KPT+
គន្លឹះទាំង ៥ ដើម្បីក្លាយអ្នកនិពន្ធឆ្នើមម្នាក់
គន្លឹះខ្លះៗ ដើម្បីជាទុនក្នុងការសរសេរសៀវភៅមួយក្បាល ឲ្យចេញជារូបរាងគឺមិនងាយស្រួលឡើយ វាត្រូវការពេលវេលា តិចនិក និងសិល្ប៍វិធី រួមទាំងអារម្មណ៍របស់អ្នកសរសេរចូលទៅក្នុងសាច់រឿងមួយនោះ។
អានគន្លឹះទាំង ៥ យ៉ាងនេះអាចជួយបានច្រើនដើម្បីក្លាយជាជាអ្នកនិពន្ធឆ្នើមម្នាក់ ៖
១. តែងតែកាន់សៀវភៅកត់ត្រាតាមខ្លួន
យកសៀវភៅកត់ត្រាតាមទៅគ្រប់ទីកន្លែង ហើយកត់ត្រានូវគ្រប់យ៉ាងដែលចងចាំក្នុងចិត្ត ទោះបីជាវាមិនទាក់ទងនៅពេលនោះក៏ដោយ។ អ្នកអាចសរសេរគំនិត ឬការសន្ទនាដែលកន្លងផុតទៅចូលក្នុងសៀវភៅកត់ត្រា។
ចូលទៅក្នុងទម្លាប់នៃជីវិតជាអ្នកនិពន្ធ ហើយសរសេរវាចូលទាំងអស់។ កុំបារម្ភថា វានឹងទៅជាយ៉ាងណា គ្រាន់តែសរសេរវា ឲ្យជាទម្លាប់។
២. គិតហើយចាប់ផ្តើម
ចាប់ផ្ដើមមើលឃើញពិភពលោកតាមរបៀប ដែលយើងគិតនិងបង្រៀនខ្លួនឯងឱ្យចាប់យកសារធាតុមួយតូច មកចាប់ផ្តើមសរសេរបង្កើតក្តី រីករាយជាមួយការងារនោះ និងមើលឃើញពីសក្ដានុពលនៃការទាកទាញអ្នកអានសិនទើបយើងមានទឹកចិត្តបន្តជានិច្ចព្រោះការងារនេះហត់ចិត្តនិងទាមទារការព្យាយាម។
នឹកឃើញគំនិតថ្មីៗជានិច្ច ក្នុងនាមជាអ្នកនិពន្ធ ប្រើការអាន គឺចាំបាច់ណាស់ មិនថាជាសៀវភៅប្រភេទអ្វី របស់អ្នកនិពន្ធម្នាក់ណាឡើយ យើងនឹងមានគំនិតច្រើនឡើងៗ។
៣. សរសេរសៀវភៅដែលយើងចង់អានជាមុនសិន
មនុស្សច្រើនតែងគិតថា ពួកគេគួរតែសរសេរដើម្បីផ្គាប់ចិត្តអ្នកណាម្នាក់ មិនថាដើម្បីផ្គាប់ចិត្តទស្សនិកជន ឬអ្នករិះគន់ ឬអ្នកអាន។ សភាវគតិ តែងតែនិយាយថា អ្នកមិនអាចទស្សន៍ទាយចិត្តរបស់អ្នកដទៃបានទេ។
អ្វីដែលអាចធ្វើបាន គឺគិតថា ប្រសិនបើអ្នកជាអ្នកអាន តើអ្នកចង់អានអ្វី? វិធីមួយដើម្បីសញ្ជឹងគិត នោះគឺចូលទៅក្នុងបណ្ណាល័យឬបណ្ណាគារមួយ ហើយស្រមៃមើលថា តើសៀវភៅអ្វីដែលនឹងធ្វើឱ្យអ្នកចង់ចាប់យកវាចេញពីធ្នើរមុនគេ។
ប្រសិនបើអ្នកចាប់យកវាចេញពីធ្នើរ ហើយរំភើបក្នុងការអានវា ។ បន្ទាប់មកមនុស្សផ្សេងទៀត ក៏អាចមានអារម្មណ៍ដូចជាអ្នកដែរ។
៤. ស្វែងរកលក្ខណៈពិសេសរបស់ខ្លួន
រឿងមួយដែលពិបាកបំផុតក្នុងនាមជាអ្នកនិពន្ធ គឺការស្វែងរក «ភាពជាខ្លួនឯង»។ កុំអង្គុយនៅស្ងៀមក្នុងបន្ទប់ ទីនោះដោយគិតថា តើគួរសរសេរប្រភេទអ្វី សម្តី ចរតិបែបណាផ្ទុយទៅវិញ ចាប់ផ្ដើមដោយគិតថា រឿងខុសពីអ្នកដទៃត្រង់ណា។ ជាទូទៅគួររង់ចាំឱ្យមនុស្សផ្សេងទៀត «អ្នកអាន» មករកលក្ខណៈពិសេសឱ្យយើងវិញតែយើងត្រូវដឹងដែរថា យើងចង់បានលក្ខណៈពិសេសបែបណា ។
ត្រូវហើយ វាពិបាក! បើមិនអីចឹងអ្នកនិពន្ធល្បីគ្រប់គ្នាហើយ!
