេដឹកនាំមានឥទ្ធិពលលើពិភពលោក​ ជិះរថយន្តអ្វី?