KPT+
មិនអាចបង្ខំអ្នកណាម្នាក់ ឲ្យមកគោរព តែយើងអាចផ្លាស់ប្ដូរខ្លួនឯងបាន
ការគោរពគឺរឿងសំខាន់ទី ២ បន្ទាប់ពីស្នេហា យើងត្រូវផ្ដល់ជូនគ្នា ប្រសិនបើយើងចង់រស់នៅក្នុងពិភពលោកនេះរួមគ្នាដោយសន្តិភាព។
ហើយចាំបាច់បំផុតដែលយើងត្រូវចេះជួយគ្នាទៅវិញទៅមក។ ប្រសិនបើយើងចង់ឲ្យគេយល់ថាយើងជានរណា យើងក៏ត្រូវទទួលយកអ្នកដទៃ ដូចដែលយើងទទួលយកខ្លួនឯងដែរ។ ចង់បានជីវិតដែលព័ទ្ធជុំវិញដោយសេចក្ដីស្រឡាញ់ និងការយោគយល់ យើងក៏ត្រូវតែចេះរាប់អានអ្នកដទៃដោយការគោរព និងសេចក្ដីថ្លៃថ្នូរ ដែលពួកគេផ្ដល់ឲ្យយើង។
ប៉ុន្តែយើងគ្រប់គ្នាបែរជារស់នៅក្នុងពិភពលោកមួយ ដែលជាកន្លែងដែលកម្រកើតមានរឿងបែបនេះណាស់។ ដូចដែលយើងចង់ការគោរព តែយើងមិនបានធ្វើរឿងទាំងនោះដូចគ្នា។
ជាញឹកញយយើងឲ្យអ្នកដទៃធ្វើបាបយើង ហើយឲ្យជនខិលខូចទាំងនោះបានរួចខ្លួន។ យើងបានយល់ព្រមអនុញ្ញាតឲ្យពួកគេក្លាយជាផ្នែកមួយនៃជីវិតរបស់យើង ដោយដាក់ការទុកចិត្តរបស់យើងទាំងអស់លើពួកគេ ហើយពួកគេក៏ចាក់យើងនៅខាងក្រោយខ្នង។
បន្ទាប់យើងក៏ចាប់ផ្ដើមគិតមនុស្សលើលោកនេះ សុទ្ធតែអាក្រក់មិនឲ្យតម្លៃនិងគោរពយើងបន្តិចណាសោះ។
ប៉ុន្តែហេតុអ្វីបានជារឿងនេះកើតឡើងចំពោះយើង?
យើងគឺជាអ្នកដែលត្រូវឈឺចាប់ នៅពេលនិយាយអ្វីដែលអ្នកដទៃធ្វើមកលើយើង។ ប៉ុន្តែយើងបែរជាភ្លេចមួយគឺថា យើងក៏មិនល្អណាស់ណាដែរ។ ជារឿយៗយើងមិនដឹងរឿងនេះទេ រហូតដល់វាយឺតពេល។ តម្លៃផ្ទាល់ខ្លួនគឺពឹងផ្អែកទាំងស្រុងលើខ្លួនឯង។ យើងទទួលខុសត្រូវចំពោះរបៀបដែលយើងមើលឃើញខ្លួនឯង ជាមួយនឹងការគោរពកម្រិតណា និងថាតើយើងស្រឡាញ់និងយកចិត្តទុកដាក់ចំពោះខ្លួនឯងយ៉ាងដូចម្ដេច។
ពេលខ្លះនៅពេលដែលមាននរណាម្នាក់ជួបរឿងពិបាក យើងបែរជាញែកខ្លួនឆ្ងាយពីពួកគេ នោះគឺជាការបង្ហាញយ៉ាងច្បាស់ថាយើងកំពុងធ្វើអ្វីខុស។ វាជាសញ្ញាអាក្រក់មួយដែលថា ទំនាក់ទំនងដែលយើងមានជាមួយខ្លួនឯងនិងអ្នកដទៃគឺខ្សោយ។ ហើយយើងមិនអាចទទួលបានក្ដីស្រលាញ់និងការគោរពដែលសមនឹងយើងនោះទេ។ ដូច្នេះកុំសួរថា ហេតុអ្វីបានជារឿងនេះកើតឡើងចំពោះយើង?
ការពិតគឺថា យើងមិនអាចធ្វើឲ្យមនុស្សគោរពយើងបានទេ។ បើយើងធ្វើអ្វីដាក់គេនោះគេនឹងធ្វើដាក់យើងវិញដូចគ្នា។
យើងមិនអាចប្រាប់នរណាម្នាក់ឲ្យប្រព្រឹត្តចំពោះយើងតាមវិធីណាមួយឡើយ។ ពួកគេនឹងធ្វើដូចដែលពួកគេពេញចិត្ត ហើយអាចប្រព្រឹត្តតាមរបៀបដែលយើងបានប្រព្រឹត្តចំពោះពួកគេ។ ពួកគេនឹងស្រឡាញ់យើងដូចគ្នានឹងយើងស្រឡាញ់ខ្លួនឯង និងយកចិត្តទុកដាក់ចំពោះយើងដូចយើងថែរក្សាខ្លួនឯងដែរ។
ការគោរពមិនអាចបង្ខំបានឡើយ!
ទោះយ៉ាងណា យើងអាចបដិសេធមិនឲ្យគេធ្វើបាប ប្រឈមមុខជាមួយពួកគេ ហើយសម្រេចចិត្តដកពួកគេចេញពីជីវិតរបស់យើងបាន។ យើងអាចជ្រើសរើសជៀសវាងមិនទៅកន្លែងណាដែលមិនមានអ្នកមិនគោរពយើងបាន។ ជម្រើសគឺជារបស់យើង គ្រប់គ្នាអាចចាប់ផ្ដើមផ្លាស់ប្ដូរជីវិត ពីខាងក្នុងចេញ។
អ្វីដែលសំខាន់ត្រូវចងចាំ ដើម្បីទទួលបានជោគជ័យ គឺយើងត្រូវតែចាប់ផ្ដើមធ្វើការលើខ្លួនឯងមុន និងឲ្យតម្លៃខ្លួនឯង។ ហើយនោះគឺជាអ្វីដែលគ្មាននរណាម្នាក់អាចជួយយើងបានទេ គឺមានតែខ្លួនឯងប៉ុណ្ណោះ។ ឱបក្រសោបខ្លួនឯងជានរណា ហើយចាប់ផ្ដើមអនុវត្តការស្រឡាញ់ខ្លួនឯងច្រើនៗ។
ចូរគ្រប់គ្រងជីវិតរបស់យើងដោយប្រព្រឹត្តចំពោះខ្លួនឯង ដោយការគោរពដែលយើងសមនឹងទទួលបានជាងចង់បានពីអ្នកដទៃ៕
ប្រែសម្រួល៖ សាង ស្រីល័ក្ខ
ប្រភព៖iheartintelligence
ចុចអាន៖មនុស្សស្រីរឹងមាំនឹងមិនអត់ទ្រាំចំពោះទង្វើស្នេហាដែលមាន៧យ៉ាងនេះទេ
-
ព័ត៌មានជាតិ២១ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ជីវិតកម្សាន្ដ៦ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