តែត្រូវតែជម្នះ បើអ្នកតាំងចិត្តថា នឹងកាន់ស្លាបប៉ាកកា លើវិថីមួយនេះ។
៥. រៀបចំគ្រោងឆ្អឹង
ដំណាក់កាលនៃការធ្វើផែនការ ឬគ្រោងឆ្អឹងនៃសៀវភៅ គឺចាំបាច់ណាស់ ហើយវាត្រូវការពេលច្រើនខែ។ ពេលមានផែនការ ឬគ្រោងឆ្អឹងច្បាស់លាស់ ការចាប់ផ្ដើមសរសេរសៀវភៅនៅក្នុងការិយាល័យ ឬអង្គុយនៅក្នុងហាងកាហ្វេ នៅទីណាក៏ដោយក៏មិនលំបាកអ្វី។
ការពិតគឺថា អ្នកនិពន្ធអាចរៀបចំផែនការ ឬគ្រោងឆ្អឹងរឿងនៃសៀវភៅរខ្លួនបាន ប៉ុន្តែក្នុងកំឡុងពេលខ្លះ សាច់រឿងអាចនឹងផ្លាស់ប្ដូរ ប៉ុន្តែរបៀប និងការតាក់តែង គឺនៅដដែល៕
ប្រែសម្រួល៖ សាង ស្រីល័ក្ខ
ចុចអាន៖ អ្នកនិពន្ធ ៣ រូប ហ្វេនៗស្ងើចសរសើរសរសេររឿងបែបរន្ធត់បានល្អខ្លាំង
ចុចអាន៖ ធឿន វុទ្ធី ចែករំលែកបទពិសោធន៍សរសេរប្រលោមលោកភ័យរន្ធត់ឲ្យព្រឺខ្លាចពិតៗ
-
ព័ត៌មានជាតិ១ សប្តាហ៍ ago៦ថ្ងៃក្នុងព្រឹត្តិការណ៍ «នគរសង្ក្រាន្ត» មន្ទីរសុខាភិបាលរាជធានីភ្នំពេញ បានពិនិត្យ និងព្យាបាលជូនពលរដ្ឋជាង២ពាន់នាក់
-
ព័ត៌មានអន្ដរជាតិ៤ ថ្ងៃ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
ព័ត៌មានអន្ដរជាតិ៥ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានអន្ដរជាតិ៥ ថ្ងៃ agoវិមានក្រឹមឡាំង៖ ពូទីន ត្រៀមជួបហ្សេលេនស្គី ទាល់តែមានការចុះហត្ថលេខាលើកិច្ចព្រមព្រៀងសន្តិភាព
-
ព័ត៌មានជាតិ៣ ថ្ងៃ agoតំណាងអយ្យការសម្រេចចោទប្រកាន់លោកផ្កាយបីនិងលោកផ្កាយពីរ រួមអ្នកពាក់ព័ន្ធ៤នាក់ផ្សេងទៀត
-
ព័ត៌មានជាតិ៧ ថ្ងៃ agoមន្រ្តីបរិស្ថានស្នើពលរដ្ឋកុំបរិភោគត្រីងាប់ និងផ្អាកប្រើប្រាស់ទឹកព្រែកត្រែង នៅស្រុករតនៈមណ្ឌល ខេត្តបាត់ដំបង
-
សន្តិសុខសង្គម៣ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ
-
ព័ត៌មានជាតិ៩ ម៉ោង agoអាជ្ញាធរទាត់ចោលព័ត៌មានដែលផ្សាយថា ថៃបានឈ្លានពានចូលទឹកដីខ្មែរនៅខេត្តប៉ៃលិន